Feykir - 05.09.2018, Page 4

Draumahögg hvers golfara er
að fara holu í höggi en ekki
tekst það hjá öllum. Á vef
Einherjaklúbbsins, sem
heldur utan um skráningu
þeirra sem fara holu í höggi,
segir að einungis 1% kylfinga
nái þessum áfanga árlega.
Frá fyrstu skráningum, árið
1936, hafa um 3.000 drauma-
högg íslensks kylfingsins verið
skráð og af 40.000 kylfingum á
Íslandi ná einungis um 130 að
fara holu í höggi á ári hverju. 6.
holan á Korpúlfsstaðavelli er sú
hola sem oftast hefur verið
farin á holu í höggi á síðustu tíu
árum.
17. holan í Grafarholti og
„Bergvíkin“ 3. holan á Hólms-
velli eru þær holur sem virðast
vera hvað erfiðastar viður-
eignar, og minnstar líkur á að
fara holu í höggi.
Sumir eru heppnari en aðrir
og má segja að Hjálmar
Jónsson, fv. prófastur á
Sauðárkróki og síðar Dóm-
kirkjuprestur, sé einn þeirra en
hann náði þeim stórmerka
áfanga að fara holu í höggi í
þriðja sinn sl. mánudag. „Þetta
er víst draumur okkar,
kylfinganna. Fyrst hitti ég
svona vel fyrir fimm árum en
núna með hálfs mánaðar
millibili. Öll skiptin á
Urriðavelli í Garðabæ en hann
er minn heimavöllur og ég leik
hann oftast. Við hjón búum í
Urriðaholtinu svo að það er
stutt að fara,“ segir Hjálmar.
Aðspurður um afrek mánu-
dagsins segir hann að þegar
þeir félagarnir gengu upp á 8.
teiginn var hann að tala um að
aðstæður væru nákvæmlega
eins og þegar hann fór holu í
höggi á þessari braut. „Þétt-
ingsvindur og holustaðsetning-
in eins. Sló líka núna með
sandjárninu, þetta 105 metra
högg. Hár bolti, sem lenti u.þ.b.
þrjá metra fyrir framan holuna
og rann svo áfram ljúft og
fallega sína leið.“
Hjálmar byrjaði að leika
golf á Sauðárkróki, á gamla
Skarðsvellinum sem var
undanfari Hlíðarendavallar og
fór upphaflega nokkrar holur
með Friðrik lækni og Steinari
Skarp. „Friðrik Jens var góður
læknir og barðist t.a.m. gegn
smitsjúkdómum. En hann
lagði sig fram um að smita mig
af golfbakteríunni. Hún blund-
aði þarna þangað til fyrir tíu
árum en þá var ég beðinn um
að tala á herrakvöldi hjá
Golfklúbbnum Oddi. Undir
miðnættið það kvöld var ég
tekinn inn í klúbbinn.“
Hjálmar segir að gamlir vinir
og fermingardrengir af Krókn-
um hafi verið honum hjálp-
legir með tilsögn, Örn Sölvi
Halldórsson og Sigurpáll Geir
Sveinsson. Sigurpáll var
reyndar fluttur til Akureyrar á
fermingaraldrinum.
„Já, golfið hefur svo margt.
Það er útivistin, alhliða líkams-
rækt, frábær félagsskapur, nátt-
úrufegurð, ákveðnar leikreglur,
agi, samhæfing, nákvæmni.
Golfið hefur þetta allt.“
Nú hallar sumri, þótt enn sé vonandi að
vænta einhverra blíðudaga. Því er ráð að
bregða að nýju niður penna og birta pistil
hér í Feyki.
Í síðasta pistli mínum fyrir sumarhlé sem
birtist í Feyki 27. júní sl. fjallaði ég um sýningu
Söguseturs íslenska hestsins; Íslenski hesturinn
á fullveldisöld, sem áformað var að yrði uppi á
landsmóti hestamanna í Víðidal í Reykjavík
sem stóð fyrir dyrum dagana 1. til 8. júlí. Gekk
það allt eftir og var sýningin uppi allan móts-
tímann en opnuð formlega fimmtudaginn 5.
júlí í tengslum við setningu mótsins, rétt eins
og sýningin; Uppruni kostanna, var opnuð
formlega á landsmótinu á Hólum 2016 í
tengslum við setningu þess móts.
Fjöldi mótsgesta skoðaði sýninguna á
landsmótinu og vitaskuld mikið fleiri en gátu
skoðað sýninguna 2016 þar sem hún var
einungis uppi í sýningarhúsnæði SÍH á Hólum
í Hjaltadal en sýningin í sumar var á
mótssvæðinu sjálfu. Á þeim tíma sem liðinn
er frá landsmótinu 2016 hefur sýningin;
Uppruni kostanna, jafnframt verið gerð
aðgengileg á heimasíðu Sögusetursins, sjá:
http://www.sogusetur.is/static/files/pdf/1-
upprunikostanna_upphaf_42x30sm.pdf
(upphafsspjaldið) og http://www.sogusetur.is/
static/files/pdf/2-upprunikostanna_16_netid.
pdf (sýningin sjálf). Þar er einnig að finna
hvoru tveggja enska og þýska útgáfu
sýningarinnar, sjá http://www.sogusetur.is/is/
gagnabanki
Núna er framundan að finna sýningunni;
Íslenski hesturinn á fullveldisöld, verðugan
stað hér í Skagafirði auk þess að gera hana
aðgengilega á heimasíðu setursins. Hvað stærð
sýningarinnar varðar er um að ræða sagnarefil
eins og greint var frá í pistlinum sem birtist í
blaðinu þann 27. júní sl., refillinn er í
margfeldinu (x10; hæð / lengd), best kemur
hann út í stóru sýningarrými í stærðinni 1,5 x
15m en er læsilegur og kemur vel út í minna
rými, allt niður í málsetninguna 0,5 x 5m.
Hvað sýninguna; Uppruni kostanna, varðar
var hún að auki að hluta til uppi á landsmótinu
í Reykjavík en nokkur af sýningaspjöldunum
höfðu það hlutverk að afmarka gönguleið frá
almenna sýningarsvæðinu upp á svæðið þar
sem kynbótadómarnir fóru fram.
Nú þegar er viss hugmyndavinna hafin
varðandi það sem SÍH kemur til með að fitja
upp á næsta landsmóti en ekki veitir af að
hefja undirbúning komandi landsmóts um
leið og því fyrra lýkur!
Sumaropnun Sögusetursins lauk nú í ár
föstudaginn 31. ágúst og stóð hún yfir frá júní
byrjun. Opið var alla daga vikunnar nema
mánudaga frá kl. 10 til 18. Gekk starfsemin
vel, þegar þetta er ritað hefur gestafjöldinn
ekki verið tekinn saman en virðist þó fljótt á
litið halda nokkuð í við fyrri ár. Mætti
gestafjöldinn vitaskuld vera meiri en raunin
er, en hér er um sameiginlegt vandamál að
ræða fyrir rekstraraðila utan suðursvæðis
landsins, þar sem ferðamenn eru langflestir.
Auðsætt er þó því miður, að sala í
safnversluninni er minni en undanfarin ár og
er það nokkuð sem ég hef heyrt frá fleirum
sem eru með sambærilega starfsemi og SÍH.
Hér í lokin vil ég svo koma því á framfæri
að þótt sumaropnuninni sé lokið þetta árið er
vitaskuld hægt að komast inn á sýningar
setursins með hópa en til þess þarf að panta
fyrirfram með því að senda tölvupóst á
netfangið sogusetrid@gmail.com eða á
persónulegt netfang forstöðumanns khuga@
centrum.is eða hringja einfaldlega í gsm. 891
9879.

Kristinn Hugason
HESTAR OG MENN
Kristinn Hugason forstöðumaður Söguseturs íslenska hestsins
Örlítið um starfsemi Söguseturs
Sögusetur íslenska hestsins á Hólum í Hjaltadal. Mynd tekin sumarið 2016. MYND: KH
„Þetta er víst draumur
okkar kylfinganna“
Hjálmar á fjórðu flöt á Urriðavelli í Garðabæ fyrir hálfum mánuði. MYND AF FB
Séra Hjálmar fór holu í höggi í þriðja sinn
VIÐTAL
Páll Friðriksson
4 33/2018