Feykir - 15.08.2018, Blaðsíða 6
í Skotlandi þegar hún var
fimmtán ára. Eftir skiptinámið
lærði hún að meta loftgæði og
landslag norðursins og langaði
að kynnast Íslandi betur. ,,Ég
hafði líka hugsað mér að
safna pening áður en ég færi
í háskóla, sem varð til þess að
ég skráði mig hjá Nínukoti og
sótti um að vinna á bóndabæ,“
segir Katharina. Það varð til
þess að Katharina fluttist til
Íslands árið 1999 og vann á
Guðlaugstöðum, í Blöndudal í
Austur – Húnavatnssýslu, í eitt
ár. Katharina fluttist síðan aftur
til Þýskalands eftir dvölina og
hóf háskólanám í Freiburg.
Katharina stundaði nám við
Albert-Ludwigs háskólann og
útskrifaðist með meistaragráðu
í enskum bókmenntum,
málfræði og sagnfræði. Hún
bjó í Freiburg í sjö ár en hluti
af náminu var meðal annars
á Íslandi, þar sem Katharina
var skiptinemi við Háskóla
Íslands. Hún dvaldi einnig
sem skiptinemi við Oxford
háskólann í Englandi. Meðan
á náminu stóð vann Katharina
einnig sem aðstoðarmaður
prófessors og blaðamaður hjá
Badische Zeitung sem var mjög
gagnleg reynsla að hennar
sögn. Árið 2007 fluttist hún
svo aftur til Íslands og stofnaði
fjölskyldu hér, en Katharina
Katharina býr ásamt börnum
sínum tveim þeim Elísabetu
Nótt sem er ellefu ára og
Baltasar sem er átta ára á
Blönduósi. Katharina ólst upp
í smábæ á þýskum mælikvarða,
með 30 þúsund íbúa, sem
heitir Vaihingen Enz, nálægt
Stuttgart. Katharina ferðaðist
mikið með foreldrum sínum
og bróður sem barn og
unglingur og fór fjölskyldan
í ævintýraferðir víða um
Evrópu, meðal annars til
Íslands. Systkinin gengu í
Waldorfskóla í heimabæ
sínum en þar var lögð áhersla
á lista- og tungumálanám,
hagnýta þekkingu og sjálfstæð
vinnubrögð. ,,Við hjóluðum
eitt sinn um Alpana þar sem við
lærðum um náttúru svæðisins,
sem var alveg frábært,“ segir
Katharina.
Fjölskyldan ferðaðist til
Íslands árið 1994 og dvaldi
hér í þrjár vikur. ,,Dagbókin
mín frá þessum tíma sýnir
undrun mína á því að hægt
væri að búa á þessari köldu,
blautu og einangruðu eyju,“
segir Katharina. Ævintýraþrá
Katharinu var sterk og fór
hún í skiptinám til Aberdeen
VIÐTAL
Lee Ann Maginnis
Katharina Schneider hefur látið að sér kveða í fjölmörgum verkefnum í Austur -
Húnavatnssýslu, frá því að hún settist þar að fyrir um tíu árum síðan. Hún hefur
starfað við ýmis verkefni tengd uppbyggingu á svæðinu, m.a. verið verkefnastjóri
Hafíssetursins, framkvæmdarstjóri Þekkingarsetursins á Blönduósi ásamt því að
vera forstöðumaður Héraðsbókasafns A-Hún. Katharina gaf einnig kost á sér í
sveitarstjórnarkosningum síðasta vor. Blaðamann Feykis lék forvitni á að vita
hvað varð til þess að Katharina valdi Austur – Húnavatnssýslu sem sitt
framtíðarheimili fyrir sig og börnin.
Katharina Schneider. MYND: RÓBERT DANÍEL JÓNSSON
Katharina Schneider er með mörg járn í eldinum
Ævintýraþráin
leiddi hana til Íslands
Í ævintýraferð í Hrútey.Æskuheimili Katharinu í Vaihingen.
MYNDIR ÚR EINKASAFNI
6 30/2018