Feykir - 11.07.2018, Blaðsíða 3
Í 23. tbl Feykis var sagt frá
því að hópfjármögnun væri
hafin á Karolina Fund vegna
viðhalds á Blettinum á
Hvammstanga.
Bletturinn er skógrækt sem
Ingibjörg Pálsdóttir og Sigurður
Helgi Eiríksson, búsett á
Hvammstanga, byrjuðu á árið
1958. Þau hafa unnið í honum
linnulaust síðan en sökum aldurs
hefur þetta áhugamál ekki fengið
að vaxa og dafna síðustu ár í verki
og þarfnast Bletturinn mikils
viðhalds og umhirðu.
Takmarkið var að ná að safna
8.500 evrum, eða rúmri milljón
íslenskra króna, á Karolina Fund
og þegar stöfnuninni lauk á
miðnætti þann 3. júlí var
takmarkinu náð. Nýta á fjármagnið
til að gera svæðið aðgengilegra
fyrir gesti og gangandi. Gera þarf
við göngustíga, lagfæra brýr yfir
læki, bæta klósettaðstöðu og
sláttur- og dráttarvélar þarfnast
viðgerða. /LAM
Hvammstangi
Bletturinn náði takmarki
sínu á Karolina Fund
Skagafjörður
Hofsósi hafnað sem
brothættri byggð
Á fundi í byggarráði Skagafjarðar þann 5. júlí sl. var lagt fram svar
frá Byggðastofnun, dagsett 26. júní 2018, við bréfi frá 15. mars
2018 varðandi beiðni frá Sveitarfélaginu Skagafirði um aðgerðir til
að fjölga atvinnutækifærum á Hofsósi.
Í svari Byggðastofnunar kemur m.a. fram að ekki sé mögulegt
að taka Hofsós inn í verkefnið „Brothættar byggðir" nú. Jafnframt
segir að fulltrúar Byggðastofnunar séu reiðubúnir til viðræðna við
sveitarstjórn um hugmyndir sveitarstjórnarfólks, íbúa og annarra
þeirra sem hagsmuna eiga að gæta um framtíðarsýn fyrir Hofsós.
Byggðarráð þakkaði svarið en lýsti yfir þungum áhyggjum af stöðu
atvinnumála á Hofsósi og nágrenni og óskar eftir fundi með
forsvarsmönnum Byggðastofnunar. /FE
Skagaströnd
Átta umsóknir um stöðu sveitarstjóra
Sveitarstjórn Skagastrandar
auglýsti starf sveitarstjóra
laust til umsóknar í lok júní
og rann umsóknarfresturinn
út þann 2. júlí síðastliðinn.
Átta umsóknir bárust um stöðuna
en eftirtaldir sóttu um:
Gunnólfur Lárusson, Hjörleifur H.
Herbertsson, Ingimar Oddsson,
Kristín Á. Blöndal, Linda B.
Hávarðardóttir, Ragnar Jónsson,
Sigurbrandur Jakobsson og
Þorbjörg Gísladóttir. /LAM
Skagaströnd
Borgarísjaki við Skagaströnd
Myndarlegur borgarísjaki
strandaði rétt utan við
Skagaströnd á fimmtu-
dagskvöldið í síðustu viku.
Róbert Daníel Jónsson,
búsettur á Blönduósi, var á
ferðinni á föstudagsmorgun
og tók nokkrar myndir af
jakanum. Ísjakinn var nærri
bænum Bakka sem er rétt
norðan við Skagaströnd.
Róbert sagði á Facebook - síðu
sinni að það hafi verið virkilega
tilkomumikið að sjá jakann svona
nálægt landi og að líklegt væri að
hann væri strandaður þar sem engin
hreyfing var á honum. Borgarísjak-
inn, sem brotnaði í tvo hluta, er nú á
leið út Húnaflóann. /LAM
Hrútafjörður
Sýning opnuð á Byggðasafninu á Reykjum
Næstkomandi sunnudag,
þann 15. júlí klukkan 15:00,
verður sýningin „Hvað á
barnið að heita?" opnuð á
Byggðasafni Húnvetninga og
Strandamanna á Reykjum í
Hrútafirði.
Sýningin byggir á hand-
gerðum skírnarkjólum, saum-
uðum af konum í byggðarlaginu,
og skírnar- og nafnakjólum
Berglindar Birgisdóttur klæð-
skera sem hún saumar upp úr
gömlum og úrsérgengnum
textíl. Einnig er fjölbreytileiki
íslenskra mannanafna settur
fram í áhugavert samhengi við
skírnarkjólana.
Sýningarstjóri er Kristín
Þóra Guðbjartsdóttir. „Verið
hjartan-lega velkomin. Við
bjóðum að sjálfsögðu upp á kaffi
og kleinur að hætti safnsins. Við
viljum einnig benda ykkur á
nýja útisýningu safnsins sem
fjallar um hernámsárin í
Hrútafirði," segir í frétta-
tilkynningu frá Byggðasafni
Húnvetninga og Strandamanna.
/FE
Skagafjörður
Listaflóð á vígaslóð
Menningarhátíðin Listaflóð á
vígaslóð hefur síðustu sjö
sumur verið haldin á Syðstu-
Grund og þar í nágrenni, aðra
helgina í júlí. Aðstandendur
hátíðar-innar vilja koma því á
framfæri að nú í ár verður
viðburðum hátíðarinnar dreift
yfir sumartímann og þeir
auglýstir hverju sinni.
Fyrsti viðburðurinn verður
haldinn nú um helgina, en þá
verður haldin sýning á
handverki Ásbjargar frá
Kúskerpi, fyrrum hótelstýru til
30 ára við Hótel Varmahlíð.
Ásbjörg er Blöndhlíðingur,
fædd og uppalin á Kúskerpi.
Hún fór ung að vinna og taka
ábyrgð, fyrst heima við
búskapinn og sautján ára tók
hún að sér ráðskonustarf við
vegavinnu og vann við það
sumarparta næstu sautján árin,
mest við flokk föður síns,
Jóhanns. Eftir grunnskóla tók
hún gagnfræðapróf frá Lauga-
skóla, fór í Húsmæðraskólann
að Löngumýri þar sem hún
síðar réð sig til kennslu og var
viðloðandi það í um fjórtán ár.
Áður hafði hún útskrifast frá
handavinnudeild Kennara-
skólans, eftir tveggja ára nám.
Ásbjörg hefur verið með
okkur hér í garðinum á
Listaflóðsdegi og sýnt og selt
brot af handverki sínu. Hún er
alltaf að, eins og sagt er og þrátt
fyrir áföll og heilsubresti gefst
hún aldrei upp og í rauninni er
hún fyrirmynd fyrir okkur hin.
Listilega saumuð og gerð
tækifæriskort hafa verið helsti
afrakstur hennar síðustu ár
ásamt, meðal annars, þæfðu og
máluðu kúluhálsskrauti eða
fylgihlutum. Hún hefur verið
óhemju afkastamikil og eftir
hana liggja óteljandi og
ómetanlegir, dýrindis
handverksmunir, allt frá
nokkrum íslenskum
þjóðbúningum, útsaumuðum
sófasettum og niður í
fínútsaumuð tækifæriskort.
Ásbjörg tók vel í það að halda
sýningu og með hjálp ættingja
sinna og vina verður komin upp
glæsileg sýning nú um helgina í
Kakalaskála og verður sýningin
opin frá kl. 14-18, dagana 13.-
15. júlí. Föstudaginn 13. júlí kl.
17.00 verður í Kakalaskála
sérstök dagskrá, í tali og tónum,
tileinkuð þessari mögnuðu
konu.
Við hvetjum ykkur til að taka
rúnt í Blönduhlíðina, þessa
sýningu ætti enginn að láta fram
hjá sér fara.
Endilega fylgist með á
Facebooksíðunni - Listaflóð á
vígaslóð, þeir sem tök hafa á því.
/Fréttatilkynning.
Syðsta-Grund í Blönduhlíð. AÐSEND MYND
Einn sýningargripanna. MYND: REYKJASAFN.IS
27/2018 3