Feykir - 31.10.2018, Blaðsíða 4

Frá Grænlandi í Skagafjörð
Dansverkið FUBAR
í Bifröst á fimmtudag
Dansverkið FUBAR verður
sýnt í Bifröst á Sauðárkróki
nk. fimmtudag, 1. nóvember,
klukkan 18:00. Höfundur
verksins og aðaldansari er
Sigríður Soffía Níelsdóttir,
Sigga Soffía, en verkið er
unnið í samstafi við Jónas Sen,
tónskáld og gagnrýnanda, sem
kemur einnig fram í verkinu
sem dansari. Hann opnar verkið
FUBAR með tai chi líkum dansi
auk þess að semja tónlistina og
spila á flygil í verkinu.
Sigríður Soffía og Jónas Sen eru
ný komin heim frá Grænlandi
þar sem þau sýndu verkið á
vegum Outervision danshátíð-
arinnar í Nuuk. Tveir íslenskir
hópar sýndu á festivalinu,
FUBAR og CLOAK eftir Sögu
Sigurðardóttur. Þetta var 27.
sýningin á FUBAR en verkið
hefur verið sýnt víða hérlendis á
síðustu tveimur árum og fengið
frábærar viðtökur gagnrýnenda
og hlaut það tvær tilnefningar til
Grímuverðlauna árið 2016 þegar
verkið var frumsýnt, Jónas Sen
fyrir tónlist ársins og Sigga Soffía
sem dansari ársins.
FUBAR er á ferð hér fyrir
norðan á vegum verkefnisins List
fyrir alla sem ætlað er að velja og
miðla listviðburðum til barna og
ungmenna um land allt og jafna
þannig aðgengi barna á grunn-
skólaaldri að fjölbreyttum og
vönduðum listviðburðum, óháð
búsetu og efnahag. Höfuðáhersla
er lögð á list fyrir börn og list
með börnum og stefnt að því að
á tíu ára grunnskólagöngu veiti
verkefnið börnum góða yfirsýn
yfir vettvang lista. Hægt er að
kynna sér verkefnið betur á
heimasíðunni List fyrir alla.
Sigga Soffía kennir dans-
smiðjur í grunnskólunum í
Skagafirði í vikunni en List fyrir
alla býður svo 8.-10. bekk
grunnskólanna að sjá danssýn-
inguna FUBAR í lok vikunnar.
Tvær sýningar verða því á
verkinu, einkasýning fyrir
nemendur skólanna og opin
sýning fyrir almenning þann 1.
nóvember kl. 18:00 í Bifröst á
Sauðárkróki.
Nánar má lesa um verkið á
Facebook og heimasíðu List fyrir
alla. /FE
Er styrkur í þér?
UPPBYGGINGARSJÓÐUR
NORÐURLANDS VESTRA 2019
• Styrkir til atvinnuþróunar og nýsköpunar
• Verkefnastyrkir til menningarstarfs
• Stofn- og rekstrarstyrkir til menningarstarfs
RAFRÆN UMSÓKNARGÁTT
Smelltu á lógó Sóknaráætlunar á heimasíðu SSNV:
www.ssnv.is
AÐSTOÐ OG UPPLÝSINGAR
Allar nánari upplýsingar og aðstoð veita
starfsmenn SSNV atvinnuþróunar
UMSÓKNARFRESTUR
TIL KL. 16:00 22. NÓVEMBER 2018N
ÝP
RE
N
T
eh
f.
/
1
02
0
18
Úr dansverkinu FUBAR. AÐSEND MYND
Forvarnir gegn sykursýki
Lionsklúbbarnir
bjóða til fræðslufundar
Undanfarin ár hafa Lions-
klúbbarnir á Sauðárkróki,
Lionsklúbburinn Björk og
Lionsklúbbur Sauðárkróks,
boðið fólki upp á blóðsykurs-
mælingar á þessum tíma árs
en baráttan við sykursýki er
eitt af baráttumálum Lions-
hreyfingarinnar og hefur hún
beitt sér á þeim vettvangi á
ýmsan hátt.
Að þessu sinni ætla Lions-
klúbbarnir á Sauðárkróki að
bjóða íbúum Skagafjarðar, og
öllum þeim sem koma vilja, upp
á almenna fræðslu um sykur-
sýki. Fundurinn verður haldinn
mánudaginn 5. nóvember nk.
klukkan 20:00 í matsal Árskóla
á Sauðárkróki. Aðgangur er
ókeypis.
Það eru þær Sunna Björk
Björnsdóttir, sérnámslæknir í
heimilislækningum, og Margrét
Aðalsteinsdóttir, hjúkrunar-
fræðingur, sem annast fræðsl-
una og eins og áður segir eru
allir velkomnir. /FE
Rjúpnatímabilið hafið
Aflinn hvarf um nóttina
Guðbrandur Ægir Ásbjörns-
son á Sauðárkróki varð fyrir
miklum vonbrigðum er
hann leit út sl. laugardag og
uppgötvaði að rjúpurnar tvær
sem hann veiddi daginn áður
voru horfnar en þær héngu á
grein í einu trénu í garðinum
hjá honum. Þar sem engin
ummerki voru taldi hann að
einhver bíræfinn þjófur, sem
vantaði í jólamatinn, hefði
verið að verki eða þá einhver
paur á leiðinni heim af barnum
um nóttina og fundist hann
vera fyndinn.

Deildi Ægir reynslu sinni á
Fésbók og urðu margir reiðir
fyrir hans hönd og gáttaðir á
hvernig komið væri fyrir
mannkyninu að leggjast svo
lágt að gera svona nokkuð. Það
liðu þó ekki margir klukku-
tímar þar til aflinn fannst, illa
farinn undir húskofa í garð-
inum og étinn að hálfu. Málið
er þá núna þannig statt að
köttur liggur helst undir grun.
Eftir áreiðanlegum heimildum
gengur hann enn laus.
Ægir segir málið allt hið
undarlegasta enda hafi hann
hengt rjúpur á greinina í mörg
ár með góðum árangri. Hann
lætur rjúpur hanga þar til
tölunni 40 er náð en hún er
fengin með meðalhitastigi
dagsins og fjölda daga. Sem
dæmi ætti rjúpa sem hangir í
fimm gráðu hita að vera til-
búin til frystingar eftir átta
daga. „Það virðist vera nokkuð
mikið af fugli þannig að maður
ætti að ná í jólamatinn, þrátt
fyrir skakkaföllin,“ segir hann
og getur ekki annað en brosað
yfir málalokum. /PF
Guðbrandur Ægir búinn að finna rjúpurnar sem hurfu sporlaust úr trénu. AÐSEND MYND
4 41/2018