Feykir - 10.10.2018, Síða 4
Í Grunnskóla Húnaþings vestra
hefur verið horft á nýjar leiðir í
námsmati í samvinnu við skólana
á Húnavöllum, Blönduósi og
Skagaströnd. Þessi samvinna hófst
haustið 2017 og eru skólarnir
á öðru ári í þessari innleiðingu
sem kallast leiðsagnarmat.
Leiðsagnarmat er svo sem ekki nýtt
fyrirbæri í sjálfu sér en kjarninn
í þessari nálgun á námsmati er
að nemandinn fær skýra sýn á
markmið viðfangsefna og leiðsögn
til að leysa þau sem best úr hendi.
Leiðsagnarmat er námsmatsaðferð
til þess að læra af og nýtist
bæði nemendum og kennurum.
Fyrir kennara nýtist hún til að
bæta og ígrunda eigin kennslu,
kennsluaðferðir og upplýsingagjöf.
Fyrir nemendur felur matið í
sér sjálfsskoðun í samvinnu við
kennara eða samnemendur. Þeir
fá tækifæri til þess að velta fyrir sér
eigin námi, taka þátt í gagnkvæmri
endurgjöf og skipuleggja nám sitt
út frá sínum forsendum. Markmiðið
er að nemandinn efli námsvitund
sína, og skilji styrkleika og
veikleika sína og þar með ábyrgð
og sjálfstæði í vinnubrögðum.
Til að setja þessa námsmatsaðferð
í samhengi við kennslu sem flestir
þekkja má segja að til dæmis
smíðakennarar hafi notað þessa
aðferð frá upphafi. Nemandinn
fær efnivið og fyrirmæli um að úr
honum eigi að koma gíraffi. Hann
fær leiðbeiningar um hvernig á að
saga hlutinn til, hvernig á að beita
áhöldunum sem þarf til verksins
og hefur fullbúna fyrirmynd sem
dæmi hvernig hluturinn á að líta
út að lokum. Nemandinn fær
leiðbeiningar við vinnslu verksins
hvar hann þarf að gera betur til að
fá góða útkomu, hvar á að slípa
betur og hvernig á að bera sig að.
Nemandinn fær einnig tækifæri til
þess að ræða verkefnið og setja sitt
mark á hvernig lokaafurðin lítur út.
Það er þetta ferli sem kennarar í
skólanum tileinka sér markvisst
í öllum námsgreinum, að finna
áhugaverðar leiðir til að gera
nemendur ábyrga og virka í námi
í stað þess að klára tiltekna
bók og taka próf í lokin og þá
kemur kannski í ljós að lítið sat
eftir. Það er nefnilega ekki alltaf
staðreyndaþekking sem skiptir
máli heldur hæfnin til að temja
sér vinnubrögð sem skila árangri
og hægt er að yfirfæra á næstu
verkefni eða viðfangsefni daglegs
lífs.
Áhugaverð grein birtist í
veftímaritinu Skólaþræðir þar sem
einu svona leiðsagnarmatsverkefni
í Grunnskóla Húnaþings vestra
er lýst. Í því verkefni skipulögðu
nemendur útivistarferðir í Húnaþingi
vestra sem söluvöru og mörg önnur
áhugaverð dæmi fyrir foreldra og
kennara má finna á skolastofan.is
undir flipanum þróunarverkefni.
- - - - -
Með þessum orðum skora ég
á Guðnýju Hrund Karlsdóttur,
sveitarstjóra í Húnaþingi vestra
að tvíhenda pennastöngina til
upplyftingar fyrir lesendur Feykis.
ÁSKORENDAPENNINN
Sigurður Þór Ágústsson skólastjóri
Grunnskóla Húnaþings vestra
Leiðsagnarmat
UMSJÓN
Páll Friðriksson
Sigurður Þór Ágústsson. MYND AÐSEND
Fyrir 56 árum kom Reynir Karlsson
Frammari, landsliðsmaður í knattspyrnu,
síðar íþróttafulltrúi ríkisins, á Krókinn að
kenna til þjálfunar í yngri flokkum knatt-
spyrnunnar. Reynir lauk knattspyrnu-
þjálfaraprófi frá Íþróttaháskólanum í Köln
1960. Hann þjálfaði á árunum 1954 -1971
meistaraflokka Fram, ÍBA, ÍBK, Breiðablik
og landsliðið um hríð.
Við vorum fjórir sem hlutum eldskírnina hjá
Reyni. Ástvaldur Guðmundsson, magnaður
varnarmaður talinn jafnast á
við Jón Stefánsson í Í.B.A. á
Akureyri sem spilaði sömu
stöðu í landsliði Íslands.
Ástvaldur, eða Itti, stofnaði
Radíó og sjónvarpsþjónustuna
á Króknum um 1968 og
endaði sem yfirmaður
tæknimála í Ráðhúsinu í
Reykjavík við Tjörnina. Baldi,
Baldvin Kristjánsson, var
magnaður millivegalengdar-
hlaupari, góður knattspyrnu-
maður, bakarameistari, m.a.
með bakarí á Blönduósi og
náði þar frábærum árangri í skák á þeim
árum. Rak matvörubúðina á Króknum. Hefur
kennt urmul af fólki á bíl, vinsæll bankamaður
og frábær meðhjálpari í Sauðárkrókskirkju á
síðari árum. Leifur Ragnarsson var eitilharður
með snöggar, óvæntar, hreyfingar með hæfi-
leika eins og George Best. Hefði prýtt landslið
Íslands með sóma. Hann var skæðasti
sóknarmaður um þvert Norðurland á sínum
tíma. Leifur helgaði sig flugumsjón og málefni
flugsins syðra.
Sögumaður spilaði lengi vinstri kant og
engar frægðarsögur af honum fyrr en Óli B.
Jónsson, sem þjálfaði Keflvíkinga 1965 sagði
sögumanni að hann ætti að spila miðvörð,
jafnvígur á vinstri og hægri fót og góður
skallamaður. Sögumanni var boðið það
hlutverk hjá Keflvíkingum en Norðurlandið
dró meira.
Það var Óli B. Jónsson sem stýrði Völsurum
til jafnteflis við Benfica 1968 á
Laugardalsvelli sem yfir 18
þúsund manns urðu vitni að.
Maður þess leiks var Páll
Ragnarsson, tannlæknir og
bróðir Leifs, sem hafði öll tök
á besta leikmanni heims á
þeim tíma, honum Eusébio da
Silva Ferreira, og þessa verður
lengi minnst í íslenskri knatt-
spyrnu. Palli Ragnars kom á
ný heim á Krókinn í
knattspyrnuna og varð mikill
leiðtogi og frömuður hjá
Tindastóli.
Frægðar- og sannar grobbsögur liðinnar
aldar verða ekki fleiri að sinni en þær mega
auðvitað ekki gleymast.
Baldi Kristjáns, Páll Ragnarsson og Hörður
eru enn til staðar og gagns á Króknum.
Reynir Karlsson, Leifur Ragnarsson, Baldvin Kristjánsson og Ástvaldur Guðmundsson. Á myndinni að neðan er höfundur
greinarinnar, Hörður Ingimarsson.
MYNDIR ÚR EINKASAFNI
Fjárgötur myndanna
Allt fram streymir ár og dagar
FRÁSÖGN
Hörður Ingimarsson
4 38/2018