Þjóðólfur - 20.12.1942, Blaðsíða 5
ÞJOBOLFUR
JÓLABLAÐ 1942
GRETAR FELLS:
Ég játa tró á jólin.
Er jarðar fauk í skjólin
og myrkvuðust lönd — og menn,
þau ljómuðu líkt og sólin
og lýsa heimi enn.
Sjá, virki falla fúin.
Hin fagra jólatrúin
fær borgir byggt á ný.
Hún gyllir geislum búin
hvert gráts- og harmaský.
Og jólaklukkur kalla
til kærleiks himinfjalla,
sem bíða, björt og heið
og eru fyrir alla
hin eina rétta leið.
Sá fagri unaðsómur
er ekki dauður hljómur,
sem skortir afl og yl.
Það er kirkja og kristindómur
að kunna á þessu skil.
Þótt eldist orð og tunga
og undir dauðans þunga
oft stynji þjökuð þjóð,
hér hljómar andans unga
og æðsta sigurljóð.
Að heims og himna milli
með huga og kærleiks snilli
sé hægt að byggja brú, —
það undur enn ég hylli.
Það er mín jólatrú.