Bændablaðið - 24.05.2017, Blaðsíða 41
41Bændablaðið | Miðvikudagur 24. maí 2017
Smæð margra býla takmarkar sölu
til stórmarkaða en bændamarkaðir
veita tækifæri til að fá betra verð og
aðgengi að stórum kúnnahóp.
Hins vegar heyrði ég óánægju líkt
og frá Rob Montgomery sem var
ósáttur við að mega ekki nota orðið
lífrænt nema með árlegu leyfi frá
alríkisstofnun (USDA) sem kostar
frá 70–140.000 kr., þó svo hann
hafi ræktað lífrænt grænmeti í 25
ár. Óánægja með vaxandi kostnað
og skrifræði sem hið opinbera leggur
á bændur var nokkuð sem ég heyrði
víðar í Bandaríkjunum, burtséð frá
umfangi ræktunar.
Nær stöðugt streymi fólks var
um markaðinn þar til borðum var
pakkað saman og verðin hríðféllu
undir hádegi. Tilboðsverð voru
kölluð yfir óm umferðarinnar og
síðustu gestir fengu afgangs ávexti
á gjafaprís. Þegar bændur og borð
þeirra voru komin í pallbílana kom
Dan Best gangandi undan skugga
hraðbrautarinnar, en hann hefur
rekið markaðinn síðan 1981 og segir
markmiðið að veita smábændum
rekstrargrundvöll og halda
landsvæðum í ræktun. Afraksturinn
er aukinn áhugi almennings og
stórmarkaða sem kjósi í auknum
mæli að versla við smábændur
fyrir ferskleika sakir og mun hin
síðarnefnda þróun líklega hægja á
vexti bændamarkaða.
Þannig má segja að mótlætið sem
smábændur upplifðu stóran hluta
20. aldarinnar frá valdamiklum
pökkunarfyrirtækjum sem stjórnuðu
aðgengi að mörkuðum, sé í dag orðið
að mótbyr vegna kröfu almennings
um ferskleika og nálægð við
framleiðslu.
Ósýnilegi mjólkurbíllinn
Á skrifstofu Michelle Sneed,
sérfræðings í jarðsigi hjá
Jarðfræðikönnun Bandaríkjanna
(USGS), hangir kort með
upplýsingum um eitt alvarlegasta
vandamál landbúnaðar í Central
Valley. Vandann má rekja til aukinnar
grunnvatnsdælingar á fyrri hluta 20.
aldar, þó svo meirihluti áveituvatns
komi enn frá snjóbráð Sierra
Nevada-fjallanna. Með aukinni
ræktun vatnsfrekra nytjaplantna
jókst dæling grunnvatns allan ársins
hring, en sér í lagi á þurrkatímum
líkt og ríkt hefur undanfarin áratug
í Kaliforníu. Þegar unnið var að
byggingu núverandi vatnsveitukerfis
upp úr miðri síðustu öld leiddu
mælingar jarðvísindamanna í ljós
umfangsmikið jarðsig. Dæling úr
grunnvatnskerfi umfram náttúrulega
endurnýjun leiðir til samfalls
sandkorna og tilheyrandi lækkunar
gunnvatnsstöðu. Grunnvatnskerfið
varð til á milljónum ára með
framburði úr Sierra Nevada-fjöllum,
en með aukinni dælingu hefur sjálf
jörðin undir ökrum dalsins lækkað,
sandkorn þjappast saman og
eiginleikar grunnvatnskerfisins til
að halda vatni glatast til frambúðar.
Frásagnir af jarðsigi komu fyrst frá
SOLA-KARMOD GISTIHÚS
Gistihús • Salernishús • Geymslur
Við leysum á einfaldan og hagkvæman hátt eftirfarandi:
• Gistiaðstöðu
• Salernisaðstöðu
• Geymslurými
Við bjóðum fjölbreyttar og mjög hagkvæmar lausnir í smáhýsum, rekstrar vörum
sem og margskonar aukabúnað og þjónustu.
Vinsamlega hafið samband við Eggert í sími 7747090
farvel.is farveltravel farvel_travel farvel@farvel.is415 0770
NÁNARI UPPLÝSINGAR Á VEFSÍÐU FARVEL.
MeXíKó
UNAÐUR, GLEÐI OG KRYDD VIÐ KARÍBAHAFIÐ
FARARSTJÓRN: ALEXANDRA SIGURÐARDÓTTIR
2.–16. OKTÓBER
VERÐ FRÁ 279.000 KR.
Sími: 517-8240 - Súðarvogur 20 - www.eyjalind.is
Vertu vinur okkar á Facebook Viðurkenndur söluaðili Dana Spicer - Atvinnutæki
- Skiptingar
- Öxlar
- Drifsköft
- Varahlutir
Kort á skrifstofu Michelle Sneed með upplýsingum um landsig í San Joaquin-
dalnum, hluta af Central Valley.
Helsta áveita möndlutrjánna kemur frá snjóbráð Sierra Nevada-fjalla, eftir
Stanisslav-ánni og þaðan í vatnsskurði.
– Framhald á næstu síðu.
Appelsínutré á akri Kibby-hjóna.