Bæjarbót - 01.06.1987, Blaðsíða 13

Bæjarbót, óháð fréttablað 13
Sendum sjómönnum, fjölskyldum þeirra
og fiskverkunarfólki öllu bestu kveðjur á
sjómannadaginn.
Vélsmiðja Grindavíkur
Sími 8126
Sendum sjómönnum, fjölskyldum þeirra
og fiskverkunarfólki öllu bestu kveðjur á
sjómannadaginn.
Landsbanki
íslands
-Grindavíkurútibú - Sími 8179
L
r
Jens Oskarsson aflakóngur vetrarvertíðarinnar:
„Tókum mest á Reykjanesröstinni,
en þvældumst annars víða um“
—„Verðum að leyfa fiskinum að stækka áður en hann er veiddur“
segir Jens. „Lokun svæða nauðsynleg“
—Hópsnes GK 77 bar 867 tonn að landi
Áhöfnin á Hópsnesinu, ásamt Jens skipstjóra. Aflakóngar vertíðarinnar.
í tilefni sjómannadagsins sendum við
sjómönnum, fjölskyldum þeirra og
fiskverkunarfólki öllu, bestu kveðjur.
Hœlsvík sf. - Símar 8191 og 8098
Það var spenna í loftinu á
lokadaginn 15. maí. Hópsnesið
og Hafbergið komu inn úr
síðasta róðri vertíðarinnar og
þessir bátar börðust um topp-
inn. Skipstjórarnir gerðu lítið úr
þeirri baráttu, sögðust „varla
fylgjast með aflatölunum,“ en
fólkið í landi og áhafnirnar
fylgdust þeim mun betur með!
Jens á Hópsnesi GK 77 tók
toppinn og landaði 867tonnum.
Hafberg GK 377 kom næst með
846 tonn. Jens var að klára sína
29. vertíð og var nú aflakóngur í
fyrsta sinn, en hefur alltaf verið í
hópi aflahæstu manna. Hann
var beðinn um álit á vertíðinni.
„Það er alveg greinilegt að
það er minna um stórþorsk en
var. Tíðin hefur verið góð og
virkilega góð skilyrði, þannig að
ég átti von á að hér yrði mikið af
þorski. Nú, það er sennilega
bara ekki meira til af honum.
Þetta er ein sú aumasta vertíð,
sem ég man eftir og ég á von á
því að næstu vertíðir verði enn
aumari.“
En svona slakar vertíðir hafa
nú komið áður, er það ekki?
„Jú, en nú þekkja menn allt
svæðið miklu betur og verða
enn frekar varir við hvað fiskur-
inn fer minnkandi. Veiðarfærin
eru orðin betri, menn gjör-
þekkja miklu fleiri bletti en áður
og samt fæst ekki meiri fiskur.“
Hvað er raunverulega til
ráða?
„Það hjálpast margt að við
að minnka það sem til skiptana
er. Ég held að það þurfi að friða
einhver hafsvæði algjörlega og
þá fyrir öllum veiðarfærum.
Þetta gengur ekki svona
lengur.“
Ertu sáttur við kvótaskipting-
una?
„Ég sé ekkert skárra en kvót-
ann. Það verður að vera stjórn-
un á veiðunum og ég kem ekki
auga á neitt réttlátara kerfi en
kvótann. En ef menn halda sig
alltaf við ákveðið kvótamagn og
veiða sífellt smærri fisk, þarf
alltaf fleiri og fleiri einstaklinga.
Það yrði því til stórbóta ef með
friðun væri hægt að leyfa hon-
um að stækka. Gefa honum
Hópsnesið kemur inn úr síðasta róðrinum á hefðbundinni vertíð.
þann tíma sem þarf. Ég held að
það sé frumskilyrði.“
Nú varst þú aflakóngur á ver-
tíðinni hér í Grindavík í öllu
aflaleysinu. Kannt þú einhvern
galdur sem aðrir ekki kunna?
„Nei, blessaður vertu. Við
höfum enga galdra við þetta.
Þetta er heppni! Ég er með góða
áhöfn og það hefur auðvitað
mikið að segja. Annars er
óvenju mikill ufsi í aflanum
núna! Ég held að hann hafi
aldrei verið meiri í hlutfalli við
þorsk en í vetur.“
Hvar hefur þú einkum lagt
netin?
„Við höfum þvælst víða um.
Sennilega höfum við tekið
stærstan hluta aflans á Reykja-
nesröstinni. Eitthvað á Eld-
eyjarbanka. Við vorum líka að
þvælast úti í Grindavíkurdýpi
og Reykjanesgrunni. Eitthvað
norður í Jökuldýpi líka. Það var
víða komið við.“
Er það skipstjórum metnað-
armál að verða aflakóngar?
„Nei, því hef ég aldrei fundið
fyrir. En menn reyna auðvitað
að gera sitt besta!“
Ertu sáttur við afstöðu stjórn-
valda og þjóðarinnar almennt til
sjávarútvegsins?
„Ég held að allir skilji að
sjávarútvegurinn er undirstaðan
og menn vilji gera sitt besta i
Jens Óskarsson, skipstjóri.
hans málum. Það er ekki gott að
átta sig á hvenær fólk fer að
hugsa, en þegar menn fara að
velta hlutunum fyrir sér sjá allir
að þetta er undirstaðan. Ekki
bara í sjávarplássunum, heldur í
þjóðfélaginu almennt,“ sagði
aflamaðurinn Jens Óskarsson
að lokum.
/ tilefni sjómannadagsins sendum við
sjómönnum, fjölskyldum þeirra og
fiskverkunarfólki öllu, bestu kveðjur.
Rafborg hf. - Sími 8450
Sendum sjómönnum, fjölskyldum þeirra
og fiskverkunarfólki öllu bestu kveðjur á
sjómannadaginn.
Verslunin Bláfell - Sími 8146