Feykir - 31.10.2018, Blaðsíða 2

Það hefur löngum verið þannig að drengir hafa verið
aldir upp við það að vera sterkir jafnt líkamlega sem
andlega. Það þykir ekki beint til fyrirmyndar að láta sjá
sig með augun full af tárum, með blautar kinnar og
titrandi vör. Það er ekki karlmennska.

Ég hef reynt í gegnum tíðina að
feta þessa karlmennskuslóð, að
sýna ekki af mér þá linkind að
tárast yfir smámunum. Ég gæti
talið upp einhver atriði sem
hæglega hefði verið hægt að
brynna músum yfir, einhverju
sem mér hefur sárnað yfir, missi
einhverra hluta eða veraldlegra
eigna en þá bitið á jaxlinn og sagt
að svona væri þetta bara og ekki
þýði að grenja yfir hlutunum.
En ég komst að því um helgina að ég er algjör grenjuskjóða.
Við fjölskyldan fórum í menningarreisu til Reykjavíkur og
ég held að ég hafi verið með tárvot augun allan tímann.
Kannski er ég að ýkja aðeins en við fórum í bíó og leikhús
og það var ekkert grín fyrir mig. Það sem fáir vita er að ég
græt svo sem alltaf í leikhúsi og tárast oft yfir bíómyndum.
Við sáum myndina A Star Is Born með Bradley Cooper og
Lady Gaga og það var bara ekkert annað en það að allt í
einu fann ég tár leka niður kinnina á mér. Ég þurrkaði það
svo lítið bar á og vonaðist til að enginn tæki eftir því. Veit
ekki hvort það tókst. Frábær mynd sem hreyfði við mér á
einhvern hátt.
Sunnudagskvöldið var þó öllu erfiðara. Þá sáum við
sýninguna um Ellý Vilhjálms í Borgarleikhúsinu. Þetta er
alveg stórkostleg sýning, frábær leikur og öll umgjörð til
fyrirmyndar. Þarna sá ég að ég vissi ekkert um líf þessarar
frábæru söngkonu sem hefur þurft að fórna miklu fyrir
listina og lífið ekki alltaf dans á rósum þrátt fyrir
glansmyndina.
Það var mikið hlegið og ekki síður grátið. Og ég grét yfir
örlögum ókunnugs fólks. Karlmennskan vék fyrir
tilfinningum sem ég réð ekki yfir svo ég verð bara að gera
játningu: Karlmenn eru líka tilfinningaverur.
Páll Friðriksson,
ritstjóri
LEIÐARI
Geta pabbar grátið?
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Ágæt aflabrögð voru í síðustu viku og nam
heildarafli vikunnar á Norðurlandi vestra
1.301.840 kílói.
Alls bárust tæp 405 tonn að landi á
Skagaströnd þar sem 16 skip og bátar
lönduðu. Á Sauðárkróki lönduðu tólf skip og
bátar og var samanlagður afli þeirra um 890
tonn. Á Hvammstanga landaði Harpa HU
fimm og hálfu tonni en engir bátar lönduðu
á Hofsósi að þessu sinni. /FE
Aflatölur 21. – 27. okt. 2018 á Norðurlandi vestra
Heildaraflinn rúm 1300 tonn
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HVAMMSTANGI
Harpa HU 4 Dragnót 5.514
Alls á Hvammstanga 5.514
SKAGASTRÖND
Auður HU 94 Landbeitt lína 5.402
Daðey GK 777 Lína 16.908
Dagrún HU 121 Þorskfiskinet 2.480
Dúddi Gísla GK 48 Lína 12.942
Guðbjörg GK 666 Lína 34.504
Hafrún HU 12 Dragnót 5.091
Hulda GK 17 Lína 24.360
Katrín GK 266 Landbeitt lína 4.564
Kristinn SH 812 Landbeitt lína 54.913
Lilja SH 16 Lína 14.347
Magnús HU 23 Landbeitt lína 6.008
Ólafur Magnússon HU 54 Þorskfiskinet 3.011
Óli á Stað GK 99 Lína 35.060
Steinunn SF 10 Botnvarpa 136.809
Særif SH 25 Lína 45.515
Sævík GK 757 Lína 2.863
Alls á Skagaströnd 404.777
SAUÐÁRKRÓKUR
Badda SK 113 Þorskfiskinet 1.213
Dagur SK 17 Rækjuvarpa 9.930
Drangey SK 2 Botnvarpa 207.426
Fjölnir GK 157 Lína 83.864
Jóhanna Gísladóttir GK 557 Lína 75.143
Kristín GK 457 Lína 81.375
Málmey SK 1 Botnvarpa 199.976
Onni HU 36 Dragnót 14.123
Páll Jónsson GK 7 Lína 98.294
Sighvatur GK 57 Lína 86.232
Sæfari HU 212 Lína 4.735
Þorleifur EA 88 Dragnót 29.238
Alls á Sauðárkróki 891.549
Upplýsingamiðstöð ferðamála í A-Hún
Komur gesta sumarið 2018
Teknar hafa verið saman tölur yfir komur
gesta á Upplýsingamiðstöð ferðamála í
A-Hún frá 1. júní til 15. september en alls voru
taldir 3693 gestir. Á sama tímabili í fyrra voru
taldir gestir 755 í húsnæði Héraðsbókasafns
Austur Húnavatnssýslu en eins og flestir vita
þá var upplýsingamiðstöðin opnuð á nýjum
stað í apríl síðastliðnum á Aðalgötu 8 í Gamla
bænum á Blönduósi.

Frá opnun hafa 4740 gestir alls verið taldir
og hafa Bandaríkjamenn verið ráðandi
þetta árið en í fyrra voru Þjóðverjar flestir,
aldursskiptingin er svipuð en lítill munur er
á gestum á aldrinum 25-45 ára og 45-60 ára
sem eru þó aðeins fleiri. Komutími gesta var
nokkuð jafn en rólegra var frá opnun til kl 10
en á öðrum tímum dags.
Upplýsingamiðstöð ferðamála í A-Hún
verður opin í vetur flesta daga vikunnar, á
þriðjudögum-föstudaga verður opið frá kl.
10-17 og á laugardögum frá kl. 12-15, lokað
verður á sunnudögum og mánudögum.
/Fréttatilkynning
Á heimasíðu UMF Tindastóls segir að
undanfarna mánuði hafi verið í gangi vinna
við stofnun unglingráðs og skilgreiningu
verkefna þess hjá knattspyrnudeildinni og
hafa þau Íris Ósk Elefsen og Guðmundur
Helgi Gíslason verið fengin til starfa.
„Unglingaráð hefur ekki verið starfandi í
deildinni um þó nokkurt skeið en varla þarf
að taka fram mikilvægi þess að hafa slíkt ráð
starfandi enda stefna knattspyrnudeildar
að hlúa vel að barna- og unglingastarfi
deildarinnar. Á foreldrafundum haustsins
verða skipuð foreldraráð í hverjum yngri
flokki fyrir sig og munu þau ráð fyrst og
fremst hafa samskipti við unglingaráð,
sem hefur forystu í málefnum yngri
flokka. Í náinni framtíð er svo stefnt að
fullum aðskilnaði á fjárhag meistaraflokka
annarsvegar og yngri flokka hins vegar,“
segir á Tindastóll.is.
/PF
Knattspyrnudeild Tindastóls
Unglingaráð
sett á laggirnar
Samtök sveitarfélaga á Norðurlandi vestra
Skipar samgöngu-
og innviðanefnd
Á haustþingi Samtaka sveitarfélaga á
Norðurlandi vestra, SSNV, sem haldið
var á Blönduósi 19. október sl. var skipuð
samgöngu- og innviðanefnd í framhaldi af
samþykkt 25. ársþings SSNV.
Nefndinni er ætlað að vinna að upplýs-
ingaöflun vegna samgönguáætlunar SSNV
með starfsmönnum samtakanna en að því er
segir á vef SSNV er „ítarleg upplýsingaöflun
og greining á þáttum er varða samgöngu-
og innviðamál grundvöllur þess að setja
megi saman raunhæfar áætlanir um upp-
byggingu samgöngumannvirkja og annarra
innviða í landshlutanum.“
Nefndin er skipuð einum fulltrúa frá
hverju aðildarsveitarfélagi samtakanna.
Framkvæmdastjóri mun starfa með
nefndinni og aðrir starfsmenn samtakanna
eftir atvikum.
Sjá nánar á Feykir.is. /FE
2 41/2018