Fréttabréf Öryrkjabandalags Íslands - 01.12.1990, Qupperneq 14

> 111« liliyil«IHBHIHUIM'l|l||li I 'llllll lll'IIIINIi llH'MIHllillflllil—
BREFASKOLINN 50 ARA
Fréttatilkynning
Bréfaskólinn hefur nú starfað
óslitið í 50 ár og var haldið upp á þessi
merku tímamót í sögu skólans, mánu-
daginn 15. október sl. í Listasafni
ASÍ.
Samvinnuhreyfingin á íslandi
stofnsetti skólann í október 1940 og
hét hann þá Bréfaskóli SÍS og rak
Sambandið hann eitt í 25 ár, þá gerðist
ASÍ eignaraðili og ráku þessi samtök
skólann saman um skeið. Síðar urðu
fleiri samtök í landinu eignaraðilar að
skólanum og reka hann nú helstu
fjöldasamtökin.
Þau eru: Alþýðusamband
Islands, Bandalag starfsmanna
ríkis og bæja, Farmanna- og
fiskimannasamband íslands,
Kvenfélagasamband íslands,
Samband íslenskra samvinnu-
félaga, Stéttarsamband bænda,
Ungmennafélag Islands og
Öryrkjabandalag Islands.
Bréfaskólinn varð sjálfseignar-
stofnun á liðnum vetri og er enn eini
skólinn á landinu sem eingöngu hefur
fjarkennslu á sinni könnu. Fyrirmynd-
in að þessari sérstæðu fræðslustofnun
á Islandi var sótt til norrænna bréfa-
skóla sem þá voru komnir til vegs og
virðingar. í Svíþjóð hóf Brevskolan
starfsemi sína árið 1919 og var hann
fús til að styðja tilraun íslensku
samvinnufélaganna til að starfrækja
bréfaskóla hér á landi, m.a. með því
að láta þeim í té námsefni og
hljómplötur.
Tilgangurinn var „að gefa
námsfúsu fólki, ungu sem gömlu
tækifæri til að afla sér fróðleiks í
frístundum sínum“. Þannig voru
markmiðin orðuð 1940.
Óhætt er að segja að Bréfaskólinn
hefur í hálfa öld gefið tugþúsundum
íslendinga tækifæri til menntunar sem
þeir annars hefðu ekki haft aðgang að.
Fólk úr öllum helstu stéttum og
starfsgreinum alls staðar á landinu
sækir Bréfaskólann nú eins og áður.
Þrátt fyrir stórbættar samgöngur og
gífurlega aukið námsframboð víða um
landið hefur aðsókn að Bréfaskólanum
verið stöðug í mörg ár. Fyrir utan fólk
og avarp
sem býr í strjálbýli er enn margt fólk
í landinu sem ekki á heimangengt á
venjulegum kennslutíma, t.d. þeir sem
vinna vaktavinnu, þeir sem bundnir
eru yfir börnum, sjúkum eða
öldruðum. Sjómenn eru líka stór hópur
manna sem getur ekki sótt venjuleg
námskeið. Fyrir þetta fólk getur
Guðrún Friðgeirsdóttir.
fjarkennsla verið góð lausn og
Bréfaskólinn kappkostar að liðsinna
því.
Bréfaskólinn á sér djúpar rætur í
íslensku þjóðfélagi og hann hefur
sannað tilverurétt sinn, m.a. með því
að laga sig að breyttum þörfum
þjóðfélagsins fyrir fræðslu og
þjónustu. Námsráðgjöf er fastur liður
í starfsemi skólans sem mjög margir
notfæra sér, einkum í tengslum við
innritun.
Samstarf við aðra fræðsluaðila
hefur eflst mikið á undanförnum árum.
Þeir helstu eru nú: Bankamannaskól-
inn, Ferðaþjónusta bænda, Iðn-
tæknistofnun fslands, Námsflokkar
Reykjavíkur, bókafulltrúi ríkisins,
Menntamálaráðuneytið, Blindra-
bókasafnið og í undirbúningi er
samstarf við bændaskólana. Ásókn í
ýmiss konar starfsmenntun fer nú
vaxandi, t.d. í bókavarðanám,
siglingafræði, landbúnaðarhagfræði,
bókfærslu, vaxta- og verðbréfa-
reikning o.fl.
Bréfaskólinn hefur fært
starfsemi sína út fyrir landsteinana
með því að bjóða upp á íslensku
fyrir útlendinga. Nú eru 68
nemendur, frá ýmsum löndum
heimsins, innritaðir í það nám og
hefur þetta námskeið vakið
ánægjuleg viðbrögð, bæði hér á
landi og erlendis.
Nánari upplýsingar veitir
skólastjóri Bréfaskólans í síma
629750.
Guðrún Friðgeirsdóttir.
VELKOMIN TIL
NÁMSÍ
BRÉFASKÓLANUM
Fjarkennsla opnar nýjar leiðir til
14