Feykir - 03.10.2018, Blaðsíða 5

F ÍÞRÓTTAFRÉTTIR Fleiri íþróttafréttir á Feykir.is
Fótbolti.net gerir upp fótboltasumarið
Fjórar Stólastúlkur
í liði ársins
Fótbolti.net gekkst fyrir vali
á liði ársins í fótboltanum
nú á dögunum og voru það
þjálfarar og fyrirliðar liðanna
sem völdu listann. Tindastóll
var með lið í báðum 2. deild-
unum, karla og kvenna,
og reyndust stúlkurnar
heldur atkvæðameiri, enda
komust þær upp um deild á
meðan brekkan var meiri hjá
strákunum. Fjórar stúlkur
komast í átján manna hóp
úrvalsliðsins en aðeins einn
strákanna.
Í lið ársins hjá stelpunum
komust Bryndís Rut Haralds-
dóttir, varnarmaskína,, Vigdís
Edda Friðriksdóttir, kantari, og
Murielle Tiernan, ofursenter, í
byrjunarliðið en bakvörðurinn
Laufey Harpa Halldórsdóttir
fékk sæti á bekknum. Mur var
einnig valin besti leikmaður 2.
deildar og fékk þar fullt hús
atkvæða en hún varð markahæst
í deildinni með 24 mörk í 14
leikjum. Glæsilegur árangur.
Hjá strákunum var það bara
Stefan Lamanna sem komst í lið
ársins en þessi eldsnöggi kantari
varð þó að gera sér að góðu að
fá sér sæti á varamannabekk
úrvalsliðsins. /ÓAB
Lið KR og Tindastóls mættust sl. sunnu-
dagskvöld í DHL-höllinni í Vesturbæ Reykja-
víkur í leik þar sem í ljós kom hverjir væru
meistarar meistaranna. Það voru semsagt
Íslandsmeistararnir sem tóku á móti bikar-
meisturunum og það var aldrei spurning
hvoru megin sigurinn myndi enda –
Stólarnir voru mun betri og sigruðu 72-103
og fengu afhentan bikar af því tilefni.
Bæði lið tóku smá tíma í að stilla miðið í
byrjun leiks en eftir að Björn Kristjáns hafði
komið KR yfir, 8-7, þá náðu Stólarnir yfir-
höndinni og gerðu næstu níu stig leiksins. KR-
ingum gekk afleitlega að spila boltanum gegn
vörn Tindastóls og misstu hann ítrekað og þá
voru Stólarnir að fara illa með Vesturbæingana
í sóknarfráköstum. Það eru geysimörg vopn í
vopnabúri Stólanna og heimamönnum gekk
illa að stoppa þá. Staðan 15-24 þegar annar
leikhluti hófst og þá setti Pétur tvo þrista og
munurinn orðinn 15 stig. KR náði þó aðeins
að krafsa sig inn í leikinn á meðan Friðrik
Stefáns átti nokkuð skrautlega innkomu sem
hann verður vonandi fljótur að hrista af sér.
KR minnkaði muninn í tíu stig en körfur frá
Brynjari og Butaric komu muninum upp í
heilbrigð 16 stig. Í hálfleik var staðan 34-50.
Lið KR kom betur stemmt til leiks í upphafi
þriðja leikhluta og minnkaði muninn í ellefu
stig, 41-52, en Urald King og Danero svöruðu
fyrir Tindastól og skömmu síðar var munur-
inn orðinn átján stig, 45-63. Heimamenn náðu
öðru góðu áhlaupi með Julian Boyd í stuði og
nú minnkuðu þeir muninn í níu stig en þá
komu þrjár glæsitroðslur frá King og Tinda-
stólsmenn náðu völdum á ný. Pétur bætti við
fimm stigum undir lok leikhlutans og staðan
58-74 þegar síðasti leikhlutinn hófst.
Pétur og Helgi Margeirs gerðu hvor sinn
þristinn í upphafi fjórða og KR-ingar lögðu
árar í bát. Stólarnir léku við hvern sinn fingur
og munurinn jókst jafnt og þétt. Síðustu mín-
úturnar voru það svo ungu mennirnir sem
fengu að spreyta sig í báðum liðum, enda
úrslitin löngu ráðin. Finnbogi stal boltanum
og lagði í körfu KR-inga til að koma Stólunum
í 100 stigin og Ragnar Ágústs kláraði leikinn
með laglegum þristi.
Stólarnir eru því komnir með einn nettan
bikar eftir fyrsta alvöruleik haustsins og voru
vel að sigrinum komnir. KR-ingum var
(nánast) vorkunn að verjast byrjunarliði
Stólanna með sínar fjórar frábæru skyttur
(Pétur, Brilla, Dino og Danero) og sívinnandi
skopparabolta (King) í teignum! Og ekki
skemmdu þeir fyrir sem komu af bekknum.
Viðars-vörnin er engu lík og Helgi Rafn virt-
ist eiga ánægjulega stund í DHL-höllinni þetta
kvöld. Þá komu þeir fínir inn Hannes Ingi,
Helgi Margeirs og hinir.
Atkvæðamestur Tindastólsmanna var
Urald King með 27 stig og átta fráköst, Pétur
gerði 19 stig og átti sex stoðsendingar, Brynjar
Þór var með 17 stig og fimm stoðsendingar,
Danero 12 stig og sex fráköst og Dino var með
11 stig. Leikmenn Tindastóls voru með 131
punkt í framlag á meðan lið KR var með 73
punkta.
Næst fá Stólarnir Þór Þorlákshöfn í heim-
sókn á Krókinn á morgun þegar alvara
Dominos-deildarinnar hefst. /ÓAB
Meistarar meistaranna 2018. Efri röð frá vinstri: Árný Lilja sjúkraþjálfari, Ingólfur Geirs formaður, Israel Martin þjálfari, Dino
Butaric, Helgi Margeirs, Helgi Viggós, Danero Thomas og Urald King. Neðri röð f.v.: Ragnar Ágústs, Hannes Más, Pétur Birgis,
Viðar Ágústs, Finnbogi Bjarna, Friðrik Stefáns og Brynjar Björns. MYNDIR AF SÍÐU KÖRFUKNATTLEIKSDEILDAR TINDASTÓLS / KARFAN.IS
Tindastólsmenn fagna og Helgi Viggós fyrirliði þeytir bikarnum í loftið.Arnar Geir (fyrir miðju) ásamt félögum sínum. MYND AF NETINU
Meistarar meistaranna : KR – Tindastóll 72-103
Stólarnir yfirmeistarar
Murielle Tiearnan fór mikinn með Stólunum í sumar og var valin besti leikmaður
2. deildar kvenna. MYND: ÓAB
Golfmót í Missouri USA
Arnar Geir gerir gott mót
Á heimasíðunni Kylfingur.is
segir af því að þrír íslenskir
kylfingar kepptu á Missouri
Valley Fall Invitational á
Marshall vellinum í Missouri
dagana 24.-25. september
en það vour þeir Arnar Geir
Hjartarson, Birgir Björn
Magnússon og Gunnar
Blöndahl Guðmundsson.
Króksarinn Arnar Geir og
liðsfélagar hans í Missouri
Valley stóðu uppi sem sigurveg-
arar í mótinu á 16 höggum
undir pari. Arnar lék mjög vel
og endaði í 5. sæti í einstakl-
ingskeppninni, höggi undir pari.
Birgir Björn endaði í 4. sæti á
höggi undir pari í einstaklings-
keppninni en hann og Gunnar
keppa fyrir hönd Bethany
skólans sem varð í öðru sæti í
liðakeppninni. Gunnar lék sam-
tals á 10 höggum yfir pari og
endaði í 19. sæti í einstaklings-
keppninni. /ÓAB
37/2018 5