Feykir - 22.08.2018, Blaðsíða 2
Hvalir hafa mikið verið í fréttum
undanfarið af ólíkum ástæðum. T.d. er
vaxandi ásókn í hvalaskoðun í
Steingrímsfirði á Ströndum en fyrir
síðasta sumar hafði aldrei verið látið
reyna á hvalaskoðun frá Hólmavík. „Það
var bara hrefna hérna áður fyrr og lítið
varið í það en mikið af hnúfubak
undanfarin ár. Sérstaklega núna seinna
árin,“ segir Már Ólafsson, skipstjóri í
frétt á RÚV. Greint er frá því að oftast sé
hægt að sjá hnúfubak en stundum einnig hrefnu, höfrunga,
grindhval og andarnefjur.
Fyrir stuttu var heilmikil frétt um það að hátt í eitt hundrað
grindhvalir hefðu synt inn í Kolgrafarfjörð og urðu innlyksa þar.
Þeim var bjargað frá, ja, hugsanlegu strandi og þá líklega dauða.
Engum datt í hug að ná sér í soðið enda myndi það líta illa út í
fréttunum. Hugsaði með mér að líklega hefði enginn Færeyingur
látið slíka veislu fram hjá sér fara enda grindhvalakjöt talið með betri
mat í þeirri sveit.
Ég minnist gamallar fréttar þegar grindhvalir syntu að landi á
Sauðárkróki fyrir áratugum síðan og menn hentust á báta og trillur
og ráku torfuna upp í fjöru neðan sláturhúss KS á Eyri þar sem
mannskapur beið með sveðjur og ljái og slátruðu skepnunum. Veisla
var hjá innfæddum þann veturinn.
RÚV segir frá því að óvenjumikið hafi verið af andarnefjum inni
á fjörðum fyrir norðan og austan í sumar og engin viðhlítandi
skýring fengist á því þar sem þær séu ekki í ætisleit enda
djúpsjávarhvalir. Ekki er langt síðan tvær andanefjur strönduðu við
Engey suður við sundin blá. Margir brugðust við og reyndu að hjálpa
dýrunum við að halda lífi meðan fjaraði undan þeim þangað til
hægt væri að reyna að koma þeim á flot aftur þegar flæddi að á ný.
Annað dýrið hafði það af en hitt „lést“ af sárum sínum, eins og
einhver sagði. Aðrir tala um að það hafi drepist. Sorgarstund i
fjörunni fyrir þá sem reyndu að bjarga dýrinu.
Nú í vikunni segir svo frá því að sá hryllilegi atburður hafi átt sér
stað í Hvalfirði að dregin hafi verið „þunguð“ hvalkýr á land. Kom
það í ljós er skepnan var skorin inn að beini og fóstrið lak út. Lýsingin
af atvikinu er dramatísk enda sögð af forsprakka þýskra samtaka
Hard to Port, sem hafa það að markmiði að stöðva hvalaveiðar við
Ísland. Hvalasérfræðingur sem talað var við á Vísi.is segir algengt að
kelfdar kýr séu veiddar. Enda hvernig má annað vera.
Ýmsir hafa haldið því fram að hvalir sem Íslendingar veiða séu í
útrýmingarhættu. Það er af og frá. Einungis eru það tvær tegundir
sem veiddar eru skv. veiðiráðgjöf Hafrannsóknastofnunar þ.e. hrefna
og langreyður og hvorug í útrýmingarhættu og veiðarnar eru
sjálfbærar. Alls má veiða á þessu ári 262 hrefnur og 238 langreyðar
en samkvæmt tölum Fiskistofu hafa 6 hrefnur veiðst og 86 langreyðar
fram að síðasta mánudegi. Tvö undanfarin ár var engin langreyður
veidd en 17 hrefnur í fyrra og 46 árið áður. Ekki telst það ofveiði en
sumum þykir nóg um og vilja fara að kröfum dýraverndunarsinna
og hætta þeim alveg enda óþægilegt að eiga í rökræðum á Facebook
við fólk sem er jafnvel búið að persónugera hvalina.
Ég er á því að friða eigi áfram þær tegundir sem þola ekki veiðar
en á meðan markaður er fyrir kjöt af hrefnu og langreyði og einhver
hefur hag af því að veiða og verka kjöt af þessum skepnum á það að
vera leyfilegt svo framarlega að farið sé eftir lögum og reglum. Svo
vantar mig hrefnukjöt á grillið.
Páll Friðriksson, ritstjóri
LEIÐARI
Af hvalveiðum og hvalbjörgunum
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Lee Ann Maginnis, bladamadur@feykir.is & 867 3799, Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Í vikunni sem leið lönduðu 40 bátar á
Skagaströnd og var samanlagður afli
þeirra rúm 205 tonn.
Á Sauðárkróki lönduðu 16 skip og bátar
rúmum 535 tonnum, fjórir bátar lönduðu
tæpum sex tonnum á Hofsósi og á
Hvammstanga lagði einn bátur upp rúm
níu tonn. Heildarafli vikunnar á
Norðurlandi vestra var 755.691 kíló. /FE
Aflatölur 12. – 18. ágúst 2018
Margir á sjó í síðustu viku
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HOFSÓS
Geisli SK 66 Handfæri 1.311
Skáley SK 32 Handfæri 2.766
Skotta SK 138 Handfæri 226
Þorgrímur SK 27 Landbeitt lína 1.594
Alls á Hofsósi 5.897
HVAMMSTANGI
Harpa HU 4 Dragnót 9.123
Alls á Hvammstanga 9.123
SKAGASTRÖND
Alda HU 112 Lína 375
Arndís HU 42 Handfæri 281
Auður HU 94 Handfæri 2.822
Beggi á Varmalæk HU 219 Handfæri 599
Bjartur í Vík HU 11 Handfæri 2.335
Blíðfari HU 52 Handfæri 2.347
Blær HU 77 Landbeitt lína 916
Bogga í Vík HU 6 Handfæri 1.542
Bragi Magg HU 70 Handfæri 2.325
Daðey GK 777 Lína 28.612
Dísa HU 91 Handfæri 1.352
Dóra ST 225 Handfæri 4.743
Dúddi Gísla GK 48 Lína 15.359
Elín ÞH 82 Handfæri 2.769
Fengsæll HU 556 Handfæri 2.068
Geiri HU 69 Handfæri 1.891
Greifinn SK 19 Handfæri 1.382
Guðmundur á Hópi HU 203Lína 12.459
Guðrún Ragna HU 162 Handfæri 2.290
Gyðjan HU 44 Handfæri 1.658
Hafdís HU 85 Handfæri 2.409
Hafrún HU 12 Dragnót 15.237
Hanna SH 28 Handfæri 4.636
Húni HU 62 Handfæri 1.601
Jenný HU 40 Handfæri 1.822
Kambur HU 24 Handfæri 1.581
Katrín GK 266 Landbeitt lína
14.028
Kári SH 78 Handfæri 4.310
Kópur HU 118 Handfæri 832
Loftur HU 717 Handfæri 2.588
Lukka EA 777 Handfæri 1.636
Magnús HU 23 Handfæri 2.706
Már HU 545 Handfæri 239
Sandvík GK 73 Handfæri 1.761
Smári HU 7 Handfæri 1.603
Steinunn SF 10 Botnvarpa 47.701
Svalur HU 124 Handfæri 2.280
Sæunn HU 30 Handfæri 1.763
Vinur SH 34 Handfæri 6.701
Víðir EA 423 Handfæri 1.625
Alls á Skagaströnd 205.184
SAUÐÁRKRÓKUR
Dagur SK 17 Rækjuvarpa 17.212
Drangey SK 2 Botnvarpa 137.739
Fannar SK 11 Handfæri 2.217
Gjávík SK 20 Handfæri 1.415
Hafborg EA 152 Dragnót 43.156
Kaldi SK 121 Þorskfiskinet 2.530
Kristín GK 457 Lína 57.169
Maró SK 33 Handfæri 2.382
Málmey SK 1 Botnvarpa 146.919
Már SK 90 Handfæri 2.099
Onni HU 36 Dragnót 40.281
Óskar SK 13 Landbeitt lína 413
Sighvatur GK 357 Lína 43.780
Sigurborg SH 12 Rækjuvarpa 35.445
Vinur SK 22 Handfæri 2.206
Ösp SK 135 Handfæri 524
Alls á Sauðárkróki 535.487
2 31/2018
www.feykir.is