Slökkviliðsmaðurinn - 01.06.1979, Blaðsíða 5

Setningarræða formanns LSS
Egils Olafssonar á kjaramála-
ráðstefnu LSS sem haldin var
12. og 13. maí 1979
Kæru ráðstefnugestir og fulltrúar.
Fyrir hönd stjórnar Landssambands
slökkviliðsmanna, vil ég bjóða ykkur öll
hjartanlega velkomin hingað í dag. Sérstaklega vil
ég bjóða velkomna þá þrjá aðila sem ætla að miðla
okkur af fróðleik um þau málefni, sem við ætlum
að fjalla um hér á þessari kjaramálaráðstefnu. Þau
eru frú Sigurveig Sigurðardóttir frá
Hjúkrunarfélagi Islands, en það er eina fagfélagið
innan B.S.R.B. sem semur bæði við ríki og
sveitarfélög. Herra Haraldur Steinþórsson
framkvæmdastj. Bandalags starfsmanna ríkis og
bæja og verður fróðlegt að heyra hans álit á
möguleikum Landssambands slökkvliliðsmanna
um inngöngu í B.S.R.B., ef Landsambandið
óskaði eftir slíku. Herra Eyþór Fannberg
framkv.stj. Starfsmannafélags Reykjavíkurborg-
ar og verður fróðlegt að heyra hans álit á því hver
afstaða starfsmannafélags bæjanna yrði ef
slökkviliðin í þeim félögum, segðu sig úr þeim.
Ekki get ég látið hjá líða að nefna Gunnar Eydal,
lögfræðing, en hann hefur verið stjórn
Landssambandsins innan handar um
framkvæmd og skipulag þessarar ráðstefnu.
Það vill nú svo skemmtilega til að einmitt í
dag, 12. maí eru liðin 6 ár frá stofnun okkar
samtaka, en það átti sér stað hér að Hótel Esju
þann 12. maí 1973.
Samheldni, samstarf, starfsþekking og hæfni.
Með þetta í huga var Landssamband
slökkviliðsmanna stofnað af mönnum, sem vildu
sameina alla slökkviliðsmenn í landinu undir eitt
merki. Það er því vel við hæfi, að einmitt í dag
verði hafist handa um, að kanna betur þá þætti er
varða hagsmuni okkar slökkviliðsmanna í launum
og kjörum. Það er ekki ofsögum sagt, að
kjaramálin hafa orðið að víkja, fyrir þeirri áherslu
Egill Ólafsson formaður LSS.
sem lögð hefur verið á uppbyggingu
Landssambandsins, en fram til þessa hefur
athygli stjórnarmanna L.S.S. einmitt beinst inn á
þær brautir, að efla og styrkja sambandið sem
mest, og koma hinum ýmsu málum sem upp hafa
komið, í jákvæðan farveg, og svo nálægt settu
marki sem unnt hefur verið, hverju sinni.
Eg mun ekki tefja tíma okkar á því að ræða
þessi mál frekar, en ég vil aðeins minna þá
þingfulltrúa sem hér eru mættir á það, að eins og
fram kom í kynningarbréfi, sem sent var út í
tilefni þessar ráðstefnu, þá er þessi ráðstefna fyrst
og fremst haldin til að kynna mönnum hvaða
möguleikar eru fyrir hendi, fyrir okkur
slökkviliðsmenn að standa sem sterkastir að okkar
launa- og kjaramálum í framtíðinni.
Með von um að árangur þessarar ráðstefnu
megi verða sem jákvæðastur okkur til handa, segi
ég hana hér með setta.
Egill Olafsson form.
SLÖKKVILIÐSMAÐURINN
3