Feykir - 31.10.2018, Blaðsíða 6

að hreyfa sig. Við fórum í
sónar hjá barnafæðingarlækni
og hún sagði, „já, hún er
greinilega að þreytast“ og ég
man að hún tók svona um
öxlina á mér og sagði: „Jæja,
það er komið að þessu,“ og
ég vissi nákvæmlega hvað hún
átti við en sagði samt: „Að
hverju?“ og hún svaraði: „Við
munum hitta stúlkuna ykkar
í dag.“
Það gekk eftir og Vala
Mist kom í heiminn kl. 14:14
fimmtudaginn 12. janúar eftir
37 vikna og tveggja daga með-
göngu. „Hún var alla vega
ekki fyrirburi,“ segir Valur, en
barn sem fæðist fyrir 37 vikna
meðgöngu telst vera fyrir-
buri. Vala Mist var heilar 11
merkur og hraustleg en vegna
hjartagallans var hún strax flutt
á vökudeild og segir Lilja að
henni hafi þótt mjög erfitt hve
lítið hún fékk að sjá hana áður.
Það var fljótt ljóst að
Vala Mist þyrfti að fara
í hjartaaðgerð til að eiga
lífslíkur og segir Lilja þetta
hafa verið erfiðan tíma. „Ég
varð hálf þunglynd og mér
fannst allt ömurlegt, ég skildi
ekki af hverju fólk var að óska
mér til hamingju með hana
af því að hún gæti bara dáið
og ég átti erfitt með að koma
Meðgangan gekk eðlilega
fyrir sig og það var á ósköp
venjulegum degi þann 21.
desember sem Lilja fór í
mæðraskoðun. Ætlunin var
bara rétt að skjótast í skoðun-
ina og koma svo heim með
bílinn þannig að Valur
kæmist í jólaklippinguna.
Þá er það sem ljósmóðirin
tekur eftir að hjarta fóstursins
slær á óeðlilegum hraða, 250
slög á mínútu en eðlilegur
hjartsláttur er milli 120 og
160 slög. Í framhaldi af nánari
skoðun fóru þau hjón svo til
Akureyrar en síst af öllu datt
þeim í hug að þau ættu ekki
eftir að koma heim fyrr en
fimm mánuðum síðar. Eftir
skoðun á Akureyri flaug Lilja
suður en Valur keyrði heim
og sótti dótturina og ýmislegt
til jólanna þar sem þau vissu
ekkert hve langan tíma þau
þyrftu að dvelja syðra.
Þegar suður var komið var
Lilja lögð inn á Kvennadeild
Landspítalans. „Það var hugs-
að alveg rosalega vel um okkur
þar,“ segir Lilja. „Það var þarna
barnahjartalæknir og ég fór, í
þrjár vikur, á hverjum einasta
degi í hjartaómun á barninu.
Mér finnst svo merkilegt
að þetta sé hægt, ég er bara
ólétt og það er hægt að skoða
hjartað í barninu og sýna
okkur eitthvað á skjánum,
þó ég sæi nú bara einhverjar
klessur.“ Tekin var ákvörðun
um að reyna að ná tökum á
hjartslætti barnsins með því að
gefa Lilju hjartalyf en það gekk
þó nokkuð brösulega fyrir sig.
„Þetta var bara ömurlegt, var
alltaf að rjúka upp og þetta var
rétt eins og rússnesk rúlletta
og ég var alltaf í monitor. Svo,
milli jóla og nýárs, tókst að ná
tökum á hjartslættinum og þá
tók við bið að reyna bara að
viðhalda því og leyfa henni að
vaxa og halda henni inni í mér
eins lengi og við gætum.“
„Við munum hitta
stúlkuna ykkar í dag“
Að morgni 12. janúar vaknar
Lilja svo upp og finnst hún
ekki verða vör við neinar
hreyfingar hjá fóstrinu svo
þau drífa sig upp á sjúkrahús,
en þarna voru þau komin í
íbúð á vegum Barnaspítalans.
„Ég fer í monitor þar og það
var hjartsláttur en hún var
voðalega löt og ekkert mikið
VIÐTAL
Fríða Eyjólfsdóttir
Í byrjun janúar á síðasta ári fæddist hjónunum Lilju Gunnlaugsdóttur og Vali
Valssyni lítil dóttir en fyrir áttu þau dótturina Ásrúnu sem þá var fimm ára gömul.
Lilja og Valur eru búsett í Áshildarholti, rétt við Sauðárkrók, þar sem þau hafa búið
sér sérlega fallegt heimili í gömlu húsi sem amma Lilju átti en það hafa þau gert
mikið upp og segja að það séu eiginlega bara veggirnir og sálin í húsinu sem eru
eftir. Þarna hafði litla fjölskyldan hugsað sér að halda sín jól, í desember árið 2016,
en stundum fara hlutirnir á annan veg en nokkurn gæti órað fyrir. Lilja og Valur
settust niður með blaðamanni og sögðu honum undan og ofan af því sem síðan
hefur dunið á í lífi fjölskyldunnar.
Fjölskyldan, Valur, Lilja, Vala Mist og Ásrún. MYNDIR ÚR EINKASAFNI
Ofurhetjan Vala Mist Valsdóttir
16 aðgerðir og 18
svæfingar á 21 mánuði
mér fram úr og vorkenndi
sjálfri mér alveg rosalega
mikið. Svo kemur Valur til
mín á föstudagsmorguninn
og sest upp í rúm hjá mér og
segir: „Lilja, við erum að fara
til Svíþjóðar á mánudaginn.“
Og það bara small eitthvað
inni í mér. „Já, ókey, þá þarf ég
að fara á fætur, ég verð að fara
með og Valur getur ekki verið
að bera mig og hana og ég þarf
að koma mér fram úr.“
Lilja og Valur rifja upp
að barnið hafi þurft að hafa
vegabréf til að fara milli
landa. Á sjúkrahúsið mætti
ljósmyndari en þar sem
reglur kveða á um að augu
fólks þurfi að vera opin á
myndum í vegabréfi hafi hann
verið búinn að taka allt að 50
myndir áður en loks náðist
mynd af Völu Mist með augun
opin. Einhverjum gæti þótt
þetta aukaatriði þegar um er
að ræða kornabarn á leið í
lífsnauðsynlega aðgerð. „En
hún er voða flott, myndin í
vegabréfinu,“ segja þau.
„En þarna um helgina
kom mikið af fólkinu okkar
að norðan og Ásrún kom og
sá okkur, sem betur fer af
því að svo vorum við bara að
fara út þegar Vala Mist var
fjögurra daga. En við vorum
alltaf með það í farteskinu
að við værum að fara út til
þess að vera þar í tvær vikur
til að láta laga ósæðabogann
sem kom í ljós að þyrfti eftir
að hún fæddist. Það var gert
þegar hún var viku gömul og
það þurfti svo að halda henni
sofandi í tvo daga því það varð
að halda bringunni opinni af
því að hjartað var svo þreytt
að það þurfti meira pláss til að
jafna sig eftir aðgerðina. Það
gekk allt mjög vel en svo þótti
læknunum svo skrítið að hún
var ekki meira vakandi þegar
deyfingin var að fara úr henni.
En þá vildi svo til að fyrir
aðgerðina var þarna nemi sem
var að taka röntgenmyndirnar
af henni og hann hafði aldrei
tekið röntgenmynd af höfði
á svona litlu barni þannig að
læknarnir spurðu okkur hvort
það væri í lagi að hann gerði
það, bara svona í leiðinni, það
var engin ástæða nema bara að
þetta var nemi. Sem betur fer
samþykktum við það því um
mánaðamótin var ákveðið að
taka aðra mynd af því að það
þótti svo skrítið að hún var
alltaf sofandi. Þá kom í ljós
víkkun á heilahólfunum og þá
höfðu þeir bara svart á hvítu
samanburðarmynd þar sem
þeir sáu að þau voru að stækka
6 41/2018