Feykir - 21.11.2018, Side 8

Guðný Hrund Karlsdóttir,
sveitarstjóri í Húnaþingi
vestra, skoraði á mig og
auðvitað hlýði ég því kalli.
Ég hóf nám við
Endurmenntun Háskóla
Íslands núna í haust og er að
taka þar fjölskyldumeðferð. Í því námi erum við að skoða
okkur svolítið sjálf og eru
nemendur að læra hver af
öðrum með því að deila
sögum og reynslu.
Eitt verkefni sem við vorum
að gera núna í nóvember
er fjölskyldutré. Þar rakti
ég fjölskyldu mína frá
ömmum og öfum, foreldrum,
systkinum foreldra og mín
eigin systkini. Ég ræddi við
ættingja mína og forvitnaðist
um ástir og örlög og gleði og
sorg hjá fjölskyldunni.
Þegar kynningin var búin
gátu samnemendur mínir
spurt aðeins út í þetta og
voru þau að pæla í hver
hefur verið mín fyrirmynd
í lífinu, hvernig fjölskyldan
tæki á áföllum og hvernig er
notið gleðistunda.
Kennarinn ræddi svo um
viðhorf mín til lífsins. Hvernig
uppeldi mitt og lífsreynsla
hafa mótað lífsviðhorfin.
Þetta þykir mér skemmtileg
pæling og hef ég verið að
hugsa þetta svolítið síðan.
Inn í þetta bætist svo
upplifun hvers og eins á
lífinu og hvernig lífsviðhorfin
koma inn í það. Hvernig
þetta vinnur allt saman,
uppeldið, lífsreynslan og
lífsviðhorfið sem hjálpar
okkur með alla upplifun sem
við verðum fyrir.
Upplifunin getur auðvitað
birst okkur á svo marga
vegu. Það sem einum þykir
mjög fyndið, brosir annar
ekki. Það sem einn upplifir
eitthvað svakalega gott er
annar sem bara skilur það
ekki. Gætu jákvæð lífsviðhorf
gert upplifun okkar sterkari
á jákvæðan hátt og neikvætt
lífsviðhorf gert upplifun okkar
sterkari á neikvæðan hátt.

Ætli það sé hægt að rekja
alla þessa þætti langt aftur?
Ég hef ekki svör við því en
það hljómaði þannig þegar
ég var í þessari vinnu að það
væri hægt að rekja þetta
hjá mér eitthvað aftur. Ef
systkini mín hefðu gert þetta
fjölskyldutré og svarað út
frá sínum upplifunum hefði
þá myndin sem ég sé af
fjölskyldunni orðið eitthvað
öðruvísi? Kannski er þeirra
upplifun ekki sú saman og
mín.
Við þurfum bara að
muna að virða upplifanir
samferðafólks okkar, því það
eru mismundandi lífsviðhorf
hjá okkur öllum og við getum
ekki gefið okkur hvað býr að
baki þeim.
- - - - -
Ég skora á Ingibjörgu
Jónsdóttur, sviðsstjóra
fjármála- og stjórnsýslusviðs
í Húnaþingi vestra.
ÁSKORENDAPENNINN
Jenný Þórkatla Magnúsdóttir Hvammstanga
Geta viðhorf haft áhrif á upplifanir okkar
UMSJÓN
Páll Friðriksson
Jenný Þórkatla. MYND AÐSEND
Leikflokkur Húnaþings vestra
Nýtt áhugamannaleikfélag í Húnaþingi vestra
Leiklist hefur löngum skipað
stóran sess í menningarlífi
Húnaþings vestra. Nýlega
voru tveir leikflokkar sem
starfræktir hafa verið á
svæðinu í tugi ára, sameinaðir
í nýtt áhugamannaleikfélag
sem fékk nafnið Leikflokkur
Húnaþings vestra.
Leikfélögin sem voru og hétu
báru nöfnin Leikflokkur
Hvammstanga og Leikdeild
Umf. Grettis. Leikflokkur
Hvammstanga hafði aðstöðu í
Félagsheimili Hvammstanga og
Umf. Grettir í félagsheimilinu
Ásbyrgi á Laugarbakka.
„Leiklistarstarf og tónlistarlíf
hefur alltaf verið virkilega blóm-
legt hér í Húnaþingi vestra.
Leiklistarstarfið hafði hins vegar
legið örlítið niðri, eða þar til
bæði drífandi áhugafólk og
fagfólk flutti í sveitarfélagið, þá
fór boltinn að rúlla. Árið 2015
var sett upp leikritið Öfugu
megin upp í eftir Derek Benfield
af leikdeild Umf. Grettis í
Ásbyrgi. Árið 2016 sameinuðu
leikfélögin krafta sína, tjölduðu
öllu til og settu upp söngleikinn
Súperstar sem uppskar mjög
góðar viðtökur,“ segir Kristín
Guðmundsdóttir, stjórnarmað-
ur leikflokksins. Gestir sýning-
anna voru um 900 sem má
teljast mikið afrek í 1200 manna
samfélagi. Árið 2017 setti
Leikflokkur Hvammstanga upp
leikritið Hérumbil, Húnaþingi,
sem á frummálinu heitir Almost,
Maine. „Það er í fyrsta skipti
sem það leikrit er sett upp á
Íslandi, en það hefur verið sett
upp af 70 atvinnuleikfélögum
og yfir 2500 áhugamanna-
leikfélögum, mest vestanhafs,“
segir Kristín.
Í september síðastliðnum var
ákveðið að sameina félögin í eitt;
Leikflokk Húnaþings vestra
sem hefur bækistöð í Félags-
heimilinu Hvammstanga.
Stjórnina skipa Ingibjörg Jóns-
dóttir, Hörður Gylfason, Svava
Lilja Magnúsdóttir, Þorleifur
Karl Eggertsson og Kristín
Guðmundsdóttir. Fyrsta verk
sameinaðs leikflokks er að setja
upp ævintýri H. C. Andersen,
Snædrottninguna í leikstjórn
Gretu Clough.
„Greta er leikkona, leikstjóri
og listrænn stjórnandi Hand-
bendi brúðuleikhúss. Hún hefur
verið tilnefnd og unnið til
margra alþjóðlegra verðlauna og
er virkilegur fengur fyrir okkur í
UMFJÖLLUN
Páll Friðriksson
Húnaþingi vestra.“ Kristín segir
að Snædrottningin fjalli um
Gerðu og Kára, sem eru bestu
vinir. „Kári er munaðarlaus en
býr hjá Gerðu og ömmu hennar.
Hann hefur alltaf saknað móður
sinnar en þegar hann hittir
Snædrottninguna einn daginn
fær hann á tilfinninguna að þar
sé móðir hans kannski komin og
fer með henni, þrátt fyrir að vita
betur. Snædrottningin kastar á
hann álögum og fer með hann í
íshöll sína. Gerða, sem er
hugrökk, góð og umfram allt
snjöll er staðráðin í að finna Kára
og fer í ótrúlegt ferðalag á láði og
legi einmitt til þess.“
Æfingar fyrir Snædrottning-
una eru hafnar af fullum krafti
og verður frumsýning þann 7.
desember kl 19:00 í Félags-
heimilinu Hvammstanga.
Einnig eru sýningar þann 8. og
9. desember. Nánari upplýsingar
eru á nýjum vef Leikflokksins,
www.leikflokkurinn.is. Þar er
einnig hægt að kaupa miða.
„Um páskana 2019 verður
síðan söngleikurinn Hárið
settur upp í Félagsheimilinu á
Hvammstanga í leikstjórn
Sigurðar Líndal Þórissonar.
Áhugi á leikstarfi er mikill hjá
okkur núna. Í grunnskólanum
er kenndur leiklistaráfangi og
hefur dágóður hópur ungmenna
gengið til liðs við okkur. Í litlu
samfélagi eins og okkar er
ómetanlegt að geta boðið upp á
skapandi greinar og aðstöðu til
tjáningar og sköpunar, þegar
áhugi ungmenna er til staðar.
Að lokum hvetjum við
auðvitað alla til þess að koma á
sýninguna og upplifa töfrum
hlaðið ævintýri á aðventunni.
Það er hægt að fylgjast með
framvindu æfinga og hvernig
þetta allt kemur heim og saman
á Facebook viðburðinum okkar:
https://www.facebook.com/
events/755680601444423/ .“
Konurnar í stjórn Leikflokks Húnaþings vestra. Frá vinstri: Svava Lilja Magnúsdóttir,
Ingibjörg Jónsdóttir og Kristín Guðmundsdóttir. Á myndina vantar Hörð Gylfason og
Þorleif Karl Eggertsson. MYNDIR AÐSENDAR
Frá fyrsta upplestri á Snædrottningunni.
8 44/2018