Gríma - 01.09.1942, Blaðsíða 50

4.
Draugasögur.
a. Reykja-Duða.
[Sbr. „Jóka“ í ÞjóSs. Jóns Árnasonar, I. bls. 291—293; sömul.
„Fnjóskdæla saga“ Sigurðar Bjarnasonar, Nýjar Kvöldvökur
1932, bls. 88—91. Handrit Jónasar Rafnars.]
Jóakim hét maður og var Rafnsson. Hann var ætt-
aður úr Eyjafirði og átti þar heima fram á elliár.
Fæddur var hann árið 1753, eftir því sem næst verð-
ur komizt. Þótti hann hinn efnilegasti maður, var vel
látinn og betur að sér til bókar en þá var títt. — Þeg-
ar Jóakim var á þrítugs aldri, komst hann í kynni við
stúlku, er Jórunn hét, Jónsdóttir, og var þá í Hvammi
í Hrafnagilssókn. Lagði hún ákafa ást á Jóakim, en
hann gat ekki fellt sig við hana og forðaðist hana eftir
því sem hann gat, enda var hún nokkru eldri en hann;
sótti hún lengi vel því ákafar eftir, en að lokum sá
hún sitt óvænna og vistaðist norður að Múla í
Reykjadal. Seint á hausti 1783 fór hún í orlof sitt að
norðan inn í Eyjafjörð og dvaldi þar um skeið hjá
vinum og vandamönnum. — Það ár mun Jóakim
hafa átt heima á Garðsá í Kaupangssókn. Þá vetraði
snemma, og var peningur tekinn í hús mánuði fyrr en
vant var. Rétt fyrir eða um miðjan nóvember átti
Jóakim erindi austur í Fnjóskadal, fór fyrst að Kaup-
angi og gisti þar, en ætlaði snemma daginn eftir að