Feykir - 22.08.2018, Blaðsíða 3
Sauðárkrókur
Borgin gerir borð
fyrir borgina
Í byrjun síðustu viku samdi
Reykjavíkurborg við Trésmiðjuna
Borg ehf. á Sauðárkróki um að
smíða nýtt borð í borgarstjórnarsal
Ráðhússins við Reykjavíkurtjörn.
Eins og kunnugt er sérhæfir Borg
sig í smíði vandaðra innréttinga
fyrir heimili og fyrirtæki og
trésmiðjan sá einmitt um smíði
borðsins sem borgar-
stjórnarfulltrúar hafa hingað til
setið við.
Borgarstjórnarfulltrúum fjölgaði
úr 15 í 23 í síðustu sveitar-
stjórnarkosningum og þarf því að
bæta við borði í salinn í ráðhúsinu
en innréttingar þar hafa verið
óbreyttar frá því að Ráðhúsið var
tekið í notkun árið 1992.
Fram kemur í Morgunblaðinu að
smíði og uppsetning borðsins var
boðin út og bárust tvö tilboð. HBH
byggir ehf. í Reykjavík bauð 45,5
milljónir, 165% yfir kostnaðar-
áætlun sem var 27,5 milljónir.
Trésmiðjan Borg ehf. bauð 17,7
milljónir en um var að ræða
frávikstilboð. /ÓAB
Blönduós
Valdimar tekinn til starfa
Valdimar O. Hermannsson
tók við starfi sveitarstjóra
Blönduósbæjar af Valgarði
Hilmarssyni á fundi
sveitarstjórnar á þriðjudag
í síðustu viku en Valgarður
hefur gegnt starfinu frá því
Arnar Þór Sævarsson lét af
störfum þann 1. apríl sl.
Valgarði voru færðar þakkir
fyrir störf hans fyrir
sveitarfélagið á liðinum árum
en hann hefur setið í
sveitarstjórnum í héraðinu í
kringum 40 ár. Valdimar mætti
svo til starfa á skrifstofu
Blönduósbæjar í gær og varði
hann fyrsta deginum í að
heimsækja stofnanir og
fyrirtæki á svæðinu að því er
segir á vef Blönduósbæjar.
Hinn nýi sveitarstjóri er
markaðsfræðingur að mennt en
hefur einnig lagt stund á
fjölbreytt nám, m.a. í viðskipta-
fræðum, stjórnun, markmiða-
setningu og leiðtogaþjálfun
bæði hérlendis sem og í Evrópu,
Japan og USA. Undanfarin tvö
ár hefur hann starfað sjálfstætt,
meðal annars sem verkefna-
stjóri, nú síðast fyrir Atvinnu-
þróunarfélag Eyjafjarðar og
Atvinnuþróunarfélag Þing-
eyinga. /FE
Valdimar O. Hermannsson tekur við lyklavöldum af Valgarði Hilmarssyni.
MYND: BLONDUOS.IS
www.hsn.is
Landsnet óskar eftir tilboðum í smíði og uppsetningu á undirstöðum vegna stækkunar
á tengivirkinu við Laxárvatn og nýju tengivirki við Hnjúka í Blönduósbæ í samræmi við
útboðsgögn LAV-01
Verkið felur í sér jarðvinnu, smíði og uppsetningu á forsteyptum undirstöðum, staðsteypu á spennaþró,
lagningu jarðskauta og lagnaleiða.
Helstu verkliðir eru:
Jarðvinna 1250 m3
Forsteyptar undirstöður 16 stk
Spennaþró 55 m3
Jarðskaut 300 m
Lagnaleiðir 75 m
Verkinu skal að fullu lokið 20. desember 2018.
Verkinu er nánar lýst í útboðsgögnum LAV-01 sem verða aðgengileg í útboðskerfi Landsnets
frá og með 18.08.2018, sjá nánar á www.utbodsvefur.is
Tilboðum skal skila rafrænt í útboðskerfi Landsnets fyrir kl. 14:00, 13.09.2018.
Tilboð verða opnuð kl. 14:00 GMT, 13.09.2018 að Gylfaflöt 9,
112 Reykjavík, að viðstöddum þeim bjóðendum sem þess óska.
ÚTBOÐ LAV-01: TENGIVIRKI LAXÁRVATNI OG
HNJÚKUM, JARÐVINNA OG UNDIRSTÖÐUR
Landsnet | Gylfaflöt 9 | 112 Reykjavík | Sími 563 9300 | landsnet@landsnet.is | www.landsnet.is
Lögreglan á Norðurlandi vestra
Enn leitað að erlendum ferðamanni
Lögreglan á Norðurlandi vestra fékk í fyrradag
tilkynningu um grunsamlegar mannaferðir í
Lýtingstaðarhreppi sem svipaði til atvikalýsingar
þeirra innbrota sem átt hafa sér stað í
Lýtingsstaðarhreppi og á Hofsósi síðustu daga.
Frá þessu segir á Facebooksíðu Lögreglunnar á
Norðurlandi vestra. Var allt útkallslið lögreglu
sent á staðinn en í ljós kom að málið átti sér
eðlilegar skýringar.
Eins og áður hefur komið fram hefur lögreglan
fengið nokkrar tilkynningar undanfarna daga um
að maður hafi bankað upp á og sagst vera í leit að
gistingu og í nokkrum tilfellum hefur vikomandi
farið óboðinn inn á heimili fólks. Sambærilegar
tilkynningar hafa borist lögreglu á Suðurlandi og
Austurlandi.
Því vill lögreglan beina því til íbúa svæðisins að
fylgjast með sínu nærumhverfi og tilkynna til
lögreglu í síma 112 ef vart verður við eitthvað
óeðlilegt. Einnig vill lögregla beina þeim
tilmælum til fólks að æskilegt sé að læsa húsum
þegar þau eru yfirgefin.
/FE
Norðurland
Norðurlands Jakinn um helgina
Norðurlands Jakinn, keppni sterkustu manna landsins, er aflraunakeppni sem fram fer á
Norðurlandi um komandi helgi. Norðurlands Jakinn er keppni í anda Vestfjarðarvíkingsins þar sem
keppt er í einni grein í bæjarfélögum víðsvegar í landsfjórðungnum. Aðgangur er ókeypis og er
almenningur hvattur til að mæta og sjá sterkustu menn landsins sýna krafta sína. Umsjónarmaður
keppninnar er Magnús Ver Magnússon. Keppt verður á Blönduósi, Skagaströnd, Sauðárkróki,
Ólafsfirði og við Mývatn. /FE
Dagskrá keppninnar er sem hér segir:
Fimmtudagur 23. ágúst.
Kl. 13:00 Blönduós. Drumbalyfta - á bæjartorginu við Félagsheimilið.
Kl. 17:00 Skagaströnd. Kast yfir vegg - í Grundarhólum við Spákonuhof.
Föstudagur 24. ágúst.
Kl. 12:00 Sauðárkrókur. Réttstöðulyfta - við Safnahús Skagfirðinga.
Kl. 17:00 Ólafsfjörður. Víkingapressa og mylluganga - við Tjarnarborg.
Laugardagur 25. ágúst.
Kl. 12:00 Mývatn. Framhald og réttstöðuhald - við Dimmuborgir.
31/2018 3