Fréttabréf Öryrkjabandalags Íslands - 01.12.1990, Qupperneq 8

aðstæður nú s.s. Hafdís Hannesdóttir,
þó hún efaði ágæti þessa í einhverjum
mæli, Sveinn Indriðason, sem vildi
kanna hönnun húsa, svo auðgerðar
yrðu allar brey tingar eftir mismunandi
fötlun, Kristín Jónsdóttir og Sigrún
Bára Friðfinnsdóttir, sem sér í lagi
minntu á vanda þeirra sem við verstan
kost búa svo og fólkið á götunni með
langvinna geðsjúkdóma, Hafliði
Hjartarson, sem sá enga stefnubreyt-
ingu í því að Ö.B.Í. nýtti sér góða lóð
og dýrmæta til þessarar byggingar.
Áfram þyrfti að veljahina margvíslegu
kosti og alhæfa ekkert.
Magnús Þorgrímsson lýsti yfir
andstöðu sinni almennt við að hrúga
fólki of mikið saman og var ekkert
sáttur við þessa hópa (fatlaða, aldraða,
S.E.M., MS) í einangruðu umhverfi.
Formaðurkvað andstöðu vissulega
vera til staðar, enda væri samskipan
úrræði framtíðarinnar. Hins vegar væri
áhugi Hússjóðs eðlilegur og
skiljanlegur.
✓
Iþessum umræðum varpaði
Ásgerður Ingimarsdóttir fram
spurningunni um hvemig með mál
skyldi fara við sífellt lengri biðlista.
Það væri örðugt hlutskipti að taka við
umsóknum fólks án þess að gefa því
nokkra von fyrr en langt inn í
framtíðina. Hún kvað langflesta sækja
eftir örygginu í Hátúninu og þar kæmi
fólk með geðræn vandamál helzt við
sögu. Ótrúleg breyting væri á
umsækjendum á tíu árum, sem vekur
upp ýmsar spumingar. Hún lagði til
ráðstefnu um stefnumörkun í hús-
næðismálum almennt og var vel undir
það tekið. Tómas Helgason lauk svo
umræðunni þar sem hann ítrekaði það
sem meginmál, að tillit væri tekið til
hinna ýmsu fatlana.
Ályktunarorð hans voru þau, að
þrátt fyrir annmarka, ætti að nýta
þennan valmöguleika. Hann vék
einnig í lokin að vanda hinna
geðfötluðu, ekki sízt þjónustuþörf
þeirra.
Næst voru lagðir fram reikningar
Öryrkjabandalagsins, Hússjóðs og
Vinnustofa fyrir 1989 og Starfs-
þjálfunar fatlaðra fyrir 1987-89.
Það var Eyjólfur Guðmundsson
endurskoðandi sem flutti og skýrði
alla þessa reikninga.
Hér verður aðeins tæpt á nokkrum
tölum úr rekstrarreikningi Öryrkja-
bandalagsins, en allirþessirreikningar
liggja frammi á skrifstofu banda-
lagsins.
Rekstrartekjur voru 101,4 millj.
þar af eru 100,4 millj. frá íslenzkri
getspá.
Rekstrargjöld Öryrkjabanda-
lagsins námu 7,4 millj. Framlög til
Hússjóðs Ö.B.Í. námu 80,3 millj.
(80%). Styrkir til aðildarfélaga og
annarra námu 6,9 millj. og þar af
stærsti liðurinn 3,6 millj. til samstarfs
Ö.B.I. og Þroskahjálpar. Næst kemur
svo Starfsþjálfun fatlaðra með 1,5
millj. Fréttabréfið kostaði 2,1 millj.
Varðandi Hússjóð Ö.B.Í. þykir
fólki eflaust forvitnilegast að
eignir alls í árslok 1989 námu um 800
millj., sem sýnir betur en annað
umfang Hússjóðsins. Svo fólk haldi
ekki að Hússjóður græði á leigjendum
sínum er skylt að geta þess, að tap af
húseignum nam á árinu nærri 7 millj.
kr.
Að öðru leyti vísast til reikn-
inganna fyrir þá talnaforvitnustu.
Að nokkrum skýringum fengnum
voru allirþessirreikningar samþykktir
samhljóða.
Séra Guðný Hallgrímsdóttir kynnti
svo samstarf Þjóðkirkju, Öryrkja-
bandalags og Þroskahjálpar.
Þar lýsti hún starf i sínu og ótrúlegri
fjölbreytni þess, en séra Guðný gerði
í síðasta Fréttabréfi glögga grein fyrir
viðhorfi sínu og væntingum.
Hún hefur greinilega tekið til
hendinni; greitt götu fatlaðra bama í
æskulýðsstarfi kirkjunnar og er nú að
vinna ásamt Carli Brand að aðgeng-
ismálum í kirkjum borgarinnar. Séra
Guðný hefur vikulegan viðtalstíma á
skrifstofu Öryrkjabandalagsins.
Því næst mælti Hafliði Hjartarson
fyrir tillögu um eignaraðild Ö.B.Í. að
Glit h.f. þ.e. tillögu stjómar um að
leggja fram eina milljón kr. í hlutafé
fyrirtækisins. Öryrkjar ættu þá enn
frekar rétt til vinnu í fyrirtækinu en
verið hefur. Tillagan var samþykkt
samhljóða.
Síðan lagði formaður fram svo-
hljóðandi tillögu um eignaraðild að
Hjálpartækjabankanum, en sú tillaga
var frá stjórn bandalagsins:
Stjóm Öryrkjabandalags Islands
leggur til að bandalagið gerist aðili að
Hjálpartækjabankanum að einum
þriðja hluta.
Gert er ráð fyrir að hlutur
Öryrkjabandalagsins verði kr.
20.000.000, sem greiðist á sjö árum
þannig að Öryrkjabandalag íslands
yfirtekur langtímaskuldir bankans pr.
31.12. '89 að upphæð kr.
14.209.617.80. Auk þess greiðir
Öryrkjabandalagið með skuldabréfi
til 7 ára með 5% ársvöxtum kr.
5.790.382.20.
Tillagan var samhljóða samþykkt.
Rætt var því næst um afmælisár
bandalagsins á næsta ári og með
hvaða hætti það skyldi helzt gert.
Formaður reifaði málið og urðu
um nokkrar umræður, hversu bezt
skyldi á málum haldið og m.a. snérust
umræður mjög um sjóðsstofnun til
minningar um Odd heitinn Ólafsson.
Afmælisnefnd tekur málið ásamt
stjóm félagsins til allrar frekari
fyrirgreiðslu.
Þá kynnti Guðrún Friðgeirsdóttir
skólastjóri starfsemi Bréfaskólans, en
þar á Ö.B.Í. 10% eignaraðild eins og
lesendur Fréttabréfsins eiga gjörla að
vita.
Hún rakti í skýru máli 50 ára
farsæla starfssögu skólans. Hún gerði
ítarlega grein fyrir námstilboðum og
námstilhögun og lagði fram mjög
greinargóðan bækling um starfsemina,
söguna og framtíðina.
Að öðru leyti vísast til frétta-
tilkynningar frá Bréfaskólanum svo
og fyrri kynningar hér í Fréttabréfinu.
Loks kynnti Helgi Seljan nokkur
meginatriði nefndarálits um
almannatryggingar, en það frumvarp
er nú í vinnslu í þingflokkum og hjá
ríkisstjóm.
Sérstaklega verður að trygginga-
málum vikið annars staðar.
Formaður sleit svo fundi og þakk-
aði góðar umræður og gagnlegar og
var klukkan þá farin að halla allmikið
í 10 síðdegis.
Alls munu um 60 manns hafa
komið á fundinn, sem var hinn
fjölbreyttasti og fróðlegasti um leið.
H.S.
8