Feykir - 17.10.2018, Blaðsíða 8
Heilir og sælir lesendur góðir.
Hið kunnan skáld og góði hagyrðingur,
Kristján N. Júlíus, Káinn, var vel þekktur
fyrir ljóð sín og lausavísur. Held að það hafi
verið í kringum 1920 sem hann gaf út lítið
ljóðakver sem bar nafnið Kviðlingar. Varð
það kver mjög vinsælt, þekkt er frásögn af
konu einni sem fékk það lánað hjá vinkonu
og fór að lesa eitt kvöld eftir að hún var
háttuð. Tókst þá ekki betur til en svo að hún
missti bókina og lenti hún í kopp sem var við
rúmstokkinn og hefur hann víst ekki verið
alveg tómur. Fór hún snarlega til skáldsins
og bað hann að selja sér eintak sem hún gæti
skilað til baka. Varð hann fúslega við því og
sendi eftirfarandi vísur með kverinu:
Komið var allt í kyrrð og ró
köll og sköllin dvína.
Undan kodda kona dró
„kviðlingana“ mína.
Þar með prýði las og lá
ljóð um blíðu sprundin.
Reyndist fríðu fljóði þá
fljót að líða stundin.
Þróttinn dvala- draumamók
dró úr mundum loppnum.
Datt á gólfið dýrmæt bók
og drukknaði í koppnum.
Hvað sem lærðir kenna menn
Káinn öllum segir.
Drottins vegir eru enn
órannsakanlegir.
Finn í drasli mínu næstu vísur sem
Guðmundur Guðmundsson er talinn
höfundur að og þar kallaður Húnvetningur.
Veit ekki fyrir víst hver hann er en þar yrkir
hann um erfið ástarmál.
Prettum slegið mjúklegt mál
manns oft beygir hjarta.
Þó að meyjar tryggð sé tál
tjáir ei að kvarta.
Áður bar mér auðnan þýð
ástríkari daga.
Það sem var á þinni tíð
það er farin saga.
Á þessum árstíma á vel við þessi vísa Helga
Zimsen og er vonandi að ósk hans rætist
fyrir okkur jarðarbörn.
Enn er miður október
oft þá forðum sleða kaus.
Vetur úti virðist mér
vera frekar getulaus.
Ein ágæt eftir Pétur Stefáns:
Aldrei skaltu öfund bera
þó öðrum hossi lukkan kær.
Það er alveg um að gera
að una því sem maður fær.
Ekki dylst okkur jarðarbörnum að komið er
haust, illveður víða um land er þessi þáttur
er í smíðum og hálka og lokun á fjallvegum.
Við eitthvert slíkt tækifæri mun Sigmundur
Benediktsson á Akranesi hafa ort svo:
Vísnaþáttur 721 Föl á svellin magnar meinmyndast hálka engu lík,tugir hafa brotið bein
á blankskónum í Reykjavík.
Ólafur Stefánsson vildi hressa Skaga-
manninn og orti:
Á þeim sér vart aur né gróm
ís nær ekki að baga.
Svífa um á sauðskinnsskóm
sómamenn á Skaga.
Frá Friðriki Steingríms ú Mývatnssveitinni
bárust þessi góðu ráð:
Hátískunnar heimska tóm
hygg ég marga felli,
gott er að vera á gúmískóm
þá gengið er á svelli.
Læknirinn Hjálmar Freysteinsson segir
fréttir af skrítnu ástarlífi í næstu limru.
Sólborg í Nesi átti syni
sína í tilraunaskyni,
eignaðist þá
alla þrjá
með erlendum pennavini.
Sá mikli grínisti Hjörleifur Hjartarson segir
sínar farir ekki sléttar í næstu limru.
Í nótt fékk ég sáðlát í svefni
þar synti margt höfðingjaefni.
Lögmenn og læknar
og leikkonur fræknar
þar fórust – svo fátt eitt ég nefni.
Mikil kátína varð hjá Friðriki í
Mývatnssveitinni þegar þessi sannleikur
varð opinber og þá fljótt blandað í limru.
Yfir því konan ei kvartar,
og kankvísa brosinu skartar,
því fáa það saki
þó farist í laki
glundrið úr Hjörleifi Hjartar.
Þegar rætt er um stanslausa fjölgun
ferðamanna yrkir Hallmundur Kristinsson:
Ofurþenslu eru mér
orsakirnar kunnar.
Ferðamenn sem fjölga sér
í faðmi náttúrunnar.
Ekki fer framhjá lesendum að kaldur
hausthljómur er í þessum þætti. Látum
Ingólf Ómar ljúka honum með þessum vel
gerðu haustvísum:
Hnígur sól í sævar djúp
sorti bólin þekur.
Skartar njóla héluhjúp
hrollinn gjólan vekur.
Gnauða vindar bliknar brá
blóm í skyndi falla.
Híma á rindum hrakin strá
hærast tindar fjalla.
Veriði þar með
sæl að sinni.
/ Guðmundur
Valtýsson
Eiríksstöðum,
541 Blönduósi
Sími 452 7154
( GUÐMUNDUR VALTÝSSON ) palli@feykir.is
Hvenær er rétti tíminn til
þess að hefja háskólanám?
Seinustu vikur hefur
háskólinn verið mjög
ofarlega í huga mér,
og hvort það hafi verið
góð hugmynd að hefja
háskólanámið á þeim tíma
sem að ég gerði. Var ég
tilbúin í það að takast á
við þá vinnu og það álag
sem fylgir háskólanum? Til
að byrja með var ég það
og hafði fullan metnað og
fulla einbeitingu til þess að
vinna í þessu.
Það þarf ekki mikið til
þess að þetta breytist og
smá áföll í lífinu geta haft
stór áhrif á getu og vilja til
þess að læra, sama hversu
mikill áhugi er fyrir því sem
maður er að læra. Um leið
og viljinn er farinn er ekki
auðvelt að koma sér aftur
af stað. Ein til tvær vikur
aftur úr og þá getur allt
námið verið farið í vaskinn.
Þó eru sumir sem geta náð
að koma sér aftur á réttan
stað og ná að halda sér
þar. En í mínu tilfelli var
það ekki svo auðvelt. Viljinn
var farinn. Metnaðurinn var
orðin enginn.
Þegar það er tilfellið
fer maður oft að velta
spurningunni fyrir sér;
„Byrjaði ég áður en ég
var tilbúin að takast á
við þetta?" Ég ákvað að
reyna að halda áfram og
náði að klára fyrstu tvær
annirnar. En við það að
klára kom námsleiðinn
enn á ný hjá mér, sem ég
hafði verið að berjast við
í framhaldsskóla. Og þar
sem háskólinn er byrjaður
aftur hoppar námsleiðinn
strax upp og enn á ný
koma spurningarnar upp.
Fyrir mig er best að finna
eitthvað til þess að hreinsa
hugann og reyna að takast
á við námið, einn dag í
einu.
Best er að muna að þetta
er hlutur sem þú valdir
sjálf! Þetta er hlutur sem
þú hefur áhuga á! Þó upp
komi sú staða að viljinn sé
ekki það sterkur að þú getir
tekist á við fullan skóla,
taktu þá bara færri áfanga.
Það er eingin skömm í því
að taka lengri tíma í námið.
Þetta mun allt hafast á
endanum!
- - - - -
Ég skora á Ólöfu Rún að
vera næsti penni.
ÁSKORENDAPENNINN
Árný Dögg Kristjánsdóttir Austur-Húnavatnssýslu
Háskólinn: Já eða nei?
UMSJÓN
Páll Friðriksson
Árný Dögg. MYND AÐSEND
Ný bók frá Merkjalæk
Út í nóttina
Komin er út bókin Út í nótt-
ina eftir Sigurð H. Péturs-
son. Út í nóttina er spennu-
saga, 156 bls. sem gerist í
afskekktu héraði á Norður-
landi. Höfundur er dýra-
læknir og hefur búið og
starfað sem héraðsdýra-
læknir í Austur Húnavatns-
sýslu síðan 1973 og útgef-
andi er Bókaútgáfan
Merkjalæk sem er staðsett
í Svínadal í Austur-
Húnavatnssýslu.
Sagan gerist í afskekktu
héraði á Norðurlandi þar
sem Helga, 15 ára, fer af
stað úr skólanum í myrkri
og ætlar að ganga heim.
Þegar hún skilar sér ekki
heim upphefst mikil en
árangurslaus leit. Hvað varð
um Helgu?
Bókin verður til fyrir jól
í nokkrum bókabúðum
á Höfuðborgarsvæðinu
og á Norðurlandi vestra.
Auk þess má fá hana hjá
útgefanda. /PF
8 39/2018