Bæjarbót - 01.07.1987, Blaðsíða 12
Spakmæli manaðarinsi Heimurinn er eins og stór bók. Þeir sem alltaf sitja heima sjá aðeins eina síðu í lienni.
Bæjarbót er fyrst og fremst blað Grindvíkinga. Útgefandi er Flakkarinn — Bæjarbót. Ritstjóri og ábyrgðarmaður er Björn Birgisson. Afgreiðsla, ritstjórn, auglýsinga- og efnismóttaka er að Víkurbraut 19 og sími blaðsins er 68060. Bæjar- bót kemur út mánaðarlega, í lok hvers mánaðar. Setning: Stapaprent. Prentun: Prentiðn Hafnarfirði. Blaðinu er dreift í hvert hús í Grindavík og í stórverslanir í Keflavík og Njarðvík. Einnig er það sent til áskrifenda, en íbúar á Suðurnesjum og um allt land geta fengið blaðið í áskrift. Áskriftarsími er 68060. Júní/Júlí 6. árgangur | 6» tölublað ' ^B Óháð flokkadráttum
Kapalkerfi í jörð:
Gervihnattaefni, Stöð
2, RUV, Rás 1, Rás 2,
Bylgjan, Stjarnan o.fl.
allt í einum kapli?
—athugun hafin í bænum
Blaðið hefur haft spurnir af
því að íbúar við Mánagötu,
Mánasund, Mánagerði, Austur-
veg og Ránargötu séu farnir að
huga að sérstöku kapalkerfi
m.a. til móttöku á efni frá gervi-
hnöttum. Það er fyrirtækið
Kapaltækni hf. sem haft var
samband við og sendi það um
hæl greinargerðina sem birtist
hér á eftir. Þeir sem áhuga hafa
á að vera með í hugsanlegu kerfi
eru beðnir að hafa samband við
Ágústu Gísladóttur eða Jón Pét-
ursson.
Kapalkerfi?
Fram að þessu höfum við
vanist því að taka taka á móti
sjónvarps og hljóðvarpsefni
með því að setja upp loftnet til
móttöku á útvarpsbylgjunum.
Þetta hefur verið tiltölulega
auðveld lausn á dreifingarmál-
um, þar sem einungis hefur
verið um eina sjónvarpsstöð að
ræða og eina til tvær hljóvarps-
stöðvar. Ein eða tvær loftnets-
greiður hafa því verið nægjan-
legar.
Þrátt fyrir þær hafa móttöku-
skilyrði verið mjög misjöfn og
fólk vanist því að horfa á full-
komin sjónvarpstæki með
óskýrri mynd vegna slæmra
móttökuskilyrða.
Nú er öldin önnur hvað varð-
ar möguleika okkar á því að
móttaka sjónvarps og hljóð-
varpsefni. Á íslandi er orðið
jafn auðvelt að velja um sjón-
varps- og hljóðvarpsefni og hjá
öðrum Evrópuþjóðum í gegnum
gervihnött, samtímis því að inn-
lendum stöðvum hefur fjölgað.
Við vitum að í dag eru alls tíu
mismunandi sjónvarpsstöðvar í
loftinu í kringum okkur og álíka
magn af hljóðvarpsstöðvum.
Seinni hluta þessa árs verður
hægt að velja á milli sextán sjón-
varpsstöðva og enn mun bætast
við á næsta ári.
En hvað þarf til að hafa
aðgang að öllu þessu efni?
Það þarf meiri loftnetsbúnað.
Við þurfum þrjár loftnetsgreiður
fyrir innlenda efnið, við þurfum
stórt diskloftnet fyrir gervi-
hnattarásirnar átta sem nú eru í
boði, og seinni hluta ársins
þegar gervihnattarásunum
fjölgar þurfum við tvö diskloft-
net o.s.frv.
Við þurfum góð fjárráð til að
geta leyft okkur þetta. Kostn-
aður er nálægt 200.000 kr. á
búnaði þeim sem þarf til að geta
móttekið alla möguleika dagsins
í dag.
Ef við hugsum svo um hvaða
útlit bærinn okkar fær ef þetta
yrði almennt, þá virðist þetta
ekki fýsilegur kostur (sjá með-
fylgjandi mynd).
Kapalkerfi er önnur lausn á
þessu máli. Alls staðar í ná-
grannalöndum okkar og þá ekki
síður í Bandaríkjunum og Kan-
anda hafa kapalkerfi átt miklum
vinsældum að fagna meðal al-
mennings. Og í nýjum hverfum í
þessum löndum er orðið jafn
sjálfsagt að leggja kapalkerfi og
síma og rafmagn.
En hvað er kapalkerfi?
Kapalkerfi eru notuð til að
dreifa fjarskiptaboðum (sjón-
varps-, hljóðvarps) til notenda
án þess að notendur þurfi loft-
net. í stað þess að setja upp loft-
net er lagður kapall í jörðu til
notenda.
Mörgum mun vaxa í augum
að leggja þurfi kapal til allra
notenda, en þá má hugleiða
samanburð á þeirri vinnu sem
ferð í að grafa í gegnum lóðina í
eitt skipti fyrir öll, á móti mörg-
um loftnetsuppsetningum og
eftirliti með loftnetsdiskum um
alla framtíð. Eitt er víst að þegar
kapallinn er kominn í jörðu er
hann ekki fyrir augunum á nein-
um, en í stað þess má fjarlægja
öll loftnet af húsþökum og
görðum og útkoman verður
hreinni og fallegri bær.
Eftir eina og sama kaplinum
má flytja 30 sjónvarpsrásir og 30
FM-hljóðvarpsrásir samtímis.
Á einum stað í bænum, þar
sem bestu skilyrði eru fyrir allri
fjarskiptamóttöku, er staðsett
höfuðstöð karfisins. Þar eru sett
upp loftnet til móttöku á inn-
lendu efni og loftnetsdiskar fyrir
erlent gervihnatta efni. Þetta er
búnaður sem allir notendur
kerfisins standa saman urn að
fjárfesta í, og þar af leiðandi er
hægt að hafa mun fullkomnari
móttökubúnað en einstaklingar
geta fjárfest í. Þess vegna fást
fram best möguleg myndgæði á
sjónvörp notendanna, því
kapalkerfið á ekkert að rýra
myndgæðin. Við upphaflega
tenginu kapalkerfisins fær not-
andinn kapalinn inn í gegnum
sína lóð og inn fyrir húsvegg,
þar sem hann endar í svokölluð-
um inntakstengli þar sem not-
andinn getur tengt við bæði
sjónvarp og hljóðvarp.
Ef nýjar stöðvar bætast við í
framtíðinni, þarf einungis að
bæta við búnaði í höfuðstöðv-
um kerfisins og samtímis eru
allir notendur bæjarins komnir í
samband.
Ef um er að ræða sjónvarps-
efni sem greiða þarf áskrift fyrir
eins og t.d. Stöð 2, er tæknilega
auðvelt í kapalkerfinu að loka
fyrir það sjónvarpsefni með svo-
kölluðum síum til þeirra not-
enda sem ekki hafa áhuga á að
greiða afnotagjöldin. Þetta gerir
mögulegt að dreifa Stöð 2
óruglaðri á kapalkerfinu til
þeirra sem greiða afnotagjöldin
án þess að þeir þurfi að fjárfesta
í afruglurum.
Til þess að svo megi vera þarf
að gera samkomulag við hlutað-
eigandi sjónvarpsstöðvar eins og
dæmi eru um í sambandi við
Stöð 2.
Hverjir eru möguleikarnir?
Erlendis hefur mjög ör þróun
verið í notkunarmöguleikum
kapalkerfanna. Þar sem þarna
er fyrir hendi fjarskiptasam-
band frá einum stað í bænum til
allra bæjarbúa eru þjónustu-
möguleikarnir miklir.
Hér skulu talin nokkur dæmi:
Tilkynningar og auglýsinga-
sjónvarpsrás fyrir bæjarfélagið.
Þ.e. skjá auglýsingar um allt
sem hingað til hefur verið aug-
lýst með veggspjöldum eða
hljóðvarpi, fundir, skemmtanir,
gjalddagar, tilboð dagsins frá
kaupfélaginu o.s.frv. Þetta er
gert með tölvu sem tengd er höf-
uðstöð.
Beinar sjónvarpsútsendingar
frá viðburðum í bænum,
fundum, skemmtunum, skóla-
útsendingar, íþróttir o.s.frv.
Til þess þarf sjónvarps-
myndavélar sem á auðveldan
hátt með tengja kapalkerfinu
þannig að allir notendur geti
fylgst með.
Video-leigu (Pay-TV) er hægt
að reka á kapalkerfi og nýtur
mjög mikilla vinsælda víða er-
lendis í dag. Til þess þarf not-
andinn sérstakan afruglara þar
sem hann getur valið hvaða
mynd hann vill horfa á. Afrugl-
arinn geymir upplýsingarnar um
hvaða myndir notandinn hefur
horft á og afnotagjald er í hlut-
falli við það.
Kapalkerfi er einnig farið að
nota sem öryggiskerfi. Þ.e.
bruna-, vatns-, þjófa- skynjarar
í húsi úti í bænum geta verið
tengdir inn á kapalkerfið og gert
viðvart t.d. á lögreglustöðinni.
Kostnaður
Stofnkostnaður við kapal-
kerfi í einbýlishúsahverfi er í dag
á bilinu 30.000, - 35.000,- kr. á
hús.
Þá er miðað við kapalkerfi
sem getur flutt 30 sjónvarpsrásir
og 30 FM-hljoðvarpsrásir og
höfuðstöð sem sendir út RUV-
sjónvarpið, Stöð 2 óruglaða,
þrjár FM-hljóðvarpsstöðvar og
tvær erlendar gervihnattsjón-
varpsrásir.
Ný sjónvarpsrás frá gervi-
hnetti kostar ca. 1000 kr. á
notanda.
Til samanburðar má hafa
hvað kostar einstakling að koma
sér upp eigin búnaði:
RUV-sjónvarpsloftnet og FM-
hljóðvarpsloftnet með uppsetn-
ingu: . ca. 7.000 kr.
Stöð 2 loftnet + afruglari með
uppsetningu: . ca. 20.000 kr.
Einstaklings-móttökubúnaður
fyrir gervihnattasjónvarp (4
rásir) . 150.000 kr.
Stóra spurningin er þessi:
Ætla Grindvíkingar að nýta
þessa tæknilegu möguleika, eins
og t.d. íbúar á Hellu, Höfn og
Seltjarnarnesi hafa gert — eða
búa áfram við óbreytt ástand?
Trúarleg tónlist í Grindavíkurkirkju:
Celebrant Singers
í heimsókn
Þann 7. júlí var Celebrant
Singers hópurinn frá Bandaríkj-
unum með konsertsamkomu í
Grindavíkurkirkju, en hópurinn
hefur að undanförnu farið víða
um land. Það sem einkennir
Celebrant Singers er aðallega
tvennt. Mjög vandaður flutn-
ingur trúar tónlistar og mikill
trúarhiti.
Milli 60 - 70 Grindvíkingar
mættu til að eiga kvöldstund
með hópnum og óhætt er að
fullyrða að allir dáðust að vel
fluttri og ljúfri tónlistinni, en
um afstöðuna til trúarhitans og
annars í ætt við hann, sem fólk
hér á ekki að venjast, verður
ekkert sagt. En kvöldið var
Ijúft!