Feykir - 11.07.2018, Síða 7

við útskrift, sem var sérstaklega
fyrir skiptinemana, fyrir góðan
námsárangur. Það sem Margret
Rún vissi ekki þá var að hún
var með hæstu lokaeinkunnina
af 313 nemendum sem einnig
voru að útskrifast. „Ég vissi
reyndar ekki að ég hefði verið
hæst allra en fjölskyldan mín
hringdi í mig í síðustu viku, en
þá höfðu útskriftargögnin mín
verið send heim,“ segir hún.
Margret Rún stundaði nám í
hefðbundnum áföngum eins og
stærðfræði, náttúrufræði sögu
og ensku. „Kennarinn okkar í
náttúrufræði var alltaf reglulega
með skyndipróf til að ganga
úr skugga um að við kynnum
efnið vel og ekkert vantaði upp
á,“ útskýrir Margret Rún og
bætir við.“ „Mér fannst þetta
pínu óþægilegt fyrst en þetta
vandist á endanum.“ Margret
Rún var einnig í enskuáfanga
fyrir þá nemendur sem skara
fram úr í ensku. Kennarinn
veitti henni viðurkenningu fyrir
góðan árangur en hann segir
m.a. í umsögn sinni: „Margret
er skiptinemi frá Íslandi. Það
sem gerir hana mjög sérstaka
er að enska er hennar annað
tungumál en hún er einn af
mínu bestu nemendum í ár. Læsi
hennar á tveimur tungumálum
er alveg ótrúlegt.“
Margret Rún upplifði
fjölda viðburða sem við
Íslendingar þekkjum bara úr
kvikmyndum og þáttum. Hún
tók þátt í Homecoming, sem er
dansleikur fyrir alla nemendur
skólans. Dansleikurinn fer fram
eftir homecoming game, sem er
heimaleikur fótboltaliðsins og
er venjulegur skóladansleikur
þar sem nemendur klæða sig
upp og fara saman í mat fyrir
ballið. Margret Rún fór einnig á
Prom sem er einungis fyrir tvo
elstu árgangana í skólanum. Þar
bjóða nemendur hvor öðrum
út á frumlegan máta, klæða sig
upp í síðkjóla og jakkaföt og
hittast í mat áður en haldið er á
dansleiki. Hún var einnig dugleg
að sækja leiki hjá fótboltaliðinu.
„Ég var ekki með neinar
væntingar, þannig séð, en þetta
var töluvert öðruvísi en ég hafði
gert ráð fyrir,“ útskýrir Margret
Rún. Ýmiss konar þemu voru í
gangi á fótboltaleikjunum allan
veturinn og oft var peningum
safnað fyrir góð málefni.
Veðrið var einnig frekar milt,
um 10-20°C. Einu sinni þurfti þó
að fresta skólanum, eina daginn
sem snjóaði, en skólanum var
frestað um þrjár klukkustundir.
„Ég fékk reyndar mömmu til
að senda mér úlpuna mína,
því það gat verið frekar kalt
að sitja á áhorfendapöllunum
á fótboltaleikjunum,“ segir
Margret Rún
Sérstakar æfingar vegna
skotárása
Margret Rún fékk einnig að
upplifa viðvarandi ótta við
skotárásir í skólum landsins.
Mjög reglulega voru æfingar
þar sem æft var hvernig
nemendur eiga að bregðast
við árásum. Lögreglumaður
var alltaf á skólasvæðinu og
einnig gangaverðir á göngum
skólans. „Við máttum ekki vera
á göngunum nema vera með
sérstakan passa sem heimilaði
okkur það. Ef nemendur voru
á göngunum án passa voru
þeir sendir á bókasafnið eða í
matsalinn,“ útskýrir Margret
Rún. Sérstakir umsjónartímar
voru haldnir þar sem Margret
Rún og vinkona hennar,
Kristine sem var skiptinemi
frá Noregi, æfðu ásamt öðrum
skólasystkinum sínum lokun
(e. lockdown) á skólanum. „Við
þurftum að læra mismunandi
hljóð í brunabjöllunni, en
sérstakt hljóð kemur þegar
yfirvofandi árás er á skólann.
Í fyrsta tímanum veltum við
mikið fyrir okkur hvað við
værum eiginlega búnar að
koma okkur í,“ segir Margret
Rún. Þegar skólanum er lokað
vegna árásar fer í gang ákveðið
ferli og svört gluggatjöld koma
niður svo ekki sé hægt að sjá
inn í stofuna frá ganginum.
Nemendur þurfa svo að draga
niður gluggatjöld, stafla borðum
og stólum fyrir hurðina og aðra
innganga ásamt því að finna sér
eitthvað sem hægt er að henda
í árásarmanninn. Ef nemendur
eru ekki komnir inn í stofurnar
við lokun verða þeir bara að
leita sér skjóls annars staðar en
óheimilt er að hleypa fólki inn
í stofurnar eftir að þeim hefur
verið lokað.
„Í kjölfarið af Parkland-
árásinni, þar sem brotamaðurinn
kveikti á brunabjöllunni, var
það sérstaklega kennt að ef
lokunarviðvörunin kemur og
svo brunaviðvörunin, þá er
okkur óheimilt að fara út. Það er
það sem hann gerði, hann beið
eftir því að allir kæmu fram á
gang,“ segir Margret Rún.
Margret Rún fékk einnig
tækifæri til að ferðast en hún
fór ásamt skiptinemafjölskyldu
sinni til Hawaii og eyddi heilli
viku þar. „Mig hafði alltaf
langað að fara til Hawaii og
þarna rættist sá draumur,“ segir
hún.
Stefnir á háskólanám í
heilbrigðistengdum
greinum
Fjölskyldan ferðaðist einnig
í kringum vinnuferðir hjá
skiptinemamóður hennar og
Margret Rún ferðaðist líka með
sinni eigin fjölskyldu þegar
hún kom út í heimsókn við lok
dvalarinnar. Skiptinemasystir
Margretar keppti líka víðsvegar
í fótbolta og var töluvert um
ferðalög vegna þessa.
Margret Rún hvetur alla
til að kynna sér það að fara
sem skiptinemi. „Ég mæli
virkilega mikið með þessu fyrir
alla þá sem vilja stíga út fyrir
þægindarammann sinn. Þó að
þetta hafi verið mjög krefjandi
ár, þá myndi ég aldrei vilja
breyta því að hafa farið. Eins og
ég mun alltaf segja, þá var þetta
einstaklega þroskandi lífsreynsla
og það er margt sem ég hef tekið
til mín frá þessu ári, allar þær
minningar sem ég mun eiga
að eilífu og allt fólkið sem ég
kynntist,“ segir Margret Rún.
Margret Rún hyggst flytja í
haust til Akureyrar og klára
stúdentsprófið í VMA. ,,Ég
stefni svo á að fara í háskólanám,
eitthvað heilbrigðistengt,“ segir
Margret Rún. Hún hafði á sínum
yngri árum mikinn áhuga á því
að verða réttarmeinafræðingur
en eftir að hún fékk
heilahristinginn og meðferðina
hjá sjúkraþjálfaranum kvikn-
aði áhugi á því að fara í
sjúkraþjálfaranám. ,,Mér
fannst alveg ótrúlegt að sjúkra-
þjálfarinn minn úti vissi alltaf
hvað amaði að hjá öllum, og það
heillaði mig,“ segir Margret Rún
að lokum.
Margret Rún æfði bæði og keppti í tennis meðan hún bjó úti.
Margret Rún og Kristine vinkona hennar á útskriftardaginn.
Margret Rún með skiptinemafjölskyldu sinni.
Margret Rún ásamt fjölskyldum sínum. Frá vinstri: Auðunn, faðir Margretar, Kristi,
Margret Rún, Taylor, Berglind, móðir Margretar, og Jóhanna Björk. Fyrir framan
Margreti Rún er Ryan.
Margret Rún á Hawaii með Taylor og Noru vinkonu þeirra.
27/2018 7