Feykir - 29.08.2018, Blaðsíða 5

F ÍÞRÓTTAFRÉTTIR Fleiri íþróttafréttir á Feykir.is
Meistaramót Íslands 15-22 ára
Andrea og Þóranna með
Íslandsmeistaratitla
Á heimasíðu Frjálsíþrótta-
sambands Íslands segir að
veðrið hafi leikið við keppendur
og áhorfendur á fyrri keppnis-
degi og aðstæður til bætinga
voru góðar og margir sem nýttu
sér það. Tíu mótsmet féllu og
fjölmargir bættu sín persónu-
legu met. Ekki voru aðstæður
síðri seinni daginn enda héldu
keppendur áfram að bæta sig og
mótsmet héldu áfram að falla
líkt og fyrri daginn. Keppendur
UMSS stóðu sig vel og náðust
tveir Íslandsmeistaratitlar.
Andrea Maya Chirikadzi varð
Íslandsmeistari í kúluvarpi stúlkna
15 ára en hún kastaði kúlunni
11,16 metra. Andrea tók þátt í
fleiri kastgreinum; sleggjukasti og
krækti í 3. sætið er hún varpaði
sleggjunni 22,93 metra, kringlu-
kasti með kast upp á 27,42 metra
sem er persónuleg bæting og 4.
sætið að launum, og spjótkasti en
þar lenti hún í 5. sæti með kast
upp á 29,17.
Þóranna Ósk Sigurjónsdóttir varð
Íslandsmeistari í hástökki í flokki
20-22 ára er hún sveif yfir 1,68.
Hún tók einnig þátt í þrístökki og
kringlukasti og landaði 3. sætinu í
báðum greinum. Stökk hún 10,52
metra og kastaði kringlunni 25,7
metra.
Kristinn Freyr Briem náði 2.
sætinu í 200 m hlaupi pilta 18-19
ára á tímanum 23,99 sek. Í 100
metrunum tók hann 3. sætið á
11,71 sek.
Sveinbjörn Óli Svavarsson bætti
sinn persónulega árangur í 100
metra hlaupi 20-22 ára er hann
brunaði í mark á 11,25 sekúndum
og sama varð uppi á teningnum í
200 metra hlaupinu. þar bætti
hann einnig sinn persónulega
árangur er hann hljóp á 23,01
sekúndum, sama tíma og Sindri
Magnússon úr Breiðabliki og
skiptu þeir 3. og 4. sætinu á milli
sín.
Stefanía Hermannsdóttir gerði
vel er hún krækti í 2. sætið í
spjótkasti 15-16 ára stúlkna er
hún kastaði 31,79 metra og
annað sætið var einnig hennar í
kringlukasti er hún kastaði 31,33
metra sem er persónulegt met. Þá
endaði hún í 5. sæti í kúluvarpi
með kast upp á 9 metra.
Aníta Ýr Atladóttir bætti sinn
persónulega árangur í spjótkasti
16-17 stúlkna og fékk 3. sætið að
launum er hún kastaði 34,60
metra. Þá náði hún 4. sæti í
kúluvarpi og kringlu með kast upp
á 10,59 metra í kúlu og kringlunni
þeytti hún 24,88 metra.
Rúnar Ingi Stefánsson tók 3.
sætið í kúluvarpi pilta 18-19 ára
með 12,41 metra löngu kasti og
var það persónuleg bæting. Einnig
bætti hann árangur sinn í
spjótkasti er hann kastaði 42,65
metra.
Þá endaði Hákon Ingi Helgason í
7. sæti í 100 metra hlaupi pilta
16-17 ára er hann hljóp á 11, 94
sek.
Frá USAH mætti Magnús Sólberg
Baldursson og stóð sig vel er hann
landaði 2. sætinu í 100 metra
grindarhlaupi í flokki 15-16 ára.
Hljóp hann á 16,76 sekúndum. Í
langstökki hafnaði hann í 5. sæti
með stökk upp á 5,09 og í 200
metra hlaupi náði hann 6. sæti á
26,93 sekúndum og bætti sinn
persónulega árangur. /PF
Skotíþróttir
Þrír Íslandsmeistaratitlar á einni viku
Snjólaug M. Jónsdóttir í Skotfélaginu
Markviss hefur gert það gott að undanförnu
en á laugardaginn varð hún Íslandsmeistari í
Norrænu trappi (Nordisk
Trap) í keppni sem háð
var á skotíþróttasvæði
Skotfélags Akraness.
Skor Snjólaugar á
mótinu var 102 dúfur sem
er það næsthæsta sem náðst
hefur hérlendis í kvenna-
flokki en Íslandsmetið á
hún sjálf frá því í fyrra, 114
dúfur.
Þetta er þriðji Íslandsmeistaratitillinn sem
Snjólaug hampar á innan við viku en helgina á
undan varði hún Íslandsmeistaratitil sinn í
kvennaflokki í Skeet og einnig
varð hún Íslandsmeistari í
flokkakeppni.
Um næstu helgi keppir
Snjólaug svo á Bikarmóti STÍ í
Reykjavík þar sem hún hefur
góða möguleika á að verja
bikarmeistaratitil sinn frá í
fyrra að því er segir á
Facebooksíðu Skotfélagsins
Markviss. /FE
2. deild kvenna :: Fjarðabyggð/Höttur/Leiknir – Tindastóll 0-8
Tvær fernur í sigurleik á Egilsstöðum
Lið Tindastóls í 2. deild
kvenna skellti sér upp að
hlið Augnabliks á toppi
deildarinnar með öruggum
0-8 sigri á liði Fjarðabyggðar/
Hattar/Leiknis en leikið var á
Vilhjálmsvelli sl. sunnudag.
Stelpurnar gerðu fjögur mörk
í hvorum hálfleik og í þeim
báðum skiptu Murielle og
Vigdís mörkunum systurlega
á milli sín.
Fyrir leikinn hafði Augnablik
úr Kópavogi náð efsta sætinu af
Stólastúlkunum en þær áttu tvo
leiki inni á lið Tindastóls fyrir
rétt rúmri viku. Síðan þá höfðu
stelpurnar úr Kópavogi spilað
þrjá leiki og unnið þá alla
naumlega. Þær voru því með 33
stig á toppi deildarinnar en með
sigrinum í dag náði Tindastóll
að jafna þær að stigum en lið
Augnabliks er með betri
markatölu. Liðin, sem bæði hafa
tryggt sér sæti í 1. deild að ári,
mætast síðan á Króknum í
hreinum úrslitaleik um efsta
sætið í 2. deild um næstu helgi
og þá dugar Stólastúlkum ekkert
annað en sigur.
Það var Murielle Tiernan
sem gerði fyrstu tvö mörkin,
það fyrsta eftir stundarfjórðung
og annað markið á 33. mínútu.
Vigdís Edda Friðriksdóttir
skoraði tveimur mínútum síðar
og bætti við öðru marki sínu á
38. mínútu og staðan 0-4 í
hálfleik.
Vigdís náði þrennunni á 47.
mínútu og síðan fernunni á 58.
mínútu og þá var komið að
markamaskínunni Mur að jafna
afrek Vigdísar með því að skora
tvö mörk á þriggja mínútna
kafla, nánar tiltekið á 65. og 68.
mínútu. Lokatölur því 0-8 á
Egilsstöðum.
Leikur Tindastóls og Augna-
bliks fer fram næstkomandi
sunnudag, 2. september, og
hefst kl. 14:00 og þá verða
stuðningsmenn Tindastóls að
fjölmenna á völlinn og hvetja
stelpurnar til sigurs – það er
ekkert annað undir í leiknum en
fyrsti titill kvennaliðsins! /ÓAB
Mur og Vigdís, kampakátar með sigurinn. MYND: HALLDÓR HLÍÐAR KJARTANSSON
4. deild karla : Kormákur/Hvöt – Geisli 2-0
Húnvetningar enduðu með sigurleik
Riðlakeppni 4. deildar Íslandsmótsins í
knattspyrnu lauk um helgina og á Blöndu-
ósvelli tók sameinað lið Kormáks/Hvatar á
móti liðsmönnum Ungmennafélagsins Geisla
úr Aðaldal. Heimamenn reyndust sterkari
aðilinn og lokatölur urðu 3-1.
Það var Sigurður Bjarni Aadnegard sem
náði forystunni fyrir heimamenn á 14. mínútu
og þannig var staðan í hléi. Hilmar Þór Kárason
var snöggur að breikka bilið í síðari hálfleik
með marki á 46. mínútu en á 53. mínútu klóraði
Hreggviður Heiðberg Gunnarsson í bakkann
fyrir lið Geisla. Daníel Örn Baldvinsson varð
síðan fyrir því óláni að skora í eigið mark og
tryggði liði Kormáks/Hvatar því 3-1 sigur.
Sigurinn tryggði Húnvetningum þriðja
sætið í D-riðli 4. deildar en þeir spiluðu 12 leiki
í sumar og fengu úr þeim 19 stig; fimm leikir
unnust, þrír töpuðust en strákarnir gerðu
fjögur jafntefli sem reyndust dýrkeypt þegar
upp var staðið. Það voru lið Kórdrengja (25
stig) og ÍH (23 stig) sem urðu í efstu tveimur
sætum riðilsins og þau taka þátt í átta liða
úrslitakeppni 4. deildar sem hefst um næstu
helgi. Að þessu sinni fara þrjú lið upp í 3. deild
þar sem fjölga á um tvö lið í deildinni. /ÓAB
Meistaramót Íslands 15-22 ára fór fram um helgina á Laugardals-
velli þar sem 204 keppendur frá 17 félögum víðs vegar að af
landinu voru skráðir til keppni. Fyrirfram var búist við sterkri
og spennandi keppni þar sem á meðal keppenda voru Íslands-
meistarar úr fullorðinsflokki og keppendur af EM, HM og NM í
flokki unglinga fyrr í sumar. Keppendur af Norðurlandi vestra
voru meðal þátttakenda og átti UMSS tvo Íslandsmeistara.
Þóranna Ósk Sigurjónsdóttir Íslandsmeistari í hástökki MYND AF FB-SÍÐU ÞÓRÖNNU
Snjólaug hampar verðlaununum í Nordisk
Trap. MYND AF FB-SÍÐU MARKVISS
32/2018 5