Bæjarbót - 01.03.1987, Blaðsíða 10
10
Óliáð flokkadrætti
Jon Gröndal skrifar:
Framsóknaráratugurinn erfiður
Suðurnesjum
Steingrímur hefur unnið gegn hagsmunum Suðurnesja
Það eru gömul sannindi að
mikill rígur sé milli Suðurnesja
og Vestfirðinga. Sjómenn og út-
gerðarmenn hér telja vestfirska
togara drepa smáfisk og ung-
fiskinn áður en hann verður
kynþroska en Vestfirðingar telja
okkur þurrka upp hryggninga-
fiskinn áður en hann nær að
hrygna. Upp úr þessu spinnst
tortryggni og ósamkomulag.
Vestfirðingar eru á móti kvóta
en Suðurnesjamenn telja hann
skásta kostinn í stöðunni. Allir
sjá þá uppbyggingu sem hefur
verið fyrir vestan á sama tíma og
hallað hefur undan fæti hér hjá
okkur. Fiskverkun og útgerð
hefur blómstrað vestur á fjörð-
um og sjómenn og útgerðar-
menn þar sjáldnast átt samleið
með öðrum landsmönnum
þegar samið er um kaup og kjör.
Telja sig yfirleitt geta gert betur
fyrir sitt fólk.
Ráherrar Vestfirðinga
Halda menn að það sé ekki
samband milli þess að síðustu
10-12 ár hafa tveir þingmenn
Vestfirðinga farið með sjávarút-
vegsmál i ríkisstjórnum lands-
ins. Lengst af hafa þeir verið
ráðherrar Mattías Bjarnason og
Steingrímur Hermannsson.
Steingrímur hefur verið bæði
forsætis- og sjávarútvegsráð-
herra og Framsóknarmenn hafa
farið með sjávarútvegsmál síðan
1979 þegar stjórn Gunnars
Thoroddsens kom til valda.
Ráðherrar Vestfirðinga höfðu
komið árum Suðurnesja þannig
fyrir borð í Byggðastofnun að
lokað var fyrir allar fjárveit-
ingar á Suðurnesin. í þessu fólst
Jón Gröndal.
byggðastefna Framsóknar. Árið
1978 og 1979 urðu straumhvörf
fyrir Suðurnesin. Þingmaður
Suðurnesja Alþýðuflokksmað-
urinn Kjartan Jóhannsson varð
sjávarútvegsráðherra og annar
þingmaður okkar Karl Steinar
Guðnason varð fulltrúi í stjórn
Byggðastofnunar. Þeir afléttu
lánabanninu á Suðurnesin og
veittu umtalsverðu fé hingað.
Því miður naut þeirra ekki lengi
við í þessum embættum en
þegar Steingrímur Hermanns-
son varð ráðherra sjávarútvegs-
mála minnkuðu fjárveitingar
aftur, þó ekki væri alveg lokað
fyrir.
Stjórnmálamenn eru
dæmdir af gjörðum sínum
Ekki þarf að fjölyrða um þró-
un síðustu ára hér á Suðurnesj-
um. Fiskverkun dregst saman.
Togarar seldir í burtu og litla
fyrirgreiðslu að hafa. Tvær
ástæður eru fyrir því að mínu
mati.
l.Stjórnvöld sem við höfum
mest samskipti við hafa verið
okkur í versta falli fjandsam-
leg og besta falli neikvætt
hlutlaus. Það eru þeir Hall-
dór Ásgrímsson og Stein-
grímur Hermannsson. Fram-
sókn hefur lítilla hagsmuna
að gæta hér suður frá.
2. Þingmenn Sjálfstæðisflokks-
ins sem eru einnig stjórnar-
þingmenn og ættu því ein-
hver áhrif að hafa eru og
hafa verið lið ónýtir. Þeir
hafa engan áhuga sýnt kjör-
dæminu fyrir sunnan Straum
og virðast hafa takmarkaðan
skilning á þörfum útgerðar
og fiskvinnslu. Er nokkurt
vit í að kjósa Mosfellinga og
Garðbæinga til að bjarga út-
gerð og fiskvinnslu fyrir
sunnan Straum. Ég held
ekki.
Hver er lausnin
Hún er einföld. Við verðum
að fá sjávarútvegsráðherranna.
Hvernig má það verða? Jú, með
því að stuðla að kosningasigri
Alþýðuflokksins og tryggja
þátttöku hans í ríkisstjórn.
Kjartan Jóhannsson er líkleg-
asta og besta sjávarútvegsráð-
herraefni sem Suðurnesjamenn
eiga völ á í dag. Hann er líkleg-
astur Alþýðuflokksmanna til að
taka þetta ráðuneyti. Ætla menn
ef til vill að Salome eða Gunnar
G. fái að sinna sjávarútvegsmál-
um. Steingrími skuldum við
ekkert. Allra síst atkvæði
okkar.
Aðalfundur 4. deildar kaupfélagsins:
Betrí afkoma Kaupfélags Suður-
nesja —Slök afkoma verslana í Grindavík
Gunnar Sveinsson kaup-
félagsstjóri flutti skýrslu um
starfsemina á árinu. Þar kom
fram að hagur Kaupfélagsins í
heild batnaði á árinu. Það skilar
2,5 milijónum í hreinan hagnað
en tapaði rúmlega 3,5 millj. árið
áður 1985. Munar þar sennilega
mest um minni vaxtakostnað
eða rúmar 12 millj. í stað 36
milljóna áður.
Um afkomu verslananna í
Grindavík er það að segja að
hún er slakleg. Vörusala jókst
um 21 % og var selt fyrir
50.814.941 krónur sem skilaði
maðvörubúðinni 7.701.926
krónum í tekjur. Gjöldin eru þó
mun hærri þannig að búðin tap-
ar 1.145.000 krónum eða ca.
2,2% af sölu. Umjárnvöruna er
það að segja að hún hefur tekjur
uppá 2.289.360 krónur og tapar
endanlega 728.944 krónum á
árinu.
í máli Gunnars kom fram að
reynt verður að bjóða út nýja og
glæsilega verslunarbyggingu í
sumar og verið er að kanna
hugsanlega fjármögnun. í
Grindavíkurdeild eru um 442
félagar og hún kýs 14 fulltrúa á
aðalfund Kaupfélags Suður-
nesja sem haldinn verður nú í
lok mars. Útibústjóri er Sig-
urður Sveinbjörnsson. Versl-
unarstjóri járnvöru er Gunnar
Sigurgeirsson. Grindvíkingar
eiga dugmikinn fulltrúa í aðal-
stjórn K.S. þar sem er Sæunn
Kristjánsdóttir. Núverandi
deildarstjórn er skipuð þeim
Sverri Jóhannssyni, Evu
Þórólfsdóttur og Gunnar Vil-
bergssyni.
Sigurður Sveinbjörnsson
ræddi afkomuna og taldi höfuð-
orsök hallans á matvöruverslun-
inni vera ónóga söluaukningu
og mesta sölu á vörum sem sára-
lítil álagning væri á t.d. kjöti og
mjólkurvörum. Fram kom að
verðlagning á kjöti frá Kjöt-
vinnslu K.S. væri ótrúlega lág
og kjötið enda mun ódýrara en
hjá t.d. Hagkaup. Kaupfélags-
fólk bindur miklar vonir við nýtt
verslunarhús sem á að rísa á
næstunni og hvetur Grindvík-
inga til að versla heima.
JG.
Teikning af nýbyggingu Kaupfélagsins í Grindavík.
Simpson brœður, harðduglegir jaxlar í viðskiptunum.
Fiskkaupmenn í Hull:
„Getum ekkí án fisks
frá íslandi verið“
—Bæiarbót heimsækir fiskkaupmenn
í Hull
Að loknu uppboði á fisk-
markaðnum í Hull hefst mikið
kapphlaup við tímann hjá fisk-
kaupmönnum, sem eru mjög
sundurleitur hópur víða að.
Margir þeirra hafa aðstöðu í ná-
grenninu og vinna þar okkar
íslenska fisk. Eftir að hafa fylgst
með fiskuppboðinu þann 16.
mars sl. fór blm. og leit inn til
nokkurra fiskkaupmanna til að
sjá aðstöðu þeirra og vinnu-
brögð, en þeir koma vörunni
ferskri í neytendapakkningar og
dreifingu um allt land samdæg-
urs.
í flestum tilvikum er aðstaðan
ótrúlega léleg, hreinlætiskröfur
nánast engar og tækjakostur í
algjöru lágmarki.
Þarna var umhorfs eins og
allra lélegustu verkunarhús ís-
lendinga litu út fyrir áratugum,
draslið og subbuskapurinn með
ólíkindum. Þó verður að segja
þessum ,,holum“ í Hull til hróss
að í samanburði við aðstöðuna í
Grimsby báru þær af eins og
gull af eir. Sóðaskapurinn í
Grimsby er engu líkur og lyktin
eftir því.
Skammt frá fiskmarkaðnum í
Hull hafa bræðurnir og fisk-
kaupmennirnir John og Walter
Simpson aðstöðu og þeir voru
spurðir um reksturinn.
,,Þetta gengur vel. Við erum
nú komnir með aðstöðu til að
vinna fersk flök, reykja þau og
erum að byrja að salta. Svo
erum við með fiskbúð. Við erum
með um 50 manns í vinnu, en
byrjuðum fyrir 4 árum með
tvær hendur tómar og vafasama
fortíð! Við borgum vel, 200
pund á viku (12.400 kr.) og fá-
um gott fólk, sem vinnur ca. 12
tíma, fjóra daga vikunnar. Nýt-
ingin er yfir 50%.“
Hvers virði er íslenski fisk-
urinn ykkur?
,,Án hans værum við ekkert
og almennt atvinnuleysi í fisk-
iðnaðinum hér. Við getum ekki
án hans verið, hann er uppistað-
an í aflanum sem hér er seldur
og ef íslensku skipin hættu að
koma hér væri velmegunar
grundvellinum kippt undan
okkur bræðrum!“