Feykir - 04.07.2018, Blaðsíða 10
Dreymir um íslenskar bjúgur
Rebekka Hekla Halldórsdóttir
er tvítug Fljótasnót, nánar
tiltekið dóttir Halldórs og
Maríu á Molastöðum. Rebekka
er elst átta systkina, hún gekk í
Sólgarðaskóla í Fljótum, síðan í
Grunnskólann austan Vatna og
að honum loknum skellti hún
sér í Menntaskólann á
Akureyri. Nú í lok janúar, að
loknu stúdentsprófi, þá ákvað
hún að taka flugið til Möltu þar
sem hún er nú í atvinnu-
flugnámi við European Pilot
Academy.
80 kílómetra suður af Ítalíu
liggur eyjan Malta í miðju
Miðjarðarhafinu. Íbúafjöldinn
telur tæplega 450 þúsund en
eyjan er aðeins 316 ferkíló-
metrar að stærð. Þetta er svona
álíka því að allir íbúar Möltu
byggju í Fljótunum og telst
eyjan því vera á meðal þétt-
býlustu þjóðlanda heimsins.
Höfuðborg Möltu er Valleta en
á eynni eru töluð tvö tungumál;
maltneska og enska. Í raun er
Malta lítill eyjaklasi en aðeins
þrjár eyjar eru byggðar. Vegna
staðsetningar sinnar er Malta
hernaðarlega mikilvæg og hafa
eyjarnar því í gegnum tíðina
mátt búa við að vera herteknar
af hverri þjóðinni af annarri. Í
dag er Malta þó helst hertekin
af hita- og söguþyrstum
ferðamönnum.
Rebekka býr í Triq Santa
Katerina í Qormi á Möltu sem
er ekki langt frá alþjóðaflug-
vellinum á eynni. Í Qormi eru
íbúar um 17 þúsund sem gerir
Rebekka Hekla í flugmannsbúningnum. MYNDIR ÚR EINKASAFNI
( DAGUR Í LÍFI BROTTFLUTTRA ) oli@feykir.is
Rebekka Hekla Halldórsdóttir / Fljótasnót í flugnámi á Möltu
hafragrautur með smá klípu af
sykri og á meðan ég borða hann
kveiki ég á Rás 2 og hlusta á
Næturtónana því yfirleitt eru
Sigmar og co ekki mætt á
útvarpssviðið þegar ég vakna.
Að sjálfsögðu renni ég líka yfir
vefsíðu Ríkisútvarpsins til að
athuga hvað sé að ske heima og
skoða Malta Today til að halda í
við lókalinn.
Maltverjar eru mjög hrifnir
að því að ferðast á einkabílunum
sínum sem verður til þess að
það er umferðarteppa meiri-
hluta dagsins. Ég nota strætó
hérna úti, enda myndi ég ekki
hætta mér í að keyra hérna.
Yfirleitt eru menn nokkuð
þolinmóðir en það koma
stundir þar sem fólk liggur á
flautunni eins og það trúi því að
hljóðbylgjurnar frá flautunni
muni ýta næsta bíl af stað.
Yfirleitt er ég ein á ferð en ef ég
næ parinu sem býr með mér á
fætur fylgja þau með. Það telst
þó til tíðinda því þeirra hluti
hússins er meira berskjaldaður
fyrir næturhljóðum hanans
góða sem verður til þess að þau
þurfa meiri svefn. Námið er
mjög mikið sjálfsnám og þegar
við þurfum ekki að mæta í tíma
eyðum við mestöllum deginum
í lærdóm við eldhúsborðið og
þess á milli erum við uppi á
svölum og böðum okkur í
sólinni sem lætur sjá sig mjög
oft núna þegar líður á sumarið.
Hver er hápunktur dagsins?
-Hápunktur dagsins mun vera
morgunninn. Það er allt svo
friðsælt, hitastigið úti er full-
komið og ég kippist öll til af
spenningi þegar ég heyri í
ávaxtabílnum fyrir utan sem
flautar af krafti. Ímyndið ykkur
ísbílsflautuna, nema bara svona
þúsund sinnum verri. Ávext-
irnir eru samt svo góðir og
ódýrir að ég fyrirgef það alveg,
eða svona oftast. Svo má ekki
gleyma ræktinni, þar getur
maður gleymt sér í tíma og
ótíma og ekki hugsað um
lærdóminn sem bíður manns
heima.
Hvað er best við að búa í þínu
nýja landi? -Það besta við að
búa á Möltu er í fyrsta lagi að ég
er að fá almennilegan húðlit. Ég
hef ekki orðið svona sólbrún
síðan ég var 11 ára í heyskap.
Síðan er alveg óhjákvæmilegt að
nefna verðlagið, sem er, miðað
við Ísland, bara algert grín.
Sérstaklega á matvörunni.
Hvað gerir þú helst í frístund-
um? -Þegar ég er ekki að læra
og hef lausan tíma langar mig
að geta sagt að ég geri eitthvað
mjög afkastamikið og merkilegt
en mér finnst stundum mjög
indælt að horfa á þætti eða
myndir eða leggjast í sólbað og
hlusta á einhver skemmtileg
podcöst. Það koma samt dagar
þar sem við tökum okkur til, en
við erum alls fimm Íslendingar
hérna á eyjunni í flugnámi, og
förum að skoða eitthvað
skemmtilegt eða förum á strönd
og með hækkandi hita ímynda
ég mér að það muni verða
reglulegur hlutur.
Hvers saknar þú mest að
heiman? -Húsið okkar er á
móti kjötbúð og þeir taka
stundum upp á því að reykja
kjöt á nóttunni og ég hef vaknað
upp við það og óskað þess að
þetta væru bjúgur og síðan
dreymt um bjúgur næstu nætur
eftir það. Mér fannst líka erfitt
að yfirgefa systkinin mín sem
maður er svo vanur að sjá um.
Hugurinn reikar líka oft til
Súbbans míns sem stendur á
hlaðinu heima. Síðast en ekki
síst sakna ég þess að þurfa ekki
að hafa áhyggjur af kakka-
lökkum og öðrum óvelkomnum
skordýrum sem fyrirfinnast
ekki heima.
Gætir þú deilt einhverri
sniðugri eða eftirminnilegri
sögu frá dvöl þinni erlendis?
-Ég hef lent í ýmsum atvikum
síðan ég kom út, bæði undar-
legum, óþægilegum og mögn-
uðum og það sem stendur upp
úr er þegar ég fór í fyrsta flugið
mitt.
Ég hafði ekki flogið neitt í
fjóra mánuði og tilhugsunin um
að fara fljúga þarna, á miklu
stærri velli en á Akureyri, var
alveg vel stressandi. Þegar ég ók
út á brautina og stillti vélinni
upp var ég með fiðrildi í
maganum, svitinn rann niður
bakið vegna hitans og það eina
sem var að renna í gegnum
huga minn var að eftir að ég
færi í loftið væri Boeing 737
næst á eftir mér – og það var
vægast sagt truflað. Flugið gekk
vel (fyrir áhugasama) og ef
einhver er á leið til Möltu á
næstunni væri alveg möguleiki
á að semja um útsýnisflug.
Hversu lengi ertu í kjör-
búðina frá heimili þínu?
Það eru u.þ.b 30 sekúndur í
næstu nauðsynjabúð.
Hvað færðu þér í staðinn
fyrir eina með öllu?
McNagga með mikilli tómat-
sósu.
Hvað kostar mjólkurlítr-
inn? 0,87 cent.
Hver er skrítnasti mat-
urinn? Kanínur eru vinsælar
og mjög algengar.
Hvert ferðu til að gera vel
við þig? Marion Mizzi, þar
kemst ég í sundlaug sem er
sjaldgæft hérna úti..
5 á 15
sekúndum
bæinn þann fimmta fjölmenn-
asta á Möltu. Á eyjunum er
vinstri umferð en Malta var
undir stjórn Breta til ársins 1964
þegar eyjarnar fengu sjálfstæði.
Samkvæmt skýrslu Sameinuðu
þjóðanna frá 2013 voru Malt-
verjar í 48. sæti yfir hamingju-
sömustu þjóðir heims. Þá má
geta þess að á Íslandi var lengi
hægt að versla súkkulaðikex frá
Nóa Síríusi sem hét Malta –
þrátt fyrir að það hafi verið
rosalega gott þá er það ekki
framleitt lengur.
Hvenær og hvernig kom það
til að þú fórst til viðkomandi
lands? Vorið 2017, þegar ég var
að klára MA og á minni fyrstu
önn hjá flugskólanum á Akur-
eyri, nefndi vinkona mín, sem
hafði tekið ástfóstri við þessa
litlu Miðjarðarhafseyju fyrir
nokkrum árum, hvort ég myndi
íhuga að flytja til Möltu með
henni til að fara í atvinnuflug-
námið. Þar sem mín mennta-
skólaganga var að líða undir lok
og ég hafði ekkert sérstakt
planað, nema þá mögulega að
fara á Hvanneyri í landbúnað-
arháskólann, ákvað ég að geyma
bóndadrauminn og fara á vit
ævintýranna á suðrænni slóð-
um og daginn sem ég þreytti
einkaflugmannsprófið í lok
janúar flaug ég líka út til Möltu.
Hvernig myndir þú lýsa
venjulegum degi hjá ykkur?
-Ég er afskaplega hrifin að því
að halda rútínu og vakna
yfirleitt á slaginu 2:30 við
hanann í íbúðinni á móti en
sofna aftur og vakna síðan kl.
7:00, sama hvort ég er að fara í
skólann eða ekki, og fer yfirleitt
í ræktina. Í morgunmat er alltaf
Rebekka Hekla við höfnina.
10 26/2018