Slökkviliðsmaðurinn - 01.06.1979, Blaðsíða 24
Heimsókn ritstjórnar
til Vestmannaeyja
Lagt var á stað kl. 8:30 föstudaginn 20. júlí
1979, frá slökkvistöð Keflavíkurflugvelli,
ekið var út að Suðurflugi, en með þeim var
ætlunin að fljúga. Þar var mættur
flugmaðurinn sem skyldi fljúga okkur, í 4
sæta Cessnu 1 hreyfils vél og var ferðinni
heitið til Vestmannaeyja.
I loftið fórum við um kl. 9:00, veðrið var hið
ákjósanlegasta, sól og blanka logn.
Við vorum staddir yfir eyjum um
klukkustund síðar, og var flogin einn hringur
yfír eyjarnar áður en við lentum. A
flugvellinum tók á móti okkur Kristinn
Sigurðsson, slökkviliðsstjóri í Vestmanna-
eyjum, og var hann með okkur allan tímann.
Fyrst fór hann með okkur um nýja
hraunið, þetta var stórkostleg sjón að sjá öll
vegsumerki eftir eldgosið, þegar við höfðum
skoðað hraunið, fór hann með okkur á
veitingastað, þar sem okkur var boðið upp á
hressingu.
Þegar við höfðum lokið við máltíðina, var
haft samband við formann Brunavarðafélags
Vestmannaeyja Sigurð Þ.Jónsson og ætlaði
hann að kalla saman nokkra félaga sem höfðu
Kristinn skökkviliðsstjóri og annarritstjórinn rceða
málin.
Vegsummerki eftir gosið. Húsið hálft undir hrauni.
tekið að sér, að vinna fyrir blaðið, og var
ákveðið að hittast kl. 3.
Síðan fór Kristinn með okkur niður á
slökkvistöð, og sýndi okkur tæki og búnað,
því næst í skoðunarferð um bæinn, fyrst var
skoðað Ráðhús bæjarins, nýja hverfíð, sem
hefur byggst upp eftir gos, og íþrótta-
miðstöðina. Þaðan var haldið inn í
Herjólfsdal þar sem verið var að undirbúa
Þjóðhátíð eyjamanna. Þar innfrá hafa þeir 9
holu golfvöll og knattspyrnuvöll, þetta er
geysilega skemmtilegt svæði.
Þegar hér var komið við sögu var tíminn
hlaupinn frá okkur, svo við héldum af stað til
að hitta félaga okkar á slökkvistöðinni. Voru
þeir mættir þar með ýmsan fróðleik varðandi
blaðið, þar léku menn á alls oddi og reittu af
sér brandarana. Þar sáum við hvað Kristinn
slökkviliðsstjóri var mikils virtur maður, var
hann hrókur alls fagnaðar.
Síðan skiptust menn á skoðunum, en að því
loknu, þurftu menn að snúa sér að verkefnum
dagsins, svo fundi var slitið. Báðu þeir fyrir
kveðjur til þjáningabræðra uppi á fasta landi,
og með þessusm orðum kvöddust við. Síðan
ók Kristinn með okkur út a flugvöll aftur,
flogið var þaðan kl. 4 og lent í Keflavík kl. 5.
Við biðjum að heilsa eyjamönnum og
þökkum fyrir frábærar móttökur.
Egill Olafsson
22
SLÖKKVILIÐSMAÐURINN