Gríma - 01.09.1942, Blaðsíða 76
74
FORSPÁR
[Gríma
líklegra, að eg verði dáinn, þegar það fæðist.“ —
Þetta gekk eftir. Svo sem kunnugt er, andaðist séra
Björn 19. des. 1882.
Ekki er það kunnugt, hvaðan prófasti kom þetta
hugboð sitt, því að þess gat hann ekki.
c. Dauðaspá Þuríðar.
[Handr. Jóns Jakobssonar að Árbæ á Tjörnesi 1908. Sögn Jó-
hannesar Guðmundssonar, en honum sagði Pétur Buch.]
Þegar Pétur Buch, sonur Nikulásar Buchs, norsks
manns, bjó í Mýrarseli, þar sem nú eru beitarhús frá
Laxamýri, var hjá honum kona, sem Þuríður hét
Árnadóttir. Var hún þar fyrst í húsmennsku, en síðar
á hrepp. Hún var fædd á Kjarna í Eyjafirði. — Þann
7. sept. 1834 kom hún að máli við Pétur og sagði
honum, að þann dag ætlaði hún út á Húsavík; þurfi
hann svo ekki að hafa fyrir því að sækja sig aftur,
því að hún eigi ekki eftir nema þrjá daga ólifaða. Tók
Pétur víst lítið mark á þessum ummælum Þuríðar
og lét hana ráða ferð sinni, en heilu og höldnu komst
hún út á Húsavík um daginn. Þar dó hún á þriðja
degi, 10. sept. 1834, 81 árs að aldri.
d. Forspár Jóns prófasts Steingrímssonar.
[Sögn Jóns trésmiðs Pálssonar á Húsavík 1907.]
Hinn nafnkunni prófastur, séra Jón Steingrímsson,
bjó að Prestsbakka á Síðu, þar sem jafnan hafði verið
hið ákveðna prestsetur; en þar var þá engin kirkja
og hafði aldrei verið. Þar dó hann árið 1791.
Þegar séra Jón lá banaleguna, spáði hann því, að
kirkjan á Kirkjubæjarklaustri mundi síðar verða
flutt að Prestsbakka, og skyldu menn hafa það til
sannindamerkis, að þegar lík hans yrði flutt til greftr-