Bæjarbót - 01.09.1987, Blaðsíða 6

Bæjarbót - 01.09.1987, Blaðsíða 6
6 Bæjarbót, óháð fréttablað Ýsa Árið 1986 var ýsuaflinn tæp 50 þús. tonn og er gert ráð fyrir að aflinn árið 1987 verði svipað- ur. Veiðistofninn þ.e. fjögurra ára og eldri ýsa er nú áætlaður 175 þús. tonn og hrygningar- stofninn rúm 105 þús. tonn. Þetta eru svipaðar niðurstöður og fengust við síðustu úttekt á ástandi ýsustofnsins árið 1986. Mat á árgangastærð fjögurra ára ýsu og eldri hefur þannig breyst lítið, en öðru máli gegnir um árganginn frá 1985. Sá ár- gangur hefur nú verið endur- metinn og er talinn mjög sterk- ur. Ennfremur er árgangurinn frá 1984 allsterkur en árgangur frá 1985 er sá langstærsti, sem fram hefur komið í tæp 30 ár. Framreikningar á stærð ýsu- stofnsins fyrir árin 1988 til 1990 sýna að ýsustofninn mun vaxa mjög ört á næstu árum, sérstak- lega eftir árið 1988. Hafrann- sóknarstofnunin leggur því til að að aflahámark árið 1988 verði 60 þús. tonn og 70 þús. tonn árið 1989. Karfi Karfi sem veiðist á Austur- Grænlandsmiðum, við ísland og Færeyjar, er talinn vera úr sama stofninum. Karfastofnin- um hefur hnignað á undanförn- um árum en nú virðist sem þessi þróun hafi stöðvast í bili. Nokk- ur samdráttur varð í karfaafla íslendinga árið 1986 sem stafar af minni sókn í karfa. Á árinu 1987 er gert ráð fyrir að karfa- afli verði svipaður og árið 1986 (85 þús. tonn), nema til komi meiri háttar breytingar á sókn. Niðurstöður úr nýju stofn- mati á karfa eru mjög áþekkar og í síðustu úttekt (1986) en ekki tókst að gera úttekt á djúpkarfa frekar en áður. í framreikn- ingum á þróun karfastofnsins næstu árin mun veiðistofn minnka lítillega við 80 þús. tonna ársafla árið 1988. Sé mið- að við 60 þús. tonna afla mundi bæði veiði- og hrygningarstofn stækka Iítillega. Mælt er með að afli á djúp- karfa verði ekki aukinn umfram það sem veitt hefur verið nokkur undanfarin ár. Þar sem hlutur djúpkarfa íslendinga hefur minnkað, leggur Hafrann- sóknastofnunin til að áfram verði dregið úr sókn og að há- marksafli á íslandsmiðum árið 1988 verði 75 þús. tonn af báðum karfategundunum. Grálúða Gert er ráð fyrir að grálúðu- afli árið 1987 verði 35 þús. tonn. Við nýja úttekt á ástandi grá- lúðustofnsins kemur í ljós að ný- liðun er hærri og stofninn stærri, sem byggist á endurskoð- uðu sóknarmynstri eftir aldri í stofninum. Við 20 þús. tonna afla mun stofninn vaxa nokkuð og við 30 þús. tonna afla mun stofninn vaxa lítillega en við 30 þús. tonna afla 1988 minnkar gráðlúðustofninn. Hafrannsókn- arstofnunin leggur því til að leyfi- legur hámarksafli íslendinga verði 30 þús. tonn árið 1988 og 1989. Síld Síldaraflinn árið 1986 var rúm 65 þús. tonn. Sumargotssíldar- stofninn var mældur í janúar árið 1987. Miklu minnamældist af yngri árgöngum veiðistofns- ins heldur en búist var við miðað við fyrri mælingar á stærð stofnsins. Ástæðurnar fyrir van- mati á stærð yngri árganganna felast fyrst og fremst í óvenju- legri útbreiðslu síldarstofnsins árið 1987. Síldin var nú miklu meira uppi í fjörum en áður og kom þess vegna illa til skila á dýptarmælum rannsókna- skipsins. Vegna augljóss mis- ræmis milli síðustu bergmáls- mælinga og fyrri mælinga á stærð síldarstofnsins var ákveð- ið að notast ekki við síðustu mælingar að þessu sinni. Stofn- stærð í ársbyrjun 1987 var fundin með því að framreikna hana frá ársbyrjun 1986 og taka tillit til sildaraflans á vertíðinni 1986. Samkvæmt þessum fram- reikningum á stofnstærð leggur Hafrannsóknarstofnunin til að síldaraflinn á haustvertíð 1987 fari ekki yfir 70 þús. tonn. Ufsi Ufsaaflinn árið 1986 var rúm- lega 66 þús. tonn, en gert er ráð fyrir að árið 1987 verði aflinn 70 þús. tonn. Athyglisvert er að talsvert veiddist af þriggja ára ufsaí botnvörpu og gæti það bent til þess að hér væri um stóran ár- gang að ræða. í nýju stofnmati er gert ráð fyrir áþekkri stofn- stærð í ársbyrjun 1987 og fram kom við síðustu úttekt haustið 1986. Ennfremur er gert ráð fyrir að árgangur 1983 sé stór. Miðað við þessar forsendur mun bæði veiðistofn og hrygningar- stofn ufsa fara vaxandi á næstu árum. Hafrannsóknarstofnunin leggur til að sókn í ufsastofninn verði ekki aukin frekar og að aflahámark árið 1988 verði 75 þús. tonn og 80 þús. tonn árið 1989. Loðna Heildaraflinn á loðnuvertíð 1986-1987 var 1.332 þús. tonn, en í janúar 1987 kom í ljós, þegar kynþroska hluti stofnsins var mældur aftur við betri skil- yrði en um haustið að óhætt myndi að auka loðnukvótann frá því sem verið hafði fyrir. Bergmálsmæling á ókynþroska loðnu af árgöngum 1984 og 1985 fór fram í janúar/febrúar 1987. Allmikið var um rekís á ytri hluta útbreiðslusvæðisins og þess vegna er árgangurinn frá 1985 talinn verulega vanmetinn. Þar sem veiðarnar á vertíð 1987/1988 munu að mestu byggjast á þessum árgangi var leitað annarra leiða til þess að meta stærð hans. Til þess að framreikna stærð 1985 árgangs- ins í byrjun sumarvertíðar 1987 var gerður samanburður á stærð loðnuárganga eins og þeir hafa mælst sem eins árs fiskur í ágúst og október og síðar þegar sömu árgangar voru tveggja, þriggja og fjögurra ára gamlir. í sam- ræmi við þessar niðurstöður er lagt til að leyfilegur hámarksafli á tímabilinu júlí - nóvember 1987 verði 500 þús. tonn. Stærð veiðistofns loðnu verður mæld aftur í október 1987 eins og venja hefur verið á undanförn- um árum. Að þeim loknum verða settar fram tillögur um há- marksafla fyrir seinni hluta 1987 -1988 vertíðarinnar. Ekki eru gerðar tillögur um hámarksafla á sumarvertíð 1988. Rækja Rækjuafli hefur farið ört vax- andi undanfarin ár sérstaklega eftir að veiðar á djúpslóð hófust fyrir alvöru. Heildaraflinn árið 1986 var tæplega 36 þús. tonn en var 26 þús. tonn árið 1985. Sam- dráttur var í rækjuafla á grunn- slóð árið 1986 um 25% eða sem nemur 2.200 tonnum. Aukning rækjuafla á djúpslóð árið 1986 stafaði af stækkun veiðisveiða en auk þess fundust ný mið út af NA-landi og má rekja aflaaukn- ingu að 2/3 hluta til þessa. Auk þess hefur sóknin farið vaxandi. Árið 1987 er fyrirsjáanleg mikil sókn í úthafsrækju. Gert er ráð fyrir að hámarksafli á rækju á grunnslóð verði svipaður og var á árinu 1986. Humar Humarveiðarnar gengu mjög vel 1986 og varð afli á sóknar- einingu sá mesti síðan 1966. Alls veiddust 2.540 tonn. Gert er ráð fyrir að aflinn árið 1987 verði 2.750 tonn en allt bendir til þess að meðalafli 1987 verði svipaður og 1985, þe. nokkru minni en 1986. Hafrannsóknarstofnunin leggur til að sókn í humar verði áfram miðuð við kjörsókn og leyfilegur hámarksafli árið 1988 miðist við 2.600 tonn. Skýrsla Hafrannsóknarstofnunar um ástand nytjastofna og horfur framundan: Leggur til 20% sóknar- minnkun í þorskstofninn —þorskárgangurinn frá 1986 talinn mjög lítill Ástand umhverfisþátta í sjón- um við ísland er einkum metið af gögnum sem safnað er allt umhverfis landið að vorlagi ár hvert. í heild sýndu niðurstöður vorleiðangurs 1987 framhald á því góða árferði sem verið hefur í sjónum við landið síðan í árs- lok 1983. Mikill gróður mældist í hlýsjónum vestanlands og út af Vestfjörðum. Fyrir Norðurlandi gætti áhrifa hlýsjávar austur að Langanesi, nema djúpt út af Húnaflóa, en þar gætti áhrifa pólsjávar samfara rekís. Fyrir Norðurlandi var átumagnið sambærilegt við það sem mæld- ist 1985 og meira en bæði 1984 og 1986. Lítil áhrif ferskvatns- flæðis við Suður- og Vesturland og áhrif rekíss og pólsjávar við vestanvert Norðurland kunna hinsvegar að hefta árangur klaks við Suðvesturland og rek seiða inn á norðurmið seinna í sumar. Þorskur Fyrstu fimm mánuði ársins 1987 voru gæftir betri en sömu mánuði 1986. Hins vegar var þorskafli bæði árin mjög svip- aður. Búist er við að afli árið 1987 verði um 360 þús. tonn. í veiðinni mun árgangurinn frá árinu 1983 vera allt að helming- ur aflans í fjölda. Meðalþyngd þorsks á þessu ári og kynþroska- hlutfall eftir aldri er mjög svipað og 1986. Nýliðun í þorskstofninum er á þann veg að árgangar 1983 og 1984 eru allsterkir, árgangur 1985 er talinn vera í meðallagi en árgangur 1986 er hins vegar tal- inn mjög lítill. Ekki varð vart við neinar göngur þorsks frá Grænlandsmiðum og ekki er gert ráð fyrir neinum göngum þaðan í allra nánustu framtíð, enda þorskstofnar þar í mikilli lægð. Samkvæmt nýrri úttekt er ástand þorskstofnsins svipað og kom fram í síðustu skýrslu Haf- rannsóknarstofnunarinnar frá september 1986. Veiðistofn í ársbyrjun 1988 er áætlaður 1.160 þús. tonn og hrygningar- stofn 360 þús. tonn. Ef veidd verða 400 þús. tonn á árinu 1988 og 1989 minnkar þorskstofninn um 200 þús. tonn fram til ársins 1990, en hrygn- ingarstofn stendur í stað. Við 350 þús. tonna afla mun veiði- stofn haldast óbreyttur 1988 og 1989 en minnka um 10% árið 1990. Hrygningarstofn mun þó vaxa lítillega. Við 300 þús. tonna veiði vex stofninn lítið eitt á næstu árum. Hrygningarstofn mun hins vegar vaxa örar og verða um 500 þús. tonn árið 1990, þá munu veiðidánarstuðl- ar lækka verulega á næstu árum. Til þess að ná þessu marki þarf sóknin í þorskstofninn að minnka um 20% á ári næstu tvö árin. Ef stefnt skal að því að stofninn stækki telur Hafrann- sóknarstofnunin æskilegt að afli verði takmarkaður við 300 þús. tonn árið 1988 og 1989.

x

Bæjarbót

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bæjarbót
https://timarit.is/publication/1421

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.