Feykir - 22.08.2018, Blaðsíða 12

Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
31
TBL
22. ágúst 2018 38. árgangur
Frétta- og dægurmálablað á Norðurlandi vestra : Stofnað 1981
Friðheimar skal húsið heita
Blessun húss í Sauðárkrókskirkjugarði
Síðastliðinn sunnudag var aðstöðuhúsið í kirkjugarð-
inum á Sauðárkróki blessað, gefið nafn og tekið
formlega í notkun með stuttri athöfn. Að sögn
Sigríðar Gunnarsdóttur, sóknarprests, mættu tæplega
40 manns í athöfnina og áttu saman góða stund í góðu
veðri.
Pétur Pétursson, sóknarnefndarmaður, sagði frá bygg-
ingasögu hússins áður en sr. Sigríður flutti bæn og blessaði
það. Var húsinu gefið nafnið Friðheimar og mun það
gegna hlutverki aðstöðuhúss fyrir starfsfólk kirkjugarðs-
ins sem og snyrtinga fyrir gesti garðsins. Kirkjukórinn
söng tvo sálma við undirleik Rögnvaldar Valbergssonar
organista sem að þessu sinni lék á dragspil. Fram kom að
Brynjar Pálsson, fv. formaður sóknarmaður hafi gefið efni
í sólpall sem risinn er sunnan við húsið.
Að athöfn lokinni voru kaffi og kleinur í boði
sóknarnefndar. Meðfylgjandi myndir tók Hörður
Ingimarsson./ PF
Góður árangur í
Bikarkeppni FRÍ
Frjálsíþróttir
Bikarkeppni FRÍ 15 ára og yngri fór fram síðastliðinn
sunnudag í Kaplakrika, Hafnarfirði og sendi UMSS
stelpulið þangað þetta árið. Á Facebooksíðu
frjálsíþróttadeildar Tindastóls segir að stelpurnar hafi
staðið sig frábærlega og nældu sér í 54 stig og lentu í
fimmta sæti af kvennaliðunum.
Andrea Maya sigraði í kúluvarpi og lenti í sjöunda sæti
í hástökki, Birta Sylvía lenti í sjöunda sæti í 400 m hlaupi,
Inga Sólveig lenti í áttunda sæti í 80m grind og áttunda sæti
í 1500 m hlaupi, Marín Lind lenti í þriðja sæti í langstökki
og níunda sæti í 100m hlaupi og Stefanía sigraði í
kringlukasti og lenti í öðru sæti í spjótkasti.
Þær Inga Sólveig og Marín Lind gerðu gott betur en taka
þátt í bikarkeppninni því þær hlupu báðar 10 km í
Reykjavíkurmaraþoninu daginn áður. /PF
Smávirkjanir á
NORÐURLANDI VESTRA
Lyftistöng fyrir bændur og atvinnulífið?
Samband sveitarfélaga á Norðurlandi vestra (SSNV) hefur látið
vinna frumúttekt á mögulegum smávirkjanakostum á Norður-
landi vestra. Úttektin nær til yfir 80 staða í landshlutanum.
Verkefnið var áhersluverkefni Sóknaráætlunar landshluta árið
2017 og verður fram haldið á árunum 2018 og 2019.
Kynning á verkefninu verður í fundarsal Verkalýðs-
félagsins Samstöðu, Þverbraut 1 á Blönduósi,
fimmtudaginn 30. ágúst, kl. 14:00-16:00.
Dagskrá:
1. Kynning á skýrslu um frumúttekt á smávirkjanakostum á
Norðurlandi vestra – Bjarki Þórarinsson, Mannviti.
2. Smávirkjanaverkefni Orkustofnunar
– Erla Björk Þorgeirsdóttir, Orkustofnun.
3. Reynslusaga – Vignir Sveinsson, Höfnum.
4. Hleðsla í hlaði – Tjörvi Bjarnason,
Bændasamtökum Íslands.
5. Styrkir til rannsókna á mögulegum smávirkjunum
– Unnur Valborg Hilmarsdóttir, framkvæmdastjóri SSNV.
6. Fyrirspurnir og umræður.
Allir hjartanlega velkomnir
Samtök sveitarfélaga á Norðurlandi vestra

Lyfjaendurnýjun
Athugið að frá og með
3. september breytum
við tímanum fyrir
lyfjaendurnýjun
í 8:30–9:30 alla virka
daga í síma 455 4020.
Einnig mælum við eindregið með
að fólk endurnýi lyf sín í gegnum
https:/www.heilsuvera.is
Vinsamlegast kynntu þér málið á
heimasíðu okkar hsn.is/saudarkrokur
www.hsn.is
Mynd: Marín Lind, Birta Sylvía, Inga Sólveig, Andrea Maya og
Stefanía. MYND AF FB.