Feykir - 24.10.2018, Blaðsíða 3

Heildarafli báta sem lönduðu á Norðurlandi
vestra í síðustu viku fór yfir eittþúsund tonn.
Það er á pari við vikuna þar áður.
Á Hvammstanga kom Harpa með rúm tvö
tonn, á Skagaströnd lönduðu 16 bátar 327
tonnum og á Sauðárkróki var landað tæpum
682 tonnum. Enginn bátur kom með afla í
Hofsóshöfn samkvæmt gögnum frá
Fiskistofu. /PF
Aflatölur 14. – 20. október 2018 á Norðurlandi vestra
Yfir 1000 tonn að landi
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Katrín GK - 266 LINA 12.399
Guðbjörg GK - 666 LINA 39.020
Lilja SH - 16 LINA 15.218
Sævík GK - 757 LINA 18.081
Daðey GK - 777 LINA 17.941
Óli á Stað GK - 99 LINA 37.001
Kristinn SH - 812 LINA 59.383
Hulda GK - 17 LINA 30.675
Ólafur Magnússon HU - 54 NET 2.983
Dúddi Gísla GK - 48 LINA 14.289
Magnús HU - 23 LINA 7.797
Blíðfari HU - 52 HAND 362
Auður HU - 94 LINA 1.961
Dagrún HU - 121 NET 348
Steinunn SF - 10 BOTN 54.156
Hamar SH - 224 LINA 15.443
Alls á Skagaströnd 327.057
SAUÐÁRKRÓKUR
Onni HU - 36 DRAG 13.321
Málmey SK - 1 BOTN 214.125
Sæfari HU - 212 LINA 1.736
Páll Jónsson GK - 7 LINA 94.288
Hafborg SK - 54 NET 5.059
Vinur SK - 22 HAND 846
Badda SK - 113 NET 2.691
Fjölnir GK - 157 LINA 78.836
Sighvatur GK - 57 LINA 73.309
Þorleifur EA - 88 DRAG 18.375
Drangey SK - 2 BOTN 188.060
Kristín GK - 457 LINA 5.386
Dagur SK - 17 RAEK 13.969
Samtals 681.865
HVAMMSTANGI
Harpa HU - 4 DRAG 2.168
Samtals 2.168
Hnjúkabyggð 33 I 540 Blönduósi I Sími 455 4700
Blönduósbær
w w w.blonduos. is
Starfskraftur óskast á skrifstofu Blönduósbæjar
Aðstoð við skipulags- og byggingarmál
Blönduósbær óskar eftir að ráða starfsmann á skrifstofu sveitarfélagsins.
Um er að ræða aðstoðmann/konu skipulags- og byggingarfulltrúa, auk annara
tilfallandi starfa á skrifstofu. Starfið er nýtt, og mun á næstu misserum ná til allra
sveitarfélaga í Austur - Húnavatnssýslu.
Vinnutími er frá kl. 8:00 - 16:00, og starfshlutfall er 70% - 100% eða eftir
samkomulagi. Viðkomandi þarf að hafa reynslu af skrifstofustörfum, góða
tölvukunnáttu og hæfni í mannlegum samskiptum auk áhuga/reynslu á þessu sviði.
Góð íslenskukunnátta og reynsla af skjalavörslu er kostur.
Ráðið verður sem allra fyrst eða eftir samkomulagi, og um framtíðarstarf
er að ræða.
Áhugasamir leyti nánari upplýsinga og sendi skriflega umsókn eða tölvupóst til
sveitarstjóra á netfangið: valdimar@blonduos.is fyrir 5. nóvember 2018.
Sjá einnig á www.blonduos.is
Frá Sauðárkrókshöfn. MYND: PF
Félag ferðaþjónustunnar á Norðurlandi
Sproti ársins er
Hótel Laugarbakki
Uppskeruhátíð ferðaþjónustunnar á Norðurlandi fór fram í
síðustu viku í Húnaþingi vestra og kemur fram í tilkynningu að
óhætt sé að segja að hún hafi verið frábær.
Venju samkvæmt voru þrjár viðurkenningar veittar, Sproti
ársins, Fyrirtæki ársins og viðurkenning fyrir störf í þágu
ferðaþjónustunnar.
Viðurkenningin Fyrirtæki ársins er veitt fyrirtæki sem er búið að
slíta barnsskónum og hefur skapað sér sterka stöðu á markaði.
Fyrirtæki ársins kom í hlut Hotel Natur á Þórisstöðum á
Svalbarðsströnd.
Sprota ársins er veitt ungu fyrirtæki sem hefur skapað
eftirtektarverða nýjung í ferðaþjónustu á Norðurlandi. Það fyrirtæki
sem áskotnaðist verðlaunin í ár er Hótel Laugarbakki.
Svanhildur Pálsdóttir ferðaþjónustufrömuður og fyrrverandi
hótelstýra í Varmahlíð hlaut sérstaka viðurkenningu fyrir Störf í
þágu ferðaþjónustu á Norðurlandi þar sem hún hefur haft góð áhrif
á ferðaþjónustu á Norðurlandi í heild sinni og hefur starfað beint eða
óbeint fyrir ferðaþjónustu á svæðinu. /PF
Viðurkenningin Sproti ársins er veitt ungu fyrirtæki sem hefur skapað eftirtektarverða
nýjung í ferðaþjónustu á Norðurlandi. Það fyrirtæki sem fær verðlaunin í ár er Hótel
Laugarbakki. AÐSEND MYND.
Haustþing SSNV
Þorleifur Karl nýr
formaður stjórnar
Annað haustþing SSNV var haldið 19. október á Blönduósi en
þar var m.a. kosin ný stjórn samtakanna. Hana skipa Þorleifur
Karl Eggertsson, formaður, Húnaþingi vestra; Stefán Vagn
Stefánsson, Sveitarfélaginu Skagafirði; Álfhildur Leifsdóttir,
Sveitarfélaginu Skagafirði; Valdimar O. Hermannsson,
Blönduósbæ og Ragnhildur Haraldsdóttir, Húnavatnshreppi.
Varamenn eru: Ingveldur Ása Konráðsdóttir, Húnaþingi
vestra; Sigurlaug Vordís Eysteinsdóttir, Sveitarfélaginu Skagafirði;
Gunnsteinn Björnsson, Sveitarfélaginu Skagafirði; Dagný Rósa
Úlfarsdóttir, Skagabyggð og Halldór G. Ólafsson, Sveitarfélaginu
Skagaströnd. /PF
Á myndinni má sjá nýja stjórn, þau Stefán Vagn, Þorleif Karl, Sigurlaugu Vordísi,
varamann Álfhildar Leifsdóttur sem var fjarverandi, Ragnhildi og Valdimar O.
MYND AF HEIMASÍÐU SSNV.
Grunnskóli Húnaþings vestra
Fyrsti símalausi dagurinn tókst vel
Fimmtudaginn í liðinni viku
var fyrsti símalausi dagurinn
í Grunnskóla Húnaþings
vestra og tókst hann vel
eftir því sem kemur fram
á heimasíðu skólans. Þar
segir að greinilegt hafi verið
í samtölum við nemendur
og í fasi þeirra að þessi
breyting reynist sumum
erfið enda margir vanir
að skilja símann aldrei við
sig en tekið er fram að
nemendur eigi hrós skilið
fyrir góðar undirtektir.

Ekki þurfti að minna marga
nemendur á að síminn
ætti ekki að vera uppi við
í skólanum og tóku þeir
þeim ábendingum vel. „Það
kemur okkur í skólanum
ekki á óvart að nemendur
standa sig vel, en munum
að starfsfólk skólans og
foreldrar þurfa að styðja við
þá nemendur sem reynist
þetta hvað erfiðast vegna
vanans og rútínunnar,“ segir
á heimasíðu skólans. /PF
40/2018 3