Feykir - 12.09.2018, Blaðsíða 5

og nýjan Kana. Þá eru þrír nýir
faktorar í mörgum liðum.
Þannig að við rennum blint í
sjóinn með það hvernig þessir
leikmenn koma út og fitta í
íslensku deildinni.
Dino Butorac er okkar
Bosmanleikmaður og segir
Ingólfur hann hafa að mörgu
leyti komið vel út í leiknum á
Hvammstanga.
„Hann alla vega virðist falla
vel inn í hópinn. Hann er ekki
tekinn inn sem byrjunar-
liðsmaður en hann hefur
reynslu, hefur unnið sænsku
deildina tvisvar og spilað í
sterkum deildum í Evrópu.
Hann er reynslubolti,“ segir
Ingólfur.
Það tóku margir andköf
þegar fréttist að annar reynslu-
bolti, Axel Kára, hefði ákveðið
að taka sér frí frá körfubolta í
bili. Hvað finnst formanninum
um það?
„Það voru vonbrigði. Það
vilja allir hafa einn Axel í sínu
liði. Við höfum rætt málin og
hann er velkominn aftur
hvenær sem hann finnur
löngun til að mæta á ný.“
Kvennaboltinn af stað
Það eru spennandi tímar
framundan í körfuboltanum
því meistaraflokkur kvenna er
líka farinn í gang en hann
hefur ekki verið starfræktur í
nokkur ár. Ingólfur segir að
spennandi ungur hópur myndi
liðið auk þess sem nokkrar
eldri ætli sér að koma heim
aftur. Þar mætti m.a. nefna þær
Kristínu Höllu, Rakel Rós og
Lindu Róberts sem kemur eftir
áramót.
„Við erum spennt að sjá
hvernig liðið kemur út í vetur.
Það kemur Kani til þeirra núna
um miðjan september, sem er
að klára sumardeildina í
Bandaríkjunum, Tess Ondra
Williams. Þær hafa fengið
ungan litháenskan þjálfara,
Arnoldas Kuncaitis, en hann
hefur háskólamenntun í körfu-
boltafræðum. Þetta er tekið af
alvöru, stór hópur, erlendur
leikmaður og flottur erlendur
þjálfari,“ segir Ingólfur.
Stjórnin mun halda utan
um báða meistaraflokka en
verið er að vinna í því að setja
upp meistaraflokksáð, bæði
karla og kvenna.
Þá er bara að láta sér hlakka
til en fyrsti alvöru leikurinn hjá
strákunum verður sunnudag-
inn 30. september er leikið
verður um titilinn meistarar
meistaranna í DHL höllinni í
Reykjavík gegn KR en þá
mætast ríkjandi Íslands- og
bikarmeistarar. Dominos-
deildin hefst svo 4. október en
stelpurnar leika í 1. deild og
eiga þær sinn fyrsta leik á
útivelli gegn Fjölni þann 6.
október.
Ingólfur segir aðspurður
um væntingar að Tindastóll
verði á fullri ferð áfram að
halda sér í toppbaráttu hjá
körlunum og byggja upp góðan
grunn hjá stelpunum. Áfram
Tindastóll!
F ÍÞRÓTTAFRÉTTIR Fleiri íþróttafréttir á Feykir.is
Knattspyrnudeild Tindastóls
Bjarka sagt upp
Stjórn knattspyrnudeildar
Tindastóls ákvað eftir
leikinn gegn Fjarðabyggð
á laugardag að segja upp
samningi Bjarka Más Árna-
sonar sem þjálfað hefur
meistaraflokk karla á þessu
tímabili. Stjórn knattspyrnu-
deildar sendi út fréttatill-
ynningu þar sem Bjarka er
þakkað framlag hans.
„Stjórnin vill koma á
framfæri þökkum til Bjarka
fyrir starf hans fyrir félagið
innan vallar og utan. Hann er
einn leikjahæsti leikmaður
Tindastóls í sögunni og
spilaði sinn 200 leik fyrir
félagið í sumar. Í honum fer
drengur góður og óskum við
honum alls hins besta í þeim
verkefnum sem hann tekur
sér fyrir hendur. Sigurður
Halldórsson mun stýra liðinu
út tímabilið, ásamt Jóni
Stefáni Jónssyni og Guðna
Þór Einarssyni.“ Undir yfir-
lýsinguna skrifar Rúnar
Rúnarsson, formaður knatt-
spyrnudeildar Tindastóls.
Feykir setti sig í samband
við Bjarka Má sem hafði þetta
um málið að segja: „Ég er
bara ótrúlega þakklátur fyrir
að hafa fengið að vinna með
þessum frábæru strákum og
ég hef svo sannarlega gert
mitt besta og fannst frábært
að vinna með Guðjóni. Og
veit ég að strákarnir koma til
með að halda sér í deildinni.
Er ég bara þakklátur [fyrir]
öll þau ár sem ég fékk hjá
þessum dásamlega klúbbi, er
ég Tindastólsmaður út í gegn,
áfram Tindastóll!!!“
Bjarki á að baka ríflega
200 leiki með liði Tindastóls
og var valinn Íþróttamaður
Skagafjarðar 2008. Hann tók
við liði Tindastóls fyrir þetta
tímabil ásamt Guðjóni Erni
Jóhannssyni sem nýverið lét
af störfum. /PF & ÓAB
Meistaraflokkar kvenna og
karla í baráttunni í vetur
Ingólfur Geir, formaður körfuknattleiksdeildar Tindastóls. MYND: PF
Ingólfur Jón Geirsson / formaður körfuboltadeildar
Nú er körfuboltinn farinn að
rúlla og fyrsti æfingaleikur
Tindastóls að baki en leikið
var gegn Skallagrími í
íþróttahúsinu á Hvamms-
tanga sl. föstudag. Þar
völtuðu Stólar yfir Borgnes-
inga auðveldlega 91-66.
Tindastóll var ekki með
fullskipað lið þar sem Danero
var í landsliðsverkefni en
stífar æfingar hafa verið frá
fyrsta degi september-
mánaðar.
Ingólfur Jón Geirsson, for-
maður körfuboltadeildar
Tindastóls segir áherslurnar
hafa komið skemmtilega í ljós í
leiknum með meiri hraða og
grimmd og lofi góðu upp á
framhaldið.
Nokkrar mannabreytingar
hafa orðið á liði Tindastóls en
helst má nefna að Arnar,
Björgvin og Hester eru farnir,
Axel Kára ákvað að taka sér frí
en komnir eru þeir Danero
Thomas, Urald King og Dino
Butorac að ógleymdum
Brynjari Þór Björnssyni.
Oft hafa Kanamálin verið í
ólestri hjá íslensku liðunum í
upphafi tímabils en nú eru
Stólar í góðum málum með
Urald King, að mati Ingólfs.
„Já, mikill sprengikraftur hjá
honum, hefur reynslu af að
spila í deildinni og var
frákastahæstur í fyrra. Hann
þekkir íslensku deildina og veit
nákvæmlega hvað hann er að
fara út í og fittar vel inn í liðið,“
segir Ingólfur og bætir við að
hann sé fljótari en Kani síðasta
árs [Hester]. King kemur frá
Val og lék með þeim sl. tvö ár.
Danero kemur hins vegar
frá ÍR, er með íslenskt ríkisfang
og íslenska landsliðið sér
ástæðu til að hafa hann innan
sinna vébanda.
Getur þú spáð í hvernig
deildin verður í vetur?
„Nei, rennum alveg blint í
sjóinn. Nú er búið að tvöfalda
lotteríið. Áður var Kanalotterí
og nú bætist Bosmanlotterí
við. Lið eru að taka einn og
jafnvel tvo Bosmanleikmenn
VIÐTAL
Páll Friðriksson
2. deild karla :: Tindastóll – Fjarðabyggð 1-0
Vonin lifir hjá Stólunum
Tindastóll og Fjarðabyggð
mættust í 20. umferð 2.
deildar Íslandsmótsins í
knattspyrnu sl. laugardag á
Sauðárkróksvelli.
Leikurinn var jafn og ágæt
skemmtun en það voru þó
gestirnir sem voru skeinuhættari
og fengu stundum of langan
tíma til að athafna sig fyrir
framan vítateig Stólanna. Eftir
þetta hertu Stólarnir sóknar-
leikinn og fengu tvö bestu færi
leiksins í sömu sókninni sem
var lagleg. Eftir skot úr teignum
sem gestirnir komust fyrir fékk
Lamanna boltann fyrir opnu
marki en settann framhjá þegar
auðveldara virtist að skora.
Staðan var 0-0 í hálfleik.
Á 68. mínútu fékk Páll Hróar
Helgason, leikmaður Fjarða-
byggðar, að líta sitt annað gula
spjald eftir að Óskar Smári henti
honum út af vellinum. Sennilega
hafa það verið viðbrögð kappans
sem kostuðu hann spjaldið.
Sigurmark leiksins kom á 85.
mínútu en þá fékk Arnar Ólafs
boltann eftir að Benni hafði lent
í samstuði við vinstra vítateigs-
horn gestanna. Stólarnir vildu
víti en dómarinn ákvað að
sleppa því og Arnar lék aðeins
inn á miðjuna og sveiflaði síðan
hægri fætinum og dúndraði
boltanum í fjær hornið.
Fallbaráttan er nú í algleym-
ingi og eru það lið Tindastóls,
Hattar og Leiknis sem berjast
um að halda sér uppi en lið
Hugins Seyðisfirði féll um
helgina. Næsti leikur verður
einmitt á Seyðisfirði. /ÓAB
Bjarka Má, spilandi þjálfara Tindastóls, var sagt upp að leik loknum. MYND: ÓAB
34/2018 5