Feykir - 31.10.2018, Blaðsíða 12
Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
40
TBL
24. október 2018 38. árgangur
Frétta- og dægurmálablað á Norðurlandi vestra : Stofnað 1981
Opnun málverkasýningar í Lindabæ
Listsköpun lúinna handa
Síðastliðinn sunnudag var málverkasýningin Listsköp-
un lúinna handa opnuð í Búminjasafninu í Lindabæ.
Þar getur að líta myndir sem Rögnvaldur
Steinsson, bóndi á Hrauni á Skaga, málaði á efri
árum sínum ásamt ýmsu öðru handverki hans, s.s.
tálguðum skipum og bókbandi en sýninguna settu
synir hans upp í tilefni af 100 ára fæðingarafmæli
Rögnvaldar þann 3. október sl.
Ríflega 150 manns voru viðstaddir opnunina þar
sem tvö barnabörn Rögnvaldar, þau Sigvaldi Helgi
og Dagný Erla Gunnarsbörn fluttu tónlistaratriði,
lesið var úr bréfum Rögnvaldar, flutt stutt æviágrip
og fleira.
Það er sannarlega vert að líta við á þessari ágætu
sýningu sem verður opin fimmtudaginn 1. nóvember
frá kl. 10:00-21:00. /FE
Olís tekur við rekstri
Kaupfélags Skagfirðinga í Varmahlíð
frá og með 1. nóvember 2018
Kaupfélag Skagfirðinga
þakkar viðskiptavinum fyrir samstarfið
og viðskiptin í Varmahlíð
undanfarin ár.
Kaupfélag Skagfirðinga vill sérstaklega þakka
starfsmönnum í Varmahlíð fyrir samstarfið og óskar
þeim velfarnaðar hjá nýjum rekstraraðila.
Við hjá Olís hlökkum til að taka
á móti Skagfirðingum og verða hluti
af blómlegu mannlífi á svæðinu.
Í fyrra tók Olís við eldsneytissölunni og bætir nú við
rekstri verslunar- og veitingasölu undir merkjum
Grill 66 og Quiznos. Markmiðið er að bjóða áfram
góða þjónustu, gott vöruúrval og girnilegar veitingar
fyrir heimafólk jafnt sem fólk á ferðinni.
Framundan eru nú endurskipulagning og betrumbætur
á lóð og útisvæði. Verið velkomin á Olís Varmahlíð,
við tökum vel á móti ykkur!
Sýnishorn af handverki Rögnvaldar, bókband, málverk og fleira.
Leiðarvísir að
lífshamingju
Binni Rögnvalds með nýja rafplötu
Á haustmánuðum fékk Brynjar Páll Rögnvaldsson á
Sauðárkróki styrk frá Menningarsjóði KS til útgáfu á
plötu með frumsömdum lögum og textum. Hann þáði
styrkinn með þökkum og fór strax í það að vinna
plötuna sem nú er komin út og nefnist Leiðarvísir að
lífshamingju.
Binni, eins og hann er kallaður, notaði styrkinn
meðal annars til kaupa á upptökugræjum og til rafræns
útgefanda sem sér til þess að tónlist hans komist til
skila á allar helstu streymisveitur á netinu, Spotify,
Google Play, iTunes, Tidal og á fleiri staði.
„Ég vann plötuna, í fyrsta skipti á mínum ferli, alveg
aleinn og sá um allan hljóðfæraleik og söng, auk þess
að ég tók upp og hljóðblandaði plötuna, sem inniheldur
átta lög og texta eftir mig. Platan er aðgengileg á öllum
helstu streymisveitum á netinu og hægt er að fletta mér
upp á þeim til að hlusta á hana, en þar er einnig að
finna plötuna A little trip sem ég gaf út árið 2011 sem
innihélt sex lög eftir mig,“ segir Binni. /PFJóhann, Jón, Gunnar og Steinn Rögnvaldssynir ásamt móður sinni,
Guðlaugu Jóhannsdóttur.