Bæjarbót - 01.06.1987, Blaðsíða 18

18 Bæjarbót, óháð fréttablað
Vísnaspjall
Námskeið fyrir
fiskvinnslufólk
Um 60 verkamenn í fiskvinnslu sátu nýverið á námskeiði á
vegum starfsfrœðslunefndar Sjávarútvegsráðuneytisins. Allt
þetta fólk hefur fastráðningarsamning og hœkkar ögn í kaupi
að námskeiðinu loknu.
Sjómennskan hefur löngum þótt með erfiðustu störfum og
ekki á annara færi en ofurmenna að mati skálda, þó hefur
margt breyst til hins betra síðan Látra-Björg kvað:
Róddu betur kær minn karl
Kennd’ ekki í brjósti um sjóinn
harðara taktu herðafall
hann er á morgun gróinn.
Og kjörin settu á mennina mark, einnig á Grím Thomsen:
Við mig hefur alda grá og glettin
gnauðað haust og vor með ýmsu móti
svo, ef að kann að þykja karlinn grettinn
kemur það af ylgdu sjávarróti.
En svo komu vélar í báta, gufuvélar í togara og stærri skip
og þá kvað Jón Ólafsson:
Nú er ei ófært neitt í heim
nú er lítill vandi
nú má fara á eldi og eim
allt á sjó og landi.
Þeir sem alast upp í nálægð sjávar kunna best að meta það
samspil ógnar og fegurðar sem hafið býður. Sigurður Breið-
fjörð kveður einn dýrðardag:
Vinda andi í vöggum sefur
vogar þegja og hlýða á
Haf um landið hendur vefur
hvítt og spegilslétt að sjá.
En hættan er líka ætíð nálæg. Margt skipið hefur borið að
björgum eða sandi og þá orðið tvísýnt um afdrif áhafna. Oft
hefur þó giftusamlega tekist til um björgun innlendra sem
erlendra sæfara og hin margfræga íslenska gestrisni hvergi
brugðist:
Báran margan bar á land
beint að fangi svanna
eru víða um okkar land
augu skipbrotsmanna.
Djarfir menn njóta þess að etja kappi við náttúruöflin og
sigla þöndum seglum sollinn sæ:
Stoðin reiða hristist há
hroða leiði spáir
gnoðar breiðum brjóstum frá
boðar freyða gráir.
R.S.S.
Hagyrðingum þykir hæfa að bregða fyrir sig líkingum úr
sjómannamáli þegar lýsa skal lífsreynslu, seiglu og karl-
mennsku, Steindór Sigurðsson yrkir:
Misvindur og kyljuköst
koldimm stundarhryðja
Ég hef lent í úfnri röst
og inn í hana miðja.
Ennþá hef ég ekki. vent
ætla að láta ,,slóa“
einhverntíma ég hef rennt
upp í stærri sjóa.
H.G.
Skólaslit Grunnskólans:
r
Ymsar nýjungar á döfinni, en óvíst
um kennararáðningar
—Gunnlaugur í ársleyfi, Halldór tekur við skólastjórn
Skólaslit Grunnskólans voru
15. maí sl. Að þessu sinni voru
nemendur 420 í 20 bekkjardeild-
um. Fastir kennarar voru 24,
auk tveggja stundakennara.
Miklar breytingar verða á starfs-
liði skólans í haust.
í skólaslitaræðu Gunnlaugs
Dan Ólafssonar skólastjóra
kom fram að skólastarfið var
með hefðbundnum hætti. Fél-
agslíf nemenda var með daufara
móti, enda veitti skólinn nem-
endum tæpast nægan stuðning
til þess að þar yrði um blómlegra
starf að ræða.
„Listinn yfir aðstöðu fyrir
ákveðnar greinar og kennslu-
hætti, sem ekki er hægt að sinna
sökum húsnæðisskorts, er all
langur, þó mun nokkuð birta
upp næsta haust, þegar nýtt
skólahúsnæði verður tekið í
notkun. Hér er um að ræða 580
fermetra húsnæði með 4
kennslustofum, tölvuveri og
bókasafni. Þetta er vissulega
rýmkun á skólahúsnæðinu, en
hrekkur þó hvergi nærri til. Hér
hefur aðeins verið leyst úr
brýnni þörf. í þessum efnum ber
að setja markið hátt og stefna að
fullkominni skólastærð í áföng-
um á næstu 6-8 árum,“ sagði
skólastjórinn og á öðrum stað í
ræðunni: ,,Ef horft er til næsta
skólaárs er ýmislegt sem bendir
til þess að framundan séu góðir
tímar í skólamálum okkar og
ýmsir áhugaverðir möguleikar á
döfinni. Fyrst ber að nefna þá
möguleika sem skapast með
nýju húsnæði, tölvuveri og
bókasafni. Gæslu forskólanem-
enda í skólanum, sem ætti að
vera mikið hagsmunamál fyrir
foreldra. Ákveðnar tillögur um
ný úrræði í stuðnings- og hjálp-
arkennslu. Hugsanlegar breyt-
ingar á kennslufyrirkomulagi í
7,- 9. bekk, sem áhugasamir
kennarar við skólann eru að
vinna að. Breytt fyrirkomulag
við kennslu yngstu barna skól-
ans, þar sem tekið verður tillit til
sveigjanlegri kennsluhátta. Allt
þetta veltur þó á einu mikilvægu
atriði og það er hvort skóla-
nefnd tekst að fá kennara að
skólanum, m.a. til áðurgreindra
starfa.“
Sjö kennarar hætta störfum
við skólann. Þeir eru Helga
Jóhannsdóttir, Ingveldur
Sveinsdóttir, Margrét Gunnars-
dóttir, Kristín Eyþórsdóttir,
Hrefna Björnsdóttir, Daníel
Þorkelsson og Sigrún Guð-
mundsdóttir. Tveir minnka við
sig, þau Björn Birgisson og
Bjarnfríður Jónsdóttir. Gunn-
laugur Dan skólastjóri tekur sér
árs orlof og mun Halldór
Ingvason gegna stöðu hans á
meðan.
Sigrún Guðmundsdóttir
hættir nú störfum vegna aldurs,
en hún hefur að baki 40 ára
kennsluferil.
*Ýmsar viðurkenningar voru
veittar. Björn Skúlason og Lilja
Guðmundsdóttir hlutu íþrótta-
bikara UMFG. Helga Hafberg
hlaut viðurkenningu fyrir árang-
ur í dönsku. Klara Halldórs-
dóttir og Vigdís Ólafsdóttir
nlutu viðurkenningarskjöl frá
Sæmundarsjóði. Bestum
árangri upp úr 9. bekk náðu
Elías Pétursson og Helga
Hafberg. Hæstu meðaleinkunn
yfir skólann hlaut Guðjón Ás-
mundsson. Viðurkenningu fyrir
handmenntir hlutu Þröstur Sig-
mundsson, Sigurbjartur Lofts-
son og Sigurrós Ragnarsdóttir.
Skákmeistarar skólans urðu þeir
Guðmundur V. Helgason og
Hafþór Skúlason.
Nokkrir þeirra nemenda sem hlutu viðurkenningar fyrir góðan námsárangur.
Þann 15. júní eiga menn að hafa lokið greiðslum á
FASTEIGNAGJÖLDUM þessa árs.
Fljótlega má búast við sérstökum innheimtuað-
gerðum vegna þeirra sem eru í vanskilum.
Góð innheimta er forsenda þeirra framkvæmda
sem allir vilja sjá í bænum.
Grindavíkurbœr