Feykir - 28.11.2018, Blaðsíða 6

2 01 86
Vinsæl gjöf sem hentar öllum
Heimakonfekt Skaptadætur production
1
Á Sauðárkróki er starfrækt lítið
sprotafyrirtæki sem margir
þekkja kannski undir nafninu
Konfektsystur en heitir réttilega
Heimakonfekt – Skaptadætur
production. Eins og nafnið
gefur vísbendingu um er það
rekið af þremur systrum,
þeim Ragnheiði, Hrafnhildi
og Berglindi Skaptadætrum
og móður þeirra, Sigurlaugu
Viðarsdóttur. Feykir tók hús á
þeim mæðgum einn laugardag
í lok nóvember og fékk að
fylgjast með hvernig eðal
konfekt verður til.
Framleiðsla þeirra mæðgna
hófst með lítilsháttar konfekt-
gerð til eigin nota fyrir jólin
2013 en næsta vor, þegar yngsta
systirin, Berglind, var fermd,
fjárfestu þær í mótum og gerðu
talsvert magn af konfekti fyrir
veisluna og vakti það mikla
lukku. Upp úr því fóru þær
að prófa sig áfram og margar
góðar hugmyndir að fyllingum
og samsetningum kviknuðu
en segja má að eftir að þær
lentu í öðru sæti í
konfektsamkeppni Gestgjafans
fyrir jólin 2016 hafi boltinn
farið að rúlla.
Atvinnu- og nýsköpunarsjóður
Norðurlands vestra styrkti svo
fyrirtækið árið 2017 sem gaf
þeim tækifæri á að fara út í
frekari tilraunastarfsemi, afla
sér leyfis fyrir framleiðsluna
og hefja markaðssetningu.
Einnig hafa þær farið, tvö
síðastliðin sumur, á námskeið í
konfektgerð í Skotlandi í skóla
er nefnist Cocoa Black og er
staðsettur í Peebles í nágrenni
Edinborgar. Segja þær að
námið þar hafi hjálpað þeim
mikið, ekki síst við að koma
auga á þau mistök sem þær hafi
áður verið að gera en einnig
hafa þær lært mikið um
meðferð hráefnisins,
temprun, fyllingar,
litablöndun og
ótal margt
fleira.
Þau eru bæði alúð og ófá
handtök sem liggja á bak
við hvern konfektmola hjá
þeim mæðgum og segja þær
ávinninginn fyrst og fremst
felast í ánægjunni af að vera
saman enda samrýmdar og
vinna vel saman. Nú hafa þær
aðstöðu fyrir framleiðsluna
í eldhúsi heimavistar FNV
en draumurinn er að eignast
eigið þak yfir höfuðið og
segja þær að eitt þokkalegt
herbergi gæti dugað. Orðspor
afurðanna hefur spurst vel út
enda er konfektið bæði fallegt
og bragðgott og eru þær á kafi
í verkefnum, til að mynda er
mikið um að fyrirtæki panti hjá
þeim konfekt til gjafa.
Verið er að þreifa sig áfram
í markaðssetningu á höfuð-
borgarsvæðinu með hjálp
góðra aðila en nú er konfektið
selt í Blóma- og gjafabúðinni
á Sauðárkróki og í Svörtum
svönum á Akureyri. Einnig
verður það til sölu á jólamarkaði
hjá Lagði á Hólabaki í
Húnavatnshreppi um næstu
helgi.
UMFJÖLLUN
Fríða Eyjólfsdóttir
Í hugum margra Íslendinga er fátt
jólalegra en að kúra sig undir teppi
með bók í hönd og gott konfekt innan
seilingar. Ekki spillir fyrir að vita að konfektið sé heimagert
og ást og alúð lögð í hvern mola.