Feykir - 28.11.2018, Blaðsíða 37
372 01 8
Verslunarmannafélag
Skagafjarðar
sendir félagsmönnum sínum,
fjölskyldum þeirra og öðrum
landsmönnum bestu jólakveðjur
Jólin koma...
Árni Jónsson
Sauðárkróki
... þegar fjölskyldan er saman og ilmurinn
af jólasteikinni umlykur húsið.
Helga Sigurjónsdóttir
Laugarbakka
... ...þegar amma sendir mér smákökur.
Nýjar vörur, úrvalið hefur
aldrei verið meira.
Þú finnur jólagjöfina hjá okkur.
Sjáumst!
Ólína og Þórey Elsa
Aðalgata 4 - 550 Sauðárkrókur
Sími: 571-4070 - www.eftirlaeti.com
Fléttubönd er önnur bók Stefáns Sturlu
Sigurjónssonar í þríleiknum um Lísu
lögreglukonu og aðstoðarfólk hennar.
Bókin er framhald af Fuglaskoðaranum
sem kom út í fyrra en annars sjálfstæð
frásögn.Feykir setti sig í samband
við Stefán og forvitnaðist um bókina
og rithöfundinn sem kom sterkur inn
á glæpasögumarkaðinn í fyrra með
rannsóknarlögregluteymið Lísu, Tomma
og Sigrúnu.
Á síðasta ári kom út fyrsta bókin í
þríleiknum um rannsóknarlögregluteymið
Lísu, Tomma og Sigrúnu, Fuglaskoðarinn
og segist Stefán hafa gengið lengi með
hugmynd um að skrifa glæpasögu. Takast
á við það vinsæla bókmenntaform. „Ég
hef skrifað barnbækur, leikrit og jafnvel
kvikmynda- og sjónvarpshandrit, sem hafa
ekki alltaf farið í framleiðslu, eins og gengur.
En þar þróast oft persónur sem maður vill
vinna meira með. Í kvikmyndahandriti
sem ekki hefur farið í framleiðslu, var ég
búinn að skrifa sögusvið sem ég nota fyrir
Kára, lögreglumannsins sem lendir í mjög
alvarlegu bílslysi með Lísu. Bílslysið og
afleiðingar þess er einskonar hliðarsaga,
þótt það sé að hluta til gangverkið í
þríleiknum. Persónurnar hafa því verið
að þróast í hinum ýmsu verkum hjá mér
í gegnum árin. Þannig get ég sagt að
aðdragandinn, þróunin að þessum þríleik
fer að nálgast tíu ár.“
Stefán segir að þegar hann loks
settist niður og byrjaði að skrifa fyrstu
glæpasöguna þekkti hann persónurnar,
bakgrunn þeirra og sögu. „Þrátt fyrir það má
finna í öllum persónum sem maður skapar
einhverja eiginleika höfundar, eitthvað sem
maður þekkir sjálfur, eitthvað sem fólk
telur sig þekkja í höfundi eða kannast við
í fari einhvers en þannig erum við öll. Þó
við séum ólík þá eigum við alltaf einhvern
samnefnara með öðrum, sama hvar á
heimskringlunni við búum.“
Hvernig færðu hugmyndir að sögusviði
bókarinnar? „Með því að skoða gömul
glæpamál, upplýst og óupplýst, innlend
og erlend hafa kviknað hugmyndir. Síðan
hlustar maður á samræður fólks, leitar
í eigin ranni og hnoðar deigið fram og til
baka. Skemmtilegar frásagnir, samræður í
heitapottinum eða atburðarrás sem maður
lendir í kveikir hugmynd eða hugmyndir
sem síðan lenda í deiginu í nýrri útfærslu
á blaðsíðum bókanna. Svo að sjálfsögðu
tekur maður eitthvað frá sjálfum sér,
úr sínum eigin reynslubanka. Það er jú
grunnurinn sem maður á alltaf aðgang að.“
Hann segist stundum hafa haldið að
einhver annar en hann sjálfur sitji og stjórni
hvernig sögurnar eða samtölin þróist… „En
ég nota mjög meðvitað það stílbragð að
leyfa sögunni sjálfri og persónum að segja
mér hvað sé að gerast eða hvaða orðaforða
þær nota. Þannig að ég hlusta mjög mikið,
stundum kemur mér reyndar á óvart hvað
hafi verið skrifað. Til dæmis kemur fram
ákveðið bílnúmer í Fléttuböndum það var
fullkomlega óundirbúið hvert það varð
endanlega, meðan ég skrifaði bókina,
enda átti númerið sjálft ekki að skipta máli,
heldur eigandi þess. Svo þegar kom að
kaflanum þar sem númerið kom endanlega
fram og höfundurinn búinn að stimpla
það inn í skjalið langaði mig að vita hvort
það væri skráð hjá Umferðarstofu. Svo var
ekki en þegar ég googlaði númerið kom
niðurstaðan verulega á óvart.“
Var vinnan við þessa bók eitthvað
frábrugðið þeirri fyrstu? „Já, mjög mikið.
Ég var búinn að skrifa og þróa samskipti og
samskiptamáta persónanna í fyrstu bókinni
Fuglaskoðaranum. Þess vegna þurfti ég
ekki að velta mér svo mikið upp úr þeim
hluta skrifanna. Hins vegar er fléttan sjálf
flóknari … eða öllu heldur hugmyndin,
hvernig sögurnar tvinnast saman. Það var
gaman að takast á við það. En einstaka
kaflar, samtöl og þess háttar þróuðust
meðan ég sat við tölvuna. Ég held líka
að ákveðnar samfélagslegar skoðanir
þess sem skrifaði komi ögn meira fram
í Fléttuböndum. Höfundur hafi kannski
verið persónulegri. Svo var ég náttúrulega
búinn að fá ákveðna þjálfun við að eiga við
formið, það er glæpasöguna.“ /PF
Sigurður með Paradísarstræti sem kom út árið
2013. MYND AF FACEBOOK
Fléttubönd
BÓKAÚTGÁFA :: Stefán Sturla Sigurjónsson skrifar Fléttubönd