Feykir - 17.10.2018, Blaðsíða 5

F ÍÞRÓTTAFRÉTTIR Fleiri íþróttafréttir á Feykir.is
Íslandsmótið í blaki kvenna
Birnur og Krækjur
gerðu góð mót
Fyrsta keppnishelgin af
þremur á Íslandsmótinu í
blaki fór fram um helgina og
fór keppnin í 4. deildinni fram
á Hvammstanga. Birnur frá
Hvammstanga, sem keppa
undir merki Kormáks, nýttu sér
heimavöllinn og stemninguna
sem var í stúkunni vel og
kræktu í 6 stig og 6. sætið í 4.
deild en þar tóku tólf lið þátt.

Á laugardeginum byrjuðu
Birnur á að tapa 1-2 gegn ÍBV,
þær sigruðu síðan HK b í
oddahrinu 2-1 og lutu síðan í
parket gegn liði Leiknis
Fáskrúðsfirði 0-2. Á sunnudegi
sigruðu þær síðan HK k 2-1 en
töpuðu síðan gegn toppliði
Keflavíkur í oddahrinu 2-1, Í
heildina unnust því tveir leikir í
odda, tveir töpuðust í odda og
einum töpuðu þær 2-0. Þjálfarar
liðsins eru þeir Mikael Björns-
son og Hilmar Sigurjónsson.
Fram kemur á FB-síðu
Birnanna það sé ekkert grín
fyrir 500 manna samfélag að
taka á móti ellefu blakliðum eða
um 100 manns í miðri sláturtíð.
Sumir íbúar lánuðu húsin sín og
fjölmargir aðilar og einstakl-
ingar hjálpuðu til á einn eða
annan hátt og þakka Birnur
öllum kærlega fyrir stuðninginn.
Krækjur á toppi 2. deildar
Krækjur frá Sauðárkróki tóku
þátt í keppni í 2. deildinni um
helgina og var spilað á
Neskaupstað. Krækjurnar, sem
keppa undir merkjum Umf.
Hjalta, gerðu sér lítið fyrir og
unnu alla sex leiki sína 2-0 og
töpuðu því ekki einni hrinu á
mótinu.
Þær hófu leik snemma á
laugardagsmorgni með því að
vinna Þrótta Rc, síðan var það
HK H sem lá í valnum, þá lið
Fylkis og loks lið Ýmis B. Á
sunnudeginum spiluðu stelp-
urnar síðan við ÍK og HK G og
allt fór á sömu leið þar. Frábær
árangur. /ÓAB
Meistaraflokkur kvenna hjá Tindastóli spilaði
sinn fyrsta heimaleik í nokkur ár þegar þær
tóku á móti liði Grindavíkur í 1. deild kvenna í
Síkinu sl. laugardag. Leikurinn var lengstum
jafn og spennandi en þriðji leikhlutinn
reyndist heimastúlkum erfiður eftir að hafa
leitt mest allan fyrri hálfleik. Lokamínúturnar
voru þó æsispennandi því uppgjöf var aldrei
inni í myndinni hjá Stólastúlkum. Þær urðu þó
að sætta sig við tap á endanum, lokatölur
78-85 fyrir gestina.
Um 150 áhorfendur skelltu sér á leikinn og
þó úrslitin hafi vissulega verið vonbrigði eftir
spennandi leik, þá var fólk rígmontið með
stelpurnar sem sýndu hjarta og þrautsegju.
Sem fyrr segir er liðið reynslulítið, Stólarnir
hafa ekki verið með meistaraflokk kvenna í
þrjú ár, á meðan lið Grindavíkur var í efstu
deild á síðasta tímabili og kunna því til verka á
parketinu.
Tess var best á vellinum, fékk fáar villur að
þessu sinni og gat því spilað nánast allan
leikinn. Hún var með 34 stig, sex fráköst og sjö
stoðsendingar en hefði að ósekju oft mátt láta
boltann ganga betur en stelpurnar eru að
sjálfsögðu enn að læra að spila saman og þær
eiga bara eftir að verða betri. Þóranna Ósk átti
fínan leik og var með 16 stig og sex fráköst en
er sennilega ekki alveg sátt við vítin sín og
skrefin. Aðrir leikmenn fundu sig ekki í stiga-
skorinu en Rakel Rós spilaði hörkuvörn í
síðari hálfleik og þá virtust Grindavíkurstúlkur
eiga í meiri vandræðum í sókninni þegar
Kristín Halla var inn á, en hún var hins vegar
ansi snögg að næla sér í fimm villur. Lið
Tindastóls vann þrjá leikhluta af fjórum en sá
leikhluti tapaðist stórt, 14-29.
Næst fá stelpurnar lið ÍR í heimsókn í Síkið
og verður sá leikur 27. október. /ÓAB
Baráttan í algleymingi. MYND: HJALTI ÁRNA
1. deild kvenna : Tindastóll – Grindavík 78-85
Grindavíkurstúlkurnar reyndust
sterkari á síðustu metrunum
Birnur kampakátar um helgina. MYNDIR AF FB-SÍÐU KORMÁKS – BLAKS
Geysis-bikarinn í körfubolta
Stólarnir mæta
Sandgerðingum syðra
Síðastliðinn mánudag var
dregið í fyrstu umferð
bikarkkeppni KKÍ og við sama
tilefni var kynnt nýtt nafn
keppninnar en Geysir bílaleiga
er nýr samstarfsaðili KKÍ og
ber bikarkeppnin því nafnið
Geysis-bikarinn næstu tvö
árin.
Á heimasíðu KKÍ segir að 29
lið hafi verið skráð til leiks í ár
í bikarkeppni KKÍ í flokki
meistaraflokka karla. Alls var
dregið í 13 viðureignir hjá
körlunum að þessu sinni (26 lið)
og því þrjú lið sem sitja hjá í
þessari umferð.
Ríkjandi bikarmeistarar, lið
Tindastóls, dróst á móti liði
Reynis í Sandgerði sem leikur í
2. deildinni. Ekki er enn ljóst
hvenær leikirnir í Geysis-
bikarnum fara fram.
Þegar ljóst er hvaða lið
komast áfram ásamt þeim liðum
sem sitja yfir að þessu sinni,
verður dregið í 16 liða úrslit hjá
bæði körlum og konum. /ÓAB
Dominos-deildin : Valur – Tindastóll 73–93
Valsmenn ekki mikil fyrirstaða
Tindastólsmenn skutust suður sl. fimmtu-
dag og léku við lið Vals í annarri umferð
Dominos-deildarinnar. Stólarnir tóku
snemma forystuna og unnu að lokum auð-
veldan sigur en það var í þriðja leikhluta
sem strákarnir léku öldungis prýðilega og
skildu Valsarana eftir í spólrykinu.
Lokatölur 73-93.
Nokkuð jafnræði var með liðunum í fyrri
hálfleik en Stólarnir tóku af og ril rispur sem
Valsmenn náðu síðan að massa niður en í
hálfleik var staðan 42-49.
Heldur hægðist á stigaskorinu í þriðja
leikhluta og Tindastólsmenn náðu að poppa
upp góðri vörn. Valsmenn reyndu ítrekað
frekar hæpin skot sem klikkuðu oftar en ekki.
Sóknarleikur Tindastóls gekk lítið betur
framan af leikhlutanum en síðustu þrjár
mínúturnar small allt saman. Sérstaklega var
Brynjar Þór að spila vel, var að sjálfsögðu
eitraður utan 3ja stiga línunnar og þá spilaði
hann félaga sína frábærlega uppi hvað eftir
annað og endaði leikinn með ellefu stoð-
sendingar. Fyrir lokafjórðung stóð 52-69 en
Stólarnir keyrðu síðan yfir heimamenn í upp-
hafi fjórða leikhluta þar sem Dino Butorac fór
á kostum. Lokatölur sem fyrr segir 73-93 fyrir
Tindastól.
Urald King var stigahæstur með 24 stig og
allt liðið átti ágætan leik.
Næsti heimaleikur Stólanna er annað kvöld
þegar lið Hauka mætir í Síkið. /ÓAB
Pétur og Raggi Nat stíga frákastadans. MYND: HJALTI ÁRNA
39/2018 5