Feykir - 15.08.2018, Blaðsíða 12
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
30
TBL
15. ágúst 2018 38. árgangur
Frétta- og dægurmálablað á Norðurlandi vestra : Stofnað 1981
Vel heppnað Króksmót
Ungir fótboltamenn sýndu snilli sína á Sauðárkróki um helgina
Fimm fengu styrk
úr Húnasjóði
Húnaþing vestra
Á fundi byggðarráðs Húnaþings vestra þann 31. júlí sl.
var tekin fyrir úthlutun úr Húnasjóði. Alls bárust sjö
umsóknir um styrk úr sjóðnum að þessu sinni og
uppfylltu fimm þeirra skilyrði til úthlutunar.
Hjónin Ásgeir Magnússon og Unnur Ásmundsdóttir
stofnuðu sjóðinn í þeim tilgangi að minnast starfs
Alþýðuskóla Húnvetninga sem Ásgeir stofnaði og rak á
Hvammstanga árin 1913-1920. Sjóðurinn hefur það
hlutverk að stuðla að endurmenntun og fagmenntun í
Húnaþingi vestra.
Þeir sem hlutu styrk úr sjóðnum að þessu sinni, hver um
sig kr. 100 þúsund, eru eftirtaldir:
Albert Jóhannsson, nám til Bs í viðskiptafræði.
Guðrún Lára Magnúsdóttir, nám til diploma í jákvæðri sálfræði.
Ingunn Elsa Rafnsdóttir, félagsliðanám.
Jóhannes Geir Gunnarsson, nám í búfræði.
Unnur Jóhannsdóttir, nám til Bs í búvísindum.
/FE
Það fjölgaði talsvert á Króknum um helgina þegar um
800 ungir knattspyrnusnillingar í 6. og 7. flokki
spiluðu fótbolta og skemmtu sér í fylgd með
foreldrum og systkinum. Mótið tókst með ágætum og
veðrið var hliðhollt keppendum; vindur í formi
hafgolu en mestmegnis sól og heiðskírt meðan
boltinn var spilaður en þykk þoka um kvöld og nætur.
Það voru um 120 lið sem tóku þátt að þessu sinni frá 20
félögum og voru Akureyringar duglegir að senda krakka á
mótið en 19 lið komu frá KA og 14 lið frá Þór. Annars
voru liðin víðsvegar að af landinu; höfuðborgarsvæðinu,
Austfjörðum, Vestfjörðum... ja, eiginlega alls staðar að
nema af Suðurlandinu. Þá mættu liðin úr nágrenninu á
Króksmótið; Smári Varmahlíð, Neisti Hofsósi, Hvöt
Blönduósi og Kormákur frá Hvammstanga. Ekki var
annað að sjá en að keppendur væru í góðu stuði. /ÓAB
Hvatt til
nýsköpunar
í sveitum
Norðurland vestra
Í ágústmánuði munu Framleiðnisjóður landbúnaðarins
og Ráðgjafarmiðstöð landbúnaðarins standa fyrir
fundaherferð sem hefur það að markmiði að hvetja til
nýsköpunar í sveitum. Guðmundur Guðmundsson,
landsliðsþjálfari í handbolta, verður aðalfyrirlesari
fundanna en á þeim flytur hann erindi sem ber
yfirskriftina Leiðin til sigurs.
Þar fjallar Guðmundur um árangursríka markmiða-
setningu og hvað þarf til að ná framúrskarandi árangri.
Einnig fjallar hann um uppbyggingu liðsheildar, samskipti
og innleiðingu breytinga.
Að auki verða fengnir til leiks reynsluboltar í sölu vöru
og þjónustu beint frá býli til að miðla af reynslu sinni
varðandi þróun og markaðssetningu. Þá verður erindi frá
ráðunautum RML varðandi ýmsa sjóði sem hægt er að
sækja styrki í og kynnt verður hvernig umsóknarferlið fer
fram.
Tímasetning fundanna er sem hér segir:
22. ágúst kl. 20:00 - Húnavatnssýslur
- Félagsheimilið Víðihlíð.
23. ágúst kl. 13:00 - Strandasýsla
- Sauðfjársetrið Ströndum.
24. ágúst kl. 13:00 - Dalasýsla
- Félagsheimilið Dalabúð, Búðardal.
28. ágúst kl. 13:00 - Skagafjarðarsýsla
- Félagsheimilið Höfðaborg, Hofsósi.
Fundirnir verða öllum opnir og eru sem flestir hvattir til að
mæta. /FE
Ert þú búinn að heilsa upp á Feyki.is?
Nú er netmiðillinn okkar ferskari en
nokkru sinni og lúkkar fínt í tölvunni,
spjaldtölvunni og símanum! Kíktu á... Feykir.is