Bæjarbót - 04.12.1987, Blaðsíða 8

8 Bæjarbót, óháð fréttablað
Þorvaldur Ólafsson, stjómarformaður:
, ,Iðnþróunarfélag Suðurnesja
er á tímamótum“
— sameining við fjárfestingafélagið
Athöfn hf. kemur til greina
Á aðalfundi SSS flutti Þor-
valdur Ólafsson iðnrekandi og
stjórnarformaður Iðnþróunar-
félags Suðurnesja ræðu þar sem
hann fjallaði um I.S. í nútíð og
fortíð. Það kunna að vera tíma-
mót framundan hjá félaginu,
eins og svo víða í atvinnulífinu.
Hér koma glefsur úr ræðu Þor-
valdar.
„Félagið var stofnað að
frumkvæði atvinnumálanefnda
sveitarfélaganna í apríl 1984.
Markmið þess er að stuðla að
eflingu atvinnulífsins á Suður-
nesjum.
Hvernig hefur svo verið stað-
ið að málum?
Haldin hefur verið fjöldi
námskeiða um stofnun og rekst-
ur fyrirtækja.
Félagið hefur aðstoðað mörg
fyrirtæki við gerð umsókna í
hina ýmsu fjárfestingasjóði
landsins.
Það hefur aðstoðað fyrirtæki
hér á svæðinu við gerð markaðs-
og söluáætlana og við endur-
skipulagningu og hefur stuðlað
að stofnun nýrra fyrirtækja.
Félagið hefur árlega haldið
námskeið í Grunnskólum Kefla-
víkur og Njarðvíkur um rekstur
fyrirtækja.
í dag eru verkefnin helst þessi:
Nýlokið er stóru námskeiði fyrir
stjórnendur fyrirtækja, sem bar
nafnið „Framfarasókn fyrir-
tækja“. Námskeiðið stóð
nokkrar helgar og fjallaði um
stefnumörkun, stjórnun, vöru-
þróun og markaðssókn. Einnig
er í gangi þróunarverkefni fyrir
Keflavík og Njarðvík. Verkefn-
ið er tímabundið og er stjórnað
af sérstakri verkefnastjórn.“
Síðar í ræðunni sagði Þor-
valdur: „Ef form félagsins væri
hlutafélag þá er ljóst að hægt er
að ná meiri fjármunum til fél-
agsins, til að styrkja starfsem-
ina. Mun auðveldara er fyrir
sveitarfélög, fyrirtæki og ein-
staklinga að kaupa hlutabréf í
I.S., sem yrði þá eign aðilanna,
heldur en að fá í hendur kvittun
fyrir félagsgjöldum og styrkj-
um, sem er hreinn og beinn
kostnaður. Hugmyndin var sú
að aðeins lítill hluti af hlutafénu
yrði notaður til eigin rekstrar,
heldur yrði það ávaxtað á annan
arðbæran hátt og síðar yrði
hluthöfum greiddur arður af
hlutafénu.
Starfsemin yrði fjármögnuð
af tekjum vegna verkefna og
hinu árlega ríkisframlagi til I.S.
Á aðalfundi I.S. 25. júní 1987
var samþykkt tillaga þess efnis
að meta og undirbúa formbreyt-
ingar félagsins í hlutafélag. Að
þessum málum hefur stjórnin
unnið.
í október s.l. barst félaginu
bréf frá hlutafélaginu Athöfn
um viðræður varðandi samein-
ingu Iðnþróunarfélagsins og
Athafnar hf.
Sem kunnugt er var Fjárfest-
ingarfélagið Athöfn hf. stofnað
í nóvember 1986. Tilgangur þess
var m.a. að beita sér fyrir bygg-
ingu Heilsuhótels við Svarts-
Þorvaldur Ólafsson stjórnarfor-
maður I.S.
engi, sem að mínu mati á mikla
framtíð fyrir sér.“
Að lokinni ræðu Þorvaldar
var hann spurður hver væri hans
framtíðarsýn varðandi Iðnþró-
unarfélagið.
„Ég vil sjá traust félag í eign
sveitarfélaga, verkalýðsfélaga,
fyrirtækja og einstaklinga.
Félag sem getur haldið uppi ráð-
gjafaþjónustu, sem tekur bæði
til tækni og fjármálaráðgjafar.
Félag sem yrði fjárfestingarfélag
jáfnframt og tekur virkan þátt í
stofnun og stjórnun þeirra fyrir-
tækja sem það á aðild að.“
Fyrirtækjaskrá fyriröll Suðurnes
Nú stendur yfir söfnun fyrir-
tækja og félaga í eina heildar-
skrá fyrir Suðurnesin. í skránni
mun verða að finna upplýsingar
um atvinnulífið og þróun þess
að myndrænu formi, götukort
af einstökum bæjum og aðrar
upplýsingar.
Höfuðuppistaðan í þessari
skrá verða upplýsingar um fyrir-
tæki og félag á Suðurnesjum.
Markmiðið með þessu er að
stuðla að því að íbúar á Suður-
nesjum viti meira um þá þjón-
ustu sem hér er í boði á einstaka
stöðum og viti meira um fram-
leiðsluvörur og starfsemi ein-
stakra fyrirtækja og félaga.
Það er Iðnþróunarfélag
Suðurnesja sem stendur að
ÍMm GRÓFIN 7
KEFLAVÍK
SÍMI 11950
*
Bílasprautun
Réttingar
Litablöndun
Efnissala
Nordsjö
málningarvörur
þessu verkefni og er fyrirhugað
að gefa út þessa svokölluðu fyr-
irtækjaskrá í 10.000 eintökum
sem dreift verður endurgjalds-
laust í hvert hús hér á Suðurnesj-
um og víðar.
Iðnþróunarfélagið á Austur-
landi stóð að útgáfu af sam-
bærilegri skrá fyrir Austurland
og var þátttakan um 95%.
Skráin verður í snyrtilegu
bandi og verður eiguleg. Eftir að
hún er komin út, sem verður
skömmu eftir áramót, verður
gert átak í að kynna almenningi
skránna og fólki kennt að fletta
upp í henni og nota hana.
Þátttökufyrirtækin greiða
fyrir þátttökuna í skránni og
verður verðlagi stillt þannig í
hóf að enginn getur neitað þátt-
töku af þeim sökum. Fyrir 3
dálksentimetra greiðist 4.500 kr.
og fyrir hvern sentimetra um-
fram kr. 1.000. Flest fyrirtæki
munu því aðeins þurfa að greiða
grunngjaldið.
Það er í lagi að nefna það að
það er næstum helmingi ódýrara
að taka þátt í skránni á Suður-
nesjum en fyrir austan. Ástæð
an er einfaldlega sú að auðveld-
ara er að safna upplýsingum og
prentun, litgreining og bókband
verður boðið út.
Vinsamlegast takið fólki frá
Iðnþróunarfélaginu vel þegar
það býður ykkur þátttöku.
Jón E. Unndórsson.
Halló! Halló!
Okkur vantar húsgögn í Kvennó (sem við köllum
nú ÞRUMUNA!). Pullur, sófar, koddar — margt
kemur til greina. Ekki henda því gamla! Kannski
getum við notað það!
Hafið samband við skólann í símum 68555 eða
68020.
Kærar kveðjur,
Nemendaráð,
Grunnskóla Grindavíkur.
Fjölbrautaskóli
Suðurnesja
Innritun á vorönn 1988
Innritun nýnema á vorönn 1988 er hafin
og lýkur 10. desember. Innritun fer fram á
skrifstofu skólans og skulu umsækjendur
leggja með umsókn staðfest eintak af grunn-
skólaprófi ásamt kr. 1.000 í staðfestingar-
gjald.
Skólameistari
SJUKRALIÐANAM
Vakin er athygli á því að FS í samstarfi við
Sjúkrahús og heilsugæslustöð Suðurnesja
hefur fengið heimild til að brautskrá sjúkra-
liða.
Námsbraut sjúkraliða verður starfrækt á
vorönn 1988 ef næg þátttaka fæst.
Umsækjendur skulu hafa lokið námi af
tveggja ára heilsugæslubraut. Umsóknum
skal skila á skrifstofu skólans fyrir 10.
desember 1987. SkÓlamelstari
VÉLSTJÓRNARNÁM
Vakin er athygli á því að vélstjórnarbraut
FS hefur verið endurskipulögð. Á vorönn
1988 geta nemendur skráð sig til 1. stigs vél-
stjórnarnáms (vélavarðarnám) sem tekur 1
önn eða 2. stigs vélstjórnarnáms sem tekur 4
annir.
Innritun lýkur 10. desember 1987.
Skólameistari
^ MEISTARASKÓLI
Meistaraskóli byggingarmanna (1. önn)
verður starfræktur á vorönn 1988 ef næg
þátttaka fæst.
Umsóknum skal skilað á skrifstofu skól-
ans fyrir 10. desember n.k. ásamt staðfestu
ljósriti af sveinsprófi.
Skólameistari
Jólablaðið kemur út 18. desember.
Þeir sem vilja koma að auglýsingum eða
jólakveðjum eru beðnir að hafa samband
við blaðið. — Síminn er 68060.