Fréttabréf Öryrkjabandalags Íslands - 01.03.1990, Blaðsíða 15

Gott er að vera í Geðhjálparferð.
HEIMÞRÁ
(Má syngja við Lille sommerfugl)
Yfir hafog hauður,
hefég söngsins óð.
Lifnar aftur lífsins
Ijúfust munarglóð.
Sem á sólskinsvængjum,
sigla Ijóðin mín.
Blærinn ber þau með sér,
burtu heim til þín,
yfir fjöllin há,
yfir höfin blá,
hverfég heim til þín,
hugarvængjum á.
Unga ástin mín,
aftur við mér skín,
vekur drauma og dýpstu þrá.
Gunnar Olafur
ÞÚ KARGI KLÁR
Nei, þú gamli jálkur,
þar er engum dyrum lœst.
En þú lokaðir á eftir þér.
Þú kargi klár,
slægi fjandi,
það er beðið.
Það er hlustað.
Hvenær er hann tilbúinn að
banka
upp á?
Leitaðu hvort hann er slœgur o.g
kargur enn.
Líttu þér nær.
Hlustaðu betur.
Hugsaðu á ný.
Farðu af kargastallinum.
Vertu þú sjálfur.
Kœrleikurinn bíður
undir fótum þér.
Hversu mörg tár?
Hversu mörg sár?
ILversu mörg högg?
Hefurðu lostið það
sem leitaði þín ekki?
Því það var við fætur þér.
Hreykti sér ekki,
kveinkaði sér ekki,
en bíður enn.
Manfreð
§
I djúpi hjartans dreymir Ijósið Guð
og dapra minning lýsir tíminn þrátt
þeim skilningi sem skammtar ei þitt
puð
það skyggir aðeins mynd sem
greinist brátt.
Leifur
§
EILÍFÐIN OG ÉG
Eilífðin í mínum muna,
mælist ekki hér á jörð.
1 langnœtti við Ijósabruna
les ég mína bænagjörð.
Gunnar Olafur
Þinglýsing bifreiðakaupalána
Starfsmaður Borgarfógeta-
embættisins hefur af gefnu tilefni haft
samband við lögfræðiþjónustu
Öryrkjabandalags Islands og beðið
um að eftirfarandi yrði komið á
framfæri.
Allnokkuð skortir á, að þeir sem fá
lán til bifreiðakaupa hjá Trygginga-
stofnun ríkisins vegna örorku sinnar,
séu nægjanlega upplýstir um, hvemig
þeir bera sig að við þinglýsingu
framangreindra skuldabréfa. Til að
minnka óþarfa fyrirhöfn lántakanda,
vill Borgarfógetaembættið því koma
eftirfarandi upplýsingum á framfæri,
þannig að ekki þurfi til að koma margar
ferðir til embættisins. Koma verður
með skuldabréf þessi í tvíriti þar af
annað á löggiltum skjalapappír (gulur
pappír). Undir bréfið verður að vera
ritað af lántakanda og einnig verða að
rita undir bréfið tveir vottar að
undirskrift lántakandans. Vottamir
verða að skrifa kennitölu sína, stöðu
og heimilisfang. Mjög áríðandi er að
þetta gleymist ekki þar sem fólk er
gert afturreka ef kennitölu vantar. Ef
sjálfsskuldarábyrgðaraðilar eru á
bréfinu, þurfa þeir eðlilega einnig að
skrifa undir bréfið. Skrifa verður undir
bæði eintök bréfsins af öllum aðilum.
Að lokum er rétt að geta þess, að
þinglýsing skuldabréfa kostar nokkra
fjármuni sem reiknast þannig: 1.5%
af upphæð skuldabréfsins í stimp-
ilgjald+600 krónur þinglýsingargjald.
Stimpilgjaldið reiknast þó einungis af
heilu þúsundi, þannig að hvert brot úr
þúsundi er hækkað upp í næsta þúsund.
Þannig yrði kostnaður vegna þing-
lýsingar af hærra bifreiðakaupaláni
Tryggingastofnunar 305 þúsund-
xl,5%=krónur 4.575+600 kr. þing-
lýsingargjald eða samtalskr. 5.175. A
sama hátt reiknast þetta af lægra
bifreiðakaupaláni Tryggingastofn-
unar - þannig 180 þúsundxl,5% eða
kr. 2.700+600 kr. í þinglýsingargjald,
samtals kr. 3.300. Þetta gjald verður
að greiða um leið og skjöl eru lögð inn
til þinglýsingar, að öðrum kosti fást
þau ekki móttekin hjá Borgarfógeta.
Til að spara ykkur sporin: Skrifið
sjálf undir skuldabréfið. Fáið
sjálfsskuldarábyrgðaraðila til að skrifa
undir, en slíkt er skilyrði. Látið votta
skrifa undir ásamt kennitölu sinni.
Hafið peninga meðferðis til greiðslu
kostnaðar, þá þurfið þið ekki nema
tvær ferðir til Borgarfógeta.
Lögfræðiþjónusta
Öryrkjabandalags Islands
Jóhann Pétur Sveinsson hdl.
FRÉTTABRÉF ÖRYRKJABANDALAGSINS
15