Feykir - 14.11.2018, Blaðsíða 6
Föstudagur 31. ágúst 2018
Við vöknuðum um klukkan átta og litum til veðurs,
sem var sæmilegt. Framan við húsið voru kindur á
beit. Greinilegt að hver blettur er nýttur til beitar í
Færeyjum. Eftir ágætan og fjölbreyttan morgunverð
á Gras veitingastofu hótelsins var lagt af stað um
klukkan tíu og ekið að SMS–vöruhúsi í Þórshöfn.
Fólk gekk um hús þetta en verslaði lítið enda
verðlag frekar hátt. Gengið var svo um götur og litið
inn í búðir og veitingahús.
Ráðhúsið í Þórshöfn.
Við höfnina komum við að fiskmarkaði, þar sem
þorskur, ýsa, fugl, siginn fiskur o.fl. var selt. Sveinn
beið eftir okkur á bryggjunni, þar sem Norræna
leggur að og þaðan fórum við um klukkan 13:00.
Á leið frá Þórshöfn var ekið fram hjá 19 vindmyllum
og húsi, þar sem verið er að gera tilraunir með geymslu
á rafmagni frá Vindmyllunum. Um 30% af rafmagni
í Færeyjum er framleitt með vindmyllum. Við ókum
Eggjarveg norður Straumey frá Þórshöfn og sáum
niður í Kaldbaksfjörð. Þar er gömul herstöð frá NATÓ.
Lítið er um möl í Færeyjum svo mest af henni er unnið
úr klöppum í Grjótavirki, sem er náma í Kollafirði.
Lítið vatn var í lækjunum enda sól og blíða. Stansað
var í veitingastað í Kollafirði til að fá sér hressingu. Úr
Kollafirði ókum við í gegnum stutt jarðgöng og síðan
um fjögurra kílómetra löng göng undir sjó til Vogeyjar.
Þar komum við fyrst að Sandavogi, sem er vinabær
Fjarðabyggðar. Ókum þar í gegn að Miðvogi og síðan
fram hjá flugvellinum að Sörvogi, sem er útgerðarbær
og er þar stunduð fiskvinnsla.
Tindhólmur.
Tindhólmur kemur í ljós, er út fyrir Sörvog kemur.
Næst komum við í Gásadal eftir að hafa ekið um stutt
jarðgöng.
Gásadalur.
Í Gásadal komum við í verslun, þar sem höndlað
er með vörur úr skinnum og minjagripi. Þar ræddi
ég við Gísla Jónsson Hraunfjörð (f. 1963). Hann er
áhugamaður um kenningar Nýalssinna og ég sagði
honum af samskiptum okkar Halldórs Kristjánsson-
ar á Skerðingsstöðum í Reykhólasveit.
Kaffihús er rekið á sumrin í Gásadal en þegar
haustar er allt tilheyrandi veitingarekstri fjarlægt og
húsnæðið notað sem sláturhús. Í Gásadal heyrist í
RÚV frá Eiðum. Flugvöllurinn er á Vogey, gamall
herflugvöllur, sem hefur verið byggður upp og lengdur
í báða enda. Að þessu loknu var ekið til Straumeyjar
og norður til Vestmanna, sem er útgerðarbær. Þar
eru tvær vatnsaflsvirkjanir. Við bryggju lá danskt
varðskip.
Höfnin í Vestmanna. Varðskip við bryggju og ef vel er að gáð sjást
vatnsrörin, sem flytja virkjununum vatnið.
Við vorum um klukkan fimm í Vestmanna og þá fór
að rigna en þurrt hafði verið yfir daginn en sólarlaust.
Áður en farið var frá Vestmanna var komið við í
sjoppu til aftöppunar eins og Sveinn bílstjóri orðaði
það. Íbúar í Vestmanna eru 1232. Í bakaleiðinni
var ekið í gegnum jarðgöng á milli Kollafjarðar
og Kaldbaksfjarðar og síðan með ströndinni til
Þórshafnar. Að hótelinu komum við um klukkan
18:00 í mikilli rigningu svo varla var fært á milli húsa.
Laugardagur 1. september
Morgunverður var fram borinn frá klukkan sjö til tíu
og síðan lagt í hann eftir að Sveinn hafði gert grein
fyrir ferðaáætlun dagsins. Ekinn var Eggjavegur,
fram hjá vindmyllunum 19, NATÓ stöðinni til
Kollafjarðar en þar við veginn er Grjótavirkið. Um
Ferðasaga rituð af Sigtryggi Jóni Björnssyni frá Framnesi :: SÍÐARI HLUTI
Færeyjaferð Félags
eldri borgara í Skagafirði
Miðvikudagurinn 29. ágúst til og með þriðjudeginum 4. september 2018
5% af möl, sem notuð er í Færeyjum er dælt úr sjó
annað er malað í Grjótavirkinu. Nú ókum við framhjá
Effo búðinni, beygðum þar til hægri og fórum næst
fram hjá tilraunastöð landbúnaðarins í Færeyjum
og áfram austur með Kollafirðinum að norðan. Að
mati Færeyinga eru Kollfirðingar líkir Þingeyingum.
Í Kollafirði eru hús reisuleg, standa í röðum með
ströndinni. Ekið var áfram meðfram Sundini til
Húsavíkur. Þar reyndi Eiríkur Óafur Þorvaldsson að
koma á fót sláturhúsi en bændur vildu ekki lóga hjá
honum og héldu áfram heimaslátrun. Ekið var um
Hvalvík og yfir brúna á Streymi til Eyrarbakka og
komið við í Magn vegasjoppu. Brúin yfir Streymi var
byggð 1973.
Frá Eyrarbakka var ekið norður að Eiði. Þar búa
tæplega 700 manns. Sveinn lagði bílnum framan við
kirkjuna, sem byggð var 1881.
Kirkjan á Eiði.
Margir fóru í búð, sem heitir Samkaup. Norðan við
Eiði er Eiðskollur og við hann standa klettadrang-
arnir, Risinn og Kerlingin. Sagan segir að þau hafi
ætlað að draga Færeyjar til Íslands en togið slitnað og
sólin komið upp svo þau urðu að steini.
Á leiðinni frá Eiði til Gjögv var margt af sauðfé og
þar er miðlunarlón fyrir virkjun. Vegurinn liggur með-
fram Slættartindi, sem er 882 m hár og er hann hæsta
fjall í Færeyjum. Gata liggur upp á fjallið og var fólk
að ganga upp, þegar við ókum hjá. Á leiðinni til Gjögv
sáum við niður á þorpið Finnung við Finnungsfjörð.
Hótel Gjávargarður.
Páll Sigurð Cristansen á heilsubótargöngu.
Í Gjögv borðuðum við súpu á Hótel Gjáfargarði
í boði Tanna Trawel og skoðuðum Gjána, sem er
gömul bátalending, sem stigi liggur niður í með 69
tröppum einnig er járnbraut niður í Gjána fyrir lítinn
sporvagnn.
6 43/2018