Feykir - 15.08.2018, Blaðsíða 2
Brátt tekur sumri að halla. Sumarfríum fer að ljúka hjá
velflestum og hversdagurinn tekur við, skólarnir hefja
vetrarstarfið og fólk tínist í sín hefðbundnu störf. Flestum
þykir gott að komast í daglega
„rútínu“ aftur og vissulega
hefur það að dandalast of
mikið í fríi ekki talist góður
siður hjá okkur Íslendingum í
gegnum tíðina, fólk hefur
jafnvel mátt sæta aðkasti fyrir
það að eiga of mikið sumarfrí
því eins og einn góður
málsháttur segir þá göfgar
vinnan manninn.
Í fréttum Ríkisútvarpsins í byrjun vikunnar var fjallað
um kulnun í starfi, alvarlegan heilsufarsvanda sem fer
vaxandi hér á landi og er nú svo komið að sjúkrasjóðir
fjölmennra stéttarfélaga eru að tæmast vegna þessa vanda. Í
samtali við geðlækni kemur fram að í verstu tilfellunum
þjáist fólk af sjúklegri streitu sem sé í raun heilabilun og
verði margir óvinnufærir af þessum völdum, missi jafnvel
minnið og séu ófærir um að framkvæma hversdagslegustu
hluti. Ástæðu þessa má rekja til mikils álags, oft bæði í
vinnu og einkalífi.
Það er undarlegt til þess að hugsa að eftir því sem
tækninni fleygir fram og á tímum þar sem sífellt koma fram
ný og ný tæki til að létta okkur störfin skuli þetta vera
blákaldur veruleiki. Maður skyldi ætla að álagið á þá sem
vinna verkin ætti að minnka með aukinni tækni en þessu
virðist í raun vera þveröfugt farið. Mörg fyrirtæki eru
undirmönnuð og eins eru þeir margir sem vinna á mörgum
stöðum. Eitt af því sem hefur verið nefnt í þessu sambandi
er að færst hefur í vöxt að ætlast sé til að fólk geti sinnt
vinnu sinni heiman frá sér, það er jú orðið býsna auðvelt
fyrir marga. Þetta skapar stóraukið áreiti og verður til þess
að fólk upplifir sig stöðug í vinnunni og gæðastundum
fjölskyldunnar fækkar til muna.
Hér þarf greinilega að endurskoða ýmsa hluti. Við
þurfum ekkert að skammast okkar fyrir að klára sumarfríið
okkar. Það er líka allt í lagi að taka smá tíma í að umgangast
heimilisfólkið þegar komið er heim að loknum vinnudegi
og jafnvel að spjalla saman yfir kvöldmatnum. Það gæti
meira að segja bara verið ágætt að leggjast öðru hvoru með
tærnar upp í loft og góða bók í hönd.
Fríða Eyjólfsdóttir,
blaðamaður
LEIÐARI
Göfgar vinnan manninn?
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Lee Ann Maginnis, bladamadur@feykir.is & 867 3799, Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Þessa vikuna bárust eingöngu aflatölur frá
Skagaströnd. Þar lögðu 32 bátar upp afla
þessa vikuna og var hann samanlagt tæp
79.941 kíló.
Allflestir voru bátarnir á handfæraveiðum
og var það Bragi Magg HU 70 sem fiskaði
mest þeirra eða rúmlega sjö tonn. Það var
hins vegar línubáturinn Daðey GK 777 sem
átti aflametið á Skagaströnd í síðustu viku en
hún landaði 16.569 kílóum alls í þremur
löndunum. /FE
Aflatölur 5. – 11. ágúst 2018 á Norðurlandi vestra
32 bátar lönduðu á Skagaströnd
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Arndís HU 42 Handfæri 448
Auður HU 94 Handfæri 3.287
Beggi á Varmalæk HU 219 Handfæri 932
Bjartur í Vík HU 11 Handfæri 805
Blíðfari HU 52 Handfæri 785
Blær HU 77 Landbeitt lína 1.522
Bogga í Vík HU 6 Handfæri 1.683
Bragi Magg HU 70 Handfæri 7.229
Daðey GK 777 Lína 16.569
Dísa HU 91 Handfæri 1.070
Dóra ST 225 Handfæri 2.568
Elín ÞH 82 Handfæri 1.732
Fengsæll HU 556 Handfæri 460
Geiri HU 69 Handfæri 1.589
Guðrún Ragna HU 162 Handfæri 1.601
Gyðjan HU 44 Handfæri 743
Hafdís HU 85 Handfæri 1.792
Hafrún HU 12 Dragnót 631
Hanna SH 28 Handfæri 5.254
Jenný HU 40 Handfæri 433
Kambur HU 24 Handfæri 800
Katrín GK 266 Landbeitt lína 11.534
Kári SH 78 Handfæri 3.446
Kópur HU 118 Handfæri 1.358
Loftur HU 717 Handfæri 1.292
Lukka EA 777 Handfæri 1.098
Sandvík GK 73 Handfæri 2.737
Smári HU 7 Handfæri 1.308
Svalur HU 124 Handfæri 1.478
Sæunn HU 30 Handfæri 1.668
Víðir EA 423 Handfæri 1.509
Víðir ÞH 210 Handfæri 580
Alls á Skagaströnd 79.941
Heilbrigðisstofnun
Norðurlands
Héldu
tombólu til
styrktar HSN
Þessar duglegu
stúlkur, Berglind Rós
Guðmundsdóttir og
Hafdís Sunna Welding
Andradóttir héldu
tombólu til styrktar HSN
á Sauðárkróki.
Hér eru þær ásamt
Friðjóni Bjarnasyni, lækni,
þegar þær komu með
afraksturinn kr. 2.342.
Þökkum við þeim kærlega
fyrir. /FRÉTTATILKYNNING
Skagaströnd
Biopol vaktar Víkur fyrir Umhverfisstofnun
Umhverfisstofnun hefur frá árinu 2016 séð um
vöktun á ströndum samkvæmt aðferðafræði
og leiðbeiningum frá OSPAR en það er
samningur um verndun hafrýmis Norðaustur-
Atlantshafsins sem Ísland hefur staðfest.
Fyrirfram afmarkað svæði er tekið fyrir á hverri
strönd og er tilgangurinn með vöktuninni að
finna uppruna þess rusls sem safnast mest fyrir
á svæðinu, meta magn þess yfir ákveðið tímabil
og að fjarlægja það af svæðinu.
Starfsfólk Biopol á Skagaströnd hefur nú tekið
að sér að standa vaktina á ströndinni Víkur á
Skagaströnd fyrir Umhverfisstofnun og hefur það
fengið aðstoð frá starfsmanni stofnunarinnar við
fyrstu vöktunina sem fram fór í júlí. Á ströndinni
fannst mikið rusl sem kemur frá sjávarútvegi s.s.
netakúlur, olíubrúsar og fiskikassar ásamt
plastbrotum í ýmsum stærðum.
Víkur er sjötta ströndin sem vöktuð er á Íslandi
samkvæmt aðferðafræði OSPAR. Hinar eru
Surtsey, Bakkavík á Seltjarnanesi, Búðavík á
Snæfellsnesi, Rauðisandur og Rekavík á Horn-
ströndum. Sameiginlegt öllum þessum ströndum
er að meirihluti þess rusls sem þar finnst er plast.
Strendurnar uppfylla flest þau skilyrði sem koma
fram í leiðbeiningum OSPAR að teknu tilliti til
aðstæðna hér við land. Þau eru að þær séu sand-
eða malarfjörur og opnar fyrir hafi, að lágmarks-
lengd þeirra sé 100 m og að þær séu að einhverju
leyti ruslagildra og aðgengilegar allt árið (þar sem
við á). Einnig að auðvelt sé að fjarlægja rusl, að
engar byggingar séu í fjörunni og að hreinsun fari
ekki fram af öðrum aðilum.
Hægt er að nálgast nánari upplýsingar um
verkefnið á heimasíðu Umhverfisstofnunar
https://ust.is/atvinnulif/haf-og-vatn/voktun-
stranda/ /FE
2 30/2018