Feykir - 05.09.2018, Síða 6

velur mig fái smá hugmynd
um hvernig barnið gæti litið út
því það gæti verið að það yrði
líkara mér en sæðisgjafanum.
Ég hef líka heyrt að fólk tengi
meira við ef það á barn fyrir ef
maður lítur eitthvað svipað út.“
Nú tók við u.þ.b. árs bið
hjá Margréti þar til hún fékk,
í byrjun árs 2017, tölvupóst
frá Karen, starfsmanni
stofnunarinnar, um að hún
hefði verið valin af danskri,
einstæðri konu og var hún
innt eftir því hvort hún væri
tilbúin að gefa. Margrét segist
hafa rætt málið við fjölskyldu
sína því þrátt fyrir að þetta hafi
alfarið verið hennar ákvörðun
hafi hún viljað að allir vissu
hvað hún væri að fara að gera.
„Ég samþykkti svo að gefa og
þá velur sú sem þiggur eggin
stað eða „klíník“. Þessi samtök
eru í samstarfi við nokkrar
svona stofnanir í heiminum
og konan velur hvar þetta
verði gert. Þessi kona valdi
Kýpur þannig að ég fór þangað
í maí og hitti teymið sem er
í samskiptum við samtökin
þar. Þar var allt tip top. Á
flugvellinum tók ljósmóðir á
móti mér og hún sá um mig
í gegnum allt ferlið. Ég fékk
að taka einhvern með mér og
mamma fór með í þessa ferð.“
Hormónasprautur
tvisvar á dag
Áður en Margrét fór til Kýpur
þurfti hún að fara í gegnum
mánaðarlanga meðferð sem
fólst í því að hún þurfti að
sprauta sig með hormónum
tvisvar á dag, fyrst með
hormónum sem bældu kerfið
niður, svo með örvandi. „Ég
fer á blæðingar þegar verið
er að bæla kerfið og svo fer
ég að örva eggbúin. Helstu
tvö lyfin voru þessi og ég
þurfti að sprauta mig tvisvar
á dag í mánuð, klukkan sjö á
morgnana með einu hormóni
og klukkan sjö á kvöldin með
öðru og það mátti ekki skeika
miklu í tíma. Ég þurfti líka að
fara reglulega í blóðprufu á
Íslandi þannig að ég þurfti að
finna mér kvensjúkdómalækni
hér sem gæti verið með mér í
ferlinu. Það sem ég gæti helst
sett út á er að það væri betra
ef samtökin gætu verið með
sitt teymi hér en Ísland er
auðvitað svo lítið. Þannig
að ég var bara með minn
kvensjúkdómalækni og sá
Margrét Petra Ragnarsdóttir er
ósköp venjuleg ung kona sem
leggur nú stund á mastersnám
í félagsráðgjöf við Háskóla
Íslands. Hún er búsett í Hafnar-
firði en fædd og alin upp að
mestu á Sauðárkróki. Móðir
hennar er Dóra Ingibjörg
Valgarðsdóttir en faðir hennar
Ragnar Pétur Pétursson. Á
síðasta ári ferðaðist Margrét
Petra í tvígang til annarra
landa í þeim tilgangi að gefa
egg til kvenna sem þurftu á
eggjagjöf að halda. Feyki fór
þess á leit við Margréti að hún
segði okkur aðeins frá ferlinu
í kringum eggjagjöfina og
hvernig hennar upplifun af
því væri.
Fyrsta spurningin til
Margrétar var að sjálfsögðu
hvernig það hefði upphaflega
komið til að hún ákvað að
gerast egggjafi.
„Þetta byrjaði á þeirri frægu
síðu, Beauty Tips, þá póstaði
ein stelpa þar inn að hún vildi
segja sína sögu en hún hafði
verið í þessu ferli, að gefa
egg, og vildi kynna samtökin
sem að þessu standa og segja
frá því hvað þau gera fyrir
konur og pör sem eru að leita
sér þjónustu þarna. Ég greip
þetta einhvern veginn bara og
hugsaði um þetta í langan tíma,
las póstinn hennar mjög oft og
hugsaði um þetta, örugglega
í fjóra mánuði, áður en ég
fór að gera eitthvað í þessu.
Svo sendi ég upplýsingar um
mig til þessarar stofnunar,
Global Egg Donation. Sú sem
á hana er búsett í St. Barbara
í Californiu. Ég fékk svo
svar: „Ef þú vilt halda áfram
með umsóknina þá sendi ég
ítarlegan spurningalista.“ Ég
samþykkti það og listinn var
mjög langur, ég þurfti að gefa
upp mína sögu, fjölskyldusögu,
sjúkdóma í fjölskyldu, hvort ég
hef upplifað þunglyndi, á hvaða
lyfjum ég hef verið o.s.frv.
Ég hef sjálf prófað að nota
þunglyndislyf í u.þ.b. mánuð og
ég tók það fram í umsókninni.
Svo þegar ég var valin vildi
fólkið vita hvort þetta hefði
verið eitthvað alvarlegt en í
rauninni var það ekkert þannig
og ég útskýrði það svo að það
var allt á yfirborðinu. Þannig að
ég kláraði þetta ferli og var þá
komin inn í svona gagnabanka.
Ég þurfti líka að senda inn fullt
af myndum af mér, frá því ég
var lítil, þegar ég var tíu ára,
þegar ég var unglingur, alveg
hvernig ég leit út í gegnum
tíðina. Þetta er til að fólkið sem
VIÐTAL
Fríða Eyjólfsdóttir
Í hugum margra er það að eignast barn afskaplega sjálfsagður hlutur og
spurningin um það hvenær sé von á fjölgun er trúlega ein sú algengasta sem ung
pör fá. Staðreyndin er hins vegar sú að ófrjósemi er vandamál sem sífellt fleiri eiga
við að glíma og eru ástæðurnar margvíslegar svo og úrræðin sem bjóðast. Meðal
þeirra úrræða sem hægt er að reyna er að fá egg- eða sæðisfrumur frá öðrum
aðila, eitthvað sem við öll höfum heyrt um en kannski höfum við ekki leitt
hugann neitt sérlega mikið að því hvaðan þessar frumur koma.
Margrét Petra MYND: ELMA KAREN
Margrét Petra Ragnarsdóttir
Danskir tvíburar bera genin mín
6 33/2018