Fréttabréf Öryrkjabandalags Íslands - 01.12.1990, Side 16

Guðrún Hannesdóttir skólastjóri:
Skýrsla Starfsþjálfunar fatlaðra
/
Ahaustönn 1989 voru 27
nemendur í Starfsþjálfun fatl-
aðra, ýmist á 1. eða 2. námsönn. 17.
maí síðastliðinn var útskrift 11
nemenda. Alls hefur þá útskrifast 31
nemandi. I júní voru innritaðir
nemendur fyrir haustönn 1990. 3.
september síðastliðinn hófu 14 nýir
nemendur nám auk 12 á 3. önn. Alls
eru því nú 26 nemendur við nám í
Starfsþjálfun fatlaðra.
Kennarar Starfsþjálfunarinnar
síðastliðið starfsár voru 7, en eru nú 8,
á haustönn 1990. Þeir kenna frá 4 til
20 tíma á viku hver, auk þess sem
forstöðumaður sinnir einnig kennslu.
Greinar voru, veturinn 1989-90:
tölvufræði 18—20 stundir, íslenska
8, stærðfræði 8, bókfærsla og hagfræði
10, enska 8 og félagsfræði 6 stundir á
viku. Nú á haustönn hefur kennsla
verið aukin í íslensku, ensku,
stærðfræði og bókfærslu, sem nemur
1—2 vikustundum í hverri þessara
greina. Auk þess hefur verið bætt við
stuðningskennslu sérkennara 4
stundum í viku. Þessi kennsluaukning
er vegna þess að fram hefur komið
veruleg þörf á einstaklingsbundnum
stuðningi og kennslu í grunngreinum.
Aukinn tímafjöldi býður einnig upp á
sveigjanlegri kennsluhætti.
Auk hefðbundins náms og
kennslu hefur verið farið í starfs-
kynningar og ýmsar stofnanir
heimsóttar, m.a. er orðinn fastur liður
að heimsækja Alþingi. Tvö námskeið
voru haldin fyrir fyrrverandi jafnt sem
núverandi nemendur, ræðu- og
sjálfstyrkingarnámskeið með leið-be-
inanda frá Dale Carnegie og síðan
námskeið um fundarsköp og félags-
starf, með leiðbeinanda frá M.F.A.
Takmark, félag fyrrverandi og núver-
andi nemenda, stóðfyrirnámskeiðinu
og er virkt í að efla nemendur í félags-
starfi.
Tölvunámskeið, utan vetrarstarfs,
eru orðin fastur liður í Starfsþjálfun
fatlaðra og voru tvö slík námskeið
haldin síðastliðið sumar fyrir alls 15
nemendur, auk þess sem einn nemandi
fékk kennslu í notkun blindraskjás.
Guðrún Hannesdóttir.
Síðastliðið sumar var gerð tilraun
með nýja tegund námskeiðs, at-
vinnulífsnámskeið, er hófst 21. maí
og stóð til 1. júní, hvern virkan dag frá
kl. 14—17. Þátttakendur voru 10
talsins. Námskeið þetta var haldið í
samvinnu við Ráðningarstofu
Reykjavíkurborgar, öryrkjadeild,
íþrótta- og tómstundaráð Reykjavíkur
og Félagsmálastofnun Reykjavíkur,
unglingadeild. Hliðstættnámskeið var
þannig haldið fyrir unglinga á þeirra
vegum, eftir sameiginlegan undir-
búning og í höndum sömu kennara.
Atvinnulífsnámskeiðið þótti okkur
takast það vel að til greina kemur að
gera slíkt námskeið að árvissum lið
utan vetrarnámsins líkt og tölvunám-
skeiðin eru orðin.
Kostnaður við rekstur Starfsþjálf-
unarinnar 1989 reyndist
7.958.000 kr. og er þá húsaleiga ekki
meðtalin. Framlag ríkissjóðs nam
6.724.000 kr.,auk 1.200.000 kr. styrks
úr Framkvæmdasjóði fatlaðra til kaupa
á ýmsum búnaði. Öryrkjabandalagið
styrkti Starfsþjálfunina með eftirgjöf
húsaleigu og tókst þannig að láta enda
ná saman.
Áfjárlögumársins 1990erulagðar
7.530.000 kr. til rekstursins. 800.000
kr. fengust úr Framkvæmdasjóði
málefna fatlaðra til að mæta ýmsum
stofnkostnaði m.a. þarf nokkra
endurnýjun á tölvukosti auk kaupa á
jaðartækjum og stoðbúnði.
Ljóst má vera að hin opinbera
fjárveiting er þó nokkuð undir
kostnaðaráætlun, einkum ef litið er til
viðbótar kennslumagns og þjónustu á
þessu ári, og því er framlag
Öryrkjabandalagsins (þ.e. eftirgjöf
húsaleigu) til Starfsþjálfunarinnar
kærkomið og í raun afgerandi styrkur.
Guðrún Hannesdóttir.
16