Gríma - 01.09.1942, Blaðsíða 64
62
DRAUGASÖGUR
[Gríma
henni stóð stuttpilsuð stelpa með skotthúfu á höfði;
hvarf hún brátt inn í dimmuna að baki sér. Að stund-
arkorni liðnu komu Hleiðargarðsmenn úr kaupstað;
dokuðu þeir við á hlaðinu á Stokkahlöðum, og einn
þeirra kom inn í bæjardyrnar og nam staðar yzt í
skálaganginum, þar sem stelpan hafði staðið. —
Þenna sama dag sá Guðrún Jónsdóttir, kona Magn-
úsar kaupmanns á Grund, stuttpilsaða stelpu með
skotthúfu þar fram frá. Var það rétt áður en Hleiðar-
garðsmenn fóru þar um.
Þegar Daníel Sigfússon í Núpufelli lá banaleguna
(f 19. jan. 1899), var piltur frá Hleiðargarði, er Páll
hét, sendur út á Grenivík til Sigurðar læknis Hjör-
leifssonar (Kvarans) til þess að leita meðala. Nóttina
áður en Páll lagði af stað að heiman, bar svo við á
Þórisstöðum á Svalbarðsströnd, að vinnukonu þar
dreymdi, að stelpa kæmi inn í baðstofuna. Var hún
í pilsgopa, er náði ofan á hné, með skotthúfu á höfði
og að öllu hin ótótlegasta. Þóttist vinnukonan spyrja
stelpuna, hvert hún ætlaði, og svaraði hún því, að hún
ætlaði út í Höfðahverfi eða á Grenivík, en mundi
koma fljótt aftur og doka þá við. Sneri stelpan svo
fram aftur, en stúlkan vaknaði og sagði draum sinn
um morguninn. Um kvöldið kom Páll að Þórisstöðum
og baðst gistingar; var hann þar vel kunnugur áður.
Daginn eftir hélt hann ferð sinni áfram, lauk erindum
sínum á Grenivík og náði aftur að Þórisstöðum um
kvöldið til gistingar. Svo hagaði þar til, að kýr voru
hafðar undir baðstofulofti. Um nóttina vaknaði fólkið
við það, að ólæti mikil heyrðust úr fjósinu, en eink-
anlega var það kálfur, sem verst lét; korraði í honum
eins og verið væri að hengja hann. Fór Árni bóndi á
fætur til þess að vita, hvað um væri að vera. Var þá