Feykir - 07.11.2018, Qupperneq 2

Dagar ársins eru margir hverjir tileinkaðir ákveðnu
málefni sem okkur kann að þykja mismunandi merkileg.
Við könnumst flest við dag umhverfis, dag bókarinnar,
dag einhverfu, dag íslenskrar tungu og ótalmarga fleiri
sem helgaðir eru góðum
málefnum sem vert er að vekja
athygli á. Svo má líka nefna dag
hláturjóga, megrunarlausa
daginn og buxnalausa daginn.

Á morgun, 8. nóvember, er
dagur gegn einelti og er óhætt
að segja að þar sé sjónum beint
að mikilvægu málefni. Dagur-
inn er ár hvert helgaður barátt-
unni gegn einelti í samfélaginu
og eru skólar landsins sérstaklega hvattir til að taka höndum
saman í því augnamiði að efla og hvetja til jákvæðra
samskipta.
Það eru gömul sannindi og ný að einelti getur haft
grafalvarlegar afleiðingar fyrir þá sem fyrir því verða, og
ekki bara þá, heldur getur eineltið sett sitt mark á fjölskyldur
og heilu samfélögin eins og við höfum heyrt alltof mörg
dæmi um. Eineltismál eru vafalaust einhver erfiðustu mál
sem skólinn glímir við og lausn þeirra er sjaldnast einföld.
Foreldrar þolenda upplifa gjarnan reiði og vonleysi og oft
standa þeir sem eru í hlutverki gerenda höllum fæti á
einhvern hátt og hafa jafnvel orðið fyrir einelti sjálfir.
Skólar landsins hafa undanfarin ár unnið markvisst að
því að leitast við að koma í veg fyrir einelti með margvíslegum
hætti. Í Skagafirði hefur, um nokkurra ára skeið, verið
starfrækt verkefni sem kallast Vinaliðar og er markmið þess
að vinna gegn einelti með því að bjóða upp á jákvæða
afþreyingu á skólalóðinni í frímínútum. Þetta verkefni hefur
gefið afar góða raun og nú hafa fjölmargir skólar á landinu
innleitt þetta stórgóða verkefni.
En einelti er að sjálfsögðu ekki eingöngu bundið við
skólana því eins og á svo mörgum öðrum sviðum endur-
speglar skólasamfélagið bara það sem gerist utan veggja
skólans. Við heyrum alltof oft af einelti innan fyrirtækja og
stofnana, í íþróttastarfi og víðar. Sem betur fer er umræðan
um þessi mál að opnast og æ fleiri hafa öðlast kjark til að
stíga fram og segja frá, það krefst svo sannarlega hugrekkis.
Félagsmótun barna byrjar innan veggja heimilisins, því
má ekki gleyma. Verum öll samtaka í því að hvetja til
gagnkvæmrar virðingar í öllum samskiptum, ekki bara milli
ungmennanna okkar, heldur hvarvetna í samfélaginu – og
ekki bara á morgun, heldur alla daga ársins.
Fríða Eyjólfsdóttir,
blaðamaður
LEIÐARI
Gegn einelti
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Í síðastliðinni viku var rúmum 223 tonnum
landað á Skagaströnd af 17 bátum og var það
Guðbjörg GK sem var aflahæst með 34 tonn.
Á Sauðárkróki bárust 1.327 og hálft tonn
á land af ellefu skipum og bátum. Þangað
kom Silver Copenhagen með 638.500 kíló af
rækju en þar fyrir utan var það Málmeyjan
sem var aflahæst með 180 tonn. Á
Hvammstanga landaði Harpa HU 1.746
kílóum.
Heildarafli vikunnar á Norðurlandi vestra
var 1.552.680 kíló. /FE
Aflatölur 28. okt. – 3. nóv. 2018 á Norðurlandi vestra
17 bátar lönduðu á Skagaströnd
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HVAMMSTANGI
Harpa HU 4 Dragnót 1.746
Alls á Hvammstanga 1.746
SKAGASTRÖND
Auður HU 94 Landbeitt lína 2.448
Daðey GK 777 Lína 11.863
Dagrún HU 121 Þorskfiskinet 1.379
Dúddi Gísla GK 48 Lína 14.536
Fengsæll HU 56 Línutrekt 2.006
Guðbjörg GK 666 Lína 34.485
Guðmundur á Hópi HU 203 Lína 4.309
Hafrún HU 12 Dragnót 9.276
Hulda GK 17 Lína 26.547
Katrín GK 266 Landbeitt lína 1.339
Katrín GK 266 Lína 3.055
Kristinn SH 812 Landbeitt lína 25.721
Lilja SH 16 Lína 13.927
Magnús HU 23 Landbeitt lína 13.526
Óli á Stað GK 99 Lína 30.270
Særif SH 25 Lína 23.348
Sævík GK 757 Lína 5.358
Alls á Skagaströnd 223.393
SAUÐÁRKRÓKUR
Dagur SK 17 Rækjuvarpa 6.665
Drangey SK 2 Botnvarpa 124.430
Fjölnir GK 157 Lína 71.948
Jóhanna Gísladóttir GK 557 Lína 101.735
Kristín GK 457 Lína 69.433
Málmey SK 1 Botnvarpa 180.563
Onni HU 36 Dragnót 21.200
Sighvatur GK 57 Lína 78.252
Silver Copenhagen CY 999 Rækjuvarpa 638.500
Sæfari HU 212 Lína 6.397
Þorleifur EA 88 Dragnót 28.418
Alls á Sauðárkróki 1.327.541
Frá lesendum
Stórhættuleg hola á Flæðum
Lesandi hafði samband
við Feyki og vildi benda
á stórhættulegan hlut,
sem viðkomandi þótti
ástæða til að laga. Um er
að ræða stærðar holu við
gangstéttina, steinsnar frá
klukkunni við sundlaugina á
Sauðárkróki.

Holan, eða ræsið, gegnir
því hlutverki að taka við
leysingarvatni frá Flæðunum
en á brún gangstéttar er engin
aðvörun eða hindrun, þannig
að þarna er hægt að steypast
Eins og sést á meðfylgjandi mynd gæti
illa farið ef einhver hrasaði óvænt í
holuna. MYND: PF
niður, eins og bréfritari hefur
tvisvar orðið vitni að. Sem
betur fer urðu ekki meiðsli
á fólki í hvorugt skiptið.
Viðkomandi segir svo frá í
öðru tilfellinu að tvær konur
voru á gangi, hvor með sinn
barnavagninn. „Þær gengu
hlið við hlið, annar vagninn
var með hægri hjólin á
stéttarbrúninni og stundum
fyrir utan stéttina, en barnið
var það ungt og vel pakkað
inn að það rétt rumskaði,
þó að vagninn gossaði þarna
niður.“
Er Sveitarfélagið hvatt til
þess að kíkja á aðstæður og
lagfæra áður en slys hljótast
af. /PF
Nýbygging Byggðastofnunar
Tilboð opnuð
Nú stendur yfir undirbúningur vegna
fyrirhugaðrar nýbyggingar Byggðastofn-
unar að Sauðármýri 2 á Sauðárkróki. Bygg-
ingin mun verða 998 m2 á tveimur hæð-
um og með kjallara undir hluta hússins.
Stefnt er að því að byggingin verði vottuð
sem vistvænt mannvirki samkvæmt alþjóð-
lega vottunarkerfinu BREEAM. Verkinu skal
vera að fullu lokið 30. september 2019.
Nýlega voru tilboð í jarðvinnu vegna
byggingarinnar opnuð.
Tilboð við opnun voru eftirfarandi:
Vinnuvélar Símonar ehf. kr. 11.876.400.-
Karína ehf. kr. 12.730.650.-
Þórður Hansen ehf. kr. 16.539.275.-
Víðimelsbræður ehf. kr. 17.819.050.-
Fleiri tilboð bárust ekki. Kostnaðaráætlun
hljóðaði upp á kr. 38.557.000.- og tilboðin
því öll langt undir áætluðum kostnaði.
Tilboði Vinnuvéla Símonar ehf. hefur verið
tekið samkvæmt heimasíðu FSR. /FE
Blönduós
Úrbóta er þörf á Skjólinu
Húsnæði Skjólsins, félagsmiðstöðvarinnar á
Blönduósi, er ábótavant að mati menningar-,
tómstunda- og íþróttanefndar Blönduósbæjar
og skólastjórnenda Blönduskóla. Mikill áhugi er á
að félagsmiðstöðin fari á nýjan stað sem feli í sér
fleiri notkunarmöguleika fyrir samfélagið í heild,
samanber frístundahús. Þá sé nauðsynlegt að
aðgengi fyrir hreyfihamlaða einstaklinga sé í lagi.
Málefni Skjólsins voru til umræðu á fundi
menningar-, tómstunda- og íþróttanefndar
Blönduósbæjar í gær og mættu skólastjórnendur
Blönduskóla á fundinn. Að mati nefndarinnar
er núverandi húsnæði verulega óhentugt
og þarfnast mikilla lagfæringa til að vera í
góðu standi. Þá sé félagsmiðstöðin staðsett í
sama húsi og Félagsheimili bæjarins sem hafi
skemmtanaleyfi og starfsemin fari ekki saman.
Nefndin vill að aðstaða barna og unglinga
verði bætt til muna í félagsmiðstöðinni með
tilliti til forvarnargildis og í góðu samstarfi við
hagsmunaaðila. /HÚNI.IS
2 42/2018