Feykir - 19.09.2018, Blaðsíða 11
Tillögur að friðlýsingum svæða
í verndarflokki rammaáætlunar
Umhverfisstofnun hefur hafið formlega kynningu á tillögum að friðlýsingu svæða í verndarflokki
áætlunar um vernd og orkunýtingu landsvæða sbr. ályktun Alþingis, nr. 13/141, frá 14. janúar 2013.
Svæðin sem nú eru lögð fram til kynningar eru:
1. Suðurland - vatnasvið Tungnaár: 24 Tungnaárlón og 25 Bjallavirkjun
2. Suðurland - vatnasvið Jökulfalls og Hvítár í Árnessýslu: 32 Gýgjarfossvirkjun og 33 Bláfellsvirkjun
3. Suðurland - vatnasvið Hólmsár: 20 Hólmsárvirkjun við Einhyrning, með miðlun
Kynningartími er þrír mánuðir eða til 14. desember 2018.
Nánari upplýsingar eru á vefsíðu Umhverfisstofnunar: umhverfisstofnun.is. Athugasemdum skal skilað inn á vefsíðu Umhverfisstofnunar,
með tölvupósti á netfangið ust@ust.is eða með bréfpósti; Umhverfisstofnun, Suðurlandsbraut 24, 108 Reykjavík.
Suðurlandsbraut 24
108 Reykjavík
Sími: 591-2000
Fax: 591-2020
Netfang: ust@ust.is
www.umhverfisstofnun.is
Unnur, fráfarandi oddviti
Húnaþings, skoraði á mig
að skrifa eitthvað í Feyki og
ég skorast ekki undan því
frekar en öðru sem ég er
beðinn um að gera.
Ég er fæddur og uppalinn
á Hvammstanga og flutti
aftur heim fyrir 14 árum eftir
námsdvöl á Suðurlandinu.
En um hvað á ég að skrifa?
Kannski ég tali bara um
hvað það er gott að búa
í Húnaþingi vestra og
sérstaklega gott að ala upp
börn, og hversu fjölbreytt
afþreying er í boði á
svæðinu.
Eldri dóttir mín er að æfa
knattspyrnu, fimleika og
sund hjá Umf. Kormáki,
samtals borga ég 10.000
krónur á önn í æfingagjöld
eða 20.000 fyrir veturinn,
sem er örugglega lægsta
æfingagjald á landinu. Auk
þess er hún að læra á píanó
í tónlistarskólanum.
Yngri dóttir mín er líka að
læra á píanó, síðan er hún
í íþróttaskóla og æfir blak,
badminton og fimleika hjá
Umf. Kormáki. Auk þess
æfir hún hestafimleika og
er á reiðnámskeiðum hjá
Hestamannafélaginu Þyt.
Það vantar ekki afþreyinguna
fyrir ungt fólk í Húnaþingi
vestra. Ekkert skutl og allt í
rölt færi!
Ásamt því að starfa
sem íþróttakennari á
Hvammstanga á ég sæti
í sveitastjórn Húnaþings
vestra. Í sveitastjórninni
höfum við undanfarið borið
gæfu til þess að vinna
saman og komast að
sameiginlegri niðurstöðu
í málum, sama í hvaða
stjórnmálaflokki fólk er og
erum ekkert að ulla hvert
á annað eins þeir gera fyrir
sunnan. Því mun betra er
að standa saman en að
vera í stöðugum innbyrðis
illdeilum. Það er gott að búa
í Húnaþingi vestra!
- - - - -
Ég skora á Sigurð Þór
Ágústsson skólastjóra
Grunnskóla Húnaþings
vestra að skrifa næsta pistil.
ÁSKORENDAPENNINN
Magnús Eðvaldsson Hvammstanga
Gott að búa í Húnaþingi vestra
UMSJÓN
Páll Friðriksson
Magnús fer yfir málin. MYND AÐSEND
Leikfélag Sauðárkróks
Komið með varanlegt húsnæði
Á fundi byggðarráðs Skagafjarðar fyrir helgi var
lagður fram kaupsamningur á milli Leikfélags
Sauðárkróks og sveitarfélagsins sem selur Leik-
félaginu 50% óskiptan eignarhlut í fasteigninni
Borgarflöt 17E, Sauðárkróki. Söluverð er
7.500.000 kr. Byggðarráðið samþykkti framlagðan
kaupsamning sem undirritaður var daginn eftir af
Sigfúsi Inga Sigfússyni sveitarstjóra og Sigurlaugu
Dóru Ingimundardóttur, formanni LS.
„Þessi aðstaða breytir mjög miklu fyrir Leikfélagið.
Við fáum öruggt pláss fyrir dótið okkar og aðstöðu
fyrir fundi, samlestur og samhristing. Húsnæðismál
hafa verið í frekar miklu brasi undanfarin árin eða
alveg síðan við urðum að flytja út úr Leikborg. Undan-
farið hefur dótið okkur verið í það litlu rými að við
getum ekki með góðu móti gengið um það. Þetta
verður því mjög mikill munur.“ segir Sigurlaug Dóra.
Æfingar eru hafnar á haustverkefni Leikfélagsins,
Ævintýrabókinni, sem er skemmtileg sýning og hentar
fyrir alla í fjölskyldunni. Sigurlaug Dóra segir að 25
leikarar stígi á svið í leikritinu en alls koma yfir 40
manns að sýningunni. „Það verður því mikil leikgleði í
Bifröst á komandi vikum,“ segir hún. /PF
Sigurlaug Dóra og Sigfús Ingi handsala samninginn sl. föstudag.
MYND: PF
35/2018 11