Fréttabréf Öryrkjabandalags Íslands - 01.12.1990, Blaðsíða 27
AF S TJÓRNARVETTVANGI
Fundur var haldinn í stjórn
Öryrkjabandalagsins miðviku-
daginn 26. sept. kl. 16.30.
Fyrst var nokkuð rætt um aðalfund
og atvinnumálaráðstefnu þá sem greint
er frá í glöggu máli annars staðar í
Fréttabréfinu.
Þá var Tölvumiðstöð fatlaðra og
framtíð hennar tekin fyrir og var það
mál reifað af Ólöfu Ríkarðsdóttur.
Brýn nauðsyn þykir að tengja
saman starfsemi Tölvumiðstöðvar og
Hjálpartækjabankans.
Fyrirhugað er því að Sigurjón
Einarsson verði næstu sex mánuði í
starfi fyrir báðar þessar stofnanir, en
Helgi Hróðmarsson hefur á hendi
forstöðu Tölvumiðstöðvarinnar sama
tíma í fjórðungi starfs.
Gefið verður út sérstakt fræðslu-
efni um Tölvumiðstöðina, en varð-
andi nafngiftina minnti Vilhjálmur
Vilhjálmsson á hugmynd sína um
heitið: Leiðbeiningaþjónusta fyrir
tölvunotkun fatlaðra, svo allir mættu
skilja hvað við væri átt.
Þá var greint frá samstarfi Öryrkja-
bandalagsins og Þroskahjálpar.
Samvinnunefnd samtakanna starfarnú
á ný og starfsreglur hafa verið
samþykktar af báðum aðilum.
Nýr ráðningarsamningur verður
gerður við Helga Hróðmarsson í ljósi
þess að hann er nú starfsmaður
Öryrkjabandalagsins, þó hann gegni
að sjálfsögðu áfram umsjón með
sameiginlegum verkefnum samtak-
anna beggja.
Rættvarnokkuð um sameiginlega
fulltrúa í svæðisstjórnum og stjómar-
nefnd, sem yrðu að gera sér þess ljósa
grein að þeir væru fulltrúar beggja
samtakanna jafnt.
Einhugur var um að viðhalda sem
beztu samstarfi þessara heildarsam-
taka fatlaðra í landinu. Þá var tekið
fyrir bréf frá ferðamálaráði um
viðurkenningu til einhvers þess aðila,
sem bezt hefði staðið sig varðandi
aðgengis- og ferlimál fatlaðra.
Öllum félögum hafði verið skrifað
með beiðni um ábendingar, en hvergi
bólaði á svörum. Á nokkra aðila var
minnzt, sem sýnt höfðu lofsverða
viðleitni í þessum efnum, en Amþóri,
Ásgerði og Ólöfu falið að ganga frá
málinu í samráði við Carl Brand.
Þá komu málefni Glits til umræðu.
Þrír valinkunnir menn höfðu farið ofan
í saumana á ástandi og horfum hjá
Glit h.f. samkvæmt síðasta stjórnar-
fundi og hafði Hafliði Hjartarson orð
fyrir því áliti. Álitlegt sýnist að auka
hlutafé og gera Glit að hálfvemduðum
vinnustað. Reykjavíkurborg mun
koma inn í myndina og bæði félags-
málaráðuneytið og S.Í.B.S. eru með
málið til vandlegrar skoðunar með
aðild fyrir augum.
Samþykkt einróma að leggja til
við aðalfund að Öryrkjabandalagið
kaupi hlutabréf í Glit fyrir eina milljón
króna.
Öryrkjar vinna þama í dag í veru-
legum mæli og unnt er að fjölga
störfum fyrir öryrkja verulega.
Þá reifaði Arnþór málefni
Bréfaskólans en 1. okt. sl. var
50 ára afmæli skólans og móttaka af
því tilefni 15. okt., þar sem starfsemi
skólans var sérstaklega kynnt.
Hlutverk Bréfaskólans verður æ
þýðingarmeira á endurmenntunars viði
og beiðnir um starfstengt námsefni
hafa orðið æ meira áberandi. Hins
vegar gerist það sama í Bréfaskólanum
og gildir um fullorðinsfræðslu
almennt, að fólk flosnar upp í auknum
mæli.
í umræðum kom fram að frekara
námsefni þyrfti að fást sem tengdist
möguleikum öryrkja. Óskað var eftir
frekari kynningu meðal öryrkja á því
námsefni, sem Bréfaskólinn er með.
Varðandi nýtt námsefni benti Jóna
Sveinsdóttir á það að hún hefði á
stjómarfundum Bréfaskólans ítrekað
kynnt hugmyndir sínar um námsefni
fyrir heyrnarlausa og aðstandendur
sem aðra — myndir og leiðbeiningar
í táknmáli — undirstöðuatriði.
Samþykkt var að hafa kynningu á
Bréfaskólanum á aðalfundi og upplýst
að væntanlegur væri kynningarbækl-
ingur um skólann. Bréf kom frá
menntamálaráðuneytinu varðandi
nefnd um ráðgjafar- og sál-
fræðiþjónustu skóla. Óskað samstarfs
við Öryrkjabandalagið og ákveðið að
Hafdís Hannesdóttir yrði tengiliður
Ö.B.Í. við nefnd þessa.
Þá var frá því greint að í stað Páls
Svavarssonartæki ÞórirÞorvarðarson
sæti í stjóm Ö.B.Í. af hálfu Styrktar-
félags lamaðra og fatlaðra.
Ymis fleiri erindi voru rædd, en
þeim ekki gerð skil hér, því það væri
að æra óstöðugan.
Annar stjórnarfundur var svo
haldinn 12.nóvemberundirfor-
sæti Ólafar Ríkarðsdóttur þar sem
formaður var austur í Kína. Þar fór
fram fulltrúakj ör á aðalfund í slenzkrar
getspár og voru þessi kjörin: Anna
Ingvarsdóttir, Arinbjöm Kolbeinsson,
Amþór Helgason, Björn Ástmundsson
og Magnús Kristinsson.
í stjóm íslenzkrargetspártilnæstu
tveggjaáravoruþeirkjömir: Arinbjörn
Kolbeinsson og Bjöm Ástmundsson
og til vara: Magnús Kristinsson og
Ólöf Ríkarðsdóttir.
Kynnt var frumvarp sent okkur til
umsagnar um Samskiptamiðstöð
heyrnarlausra og heymarskertra. Það
frumvarp og framgangur þess mun
síðar verða kynnt hér í Fréttabréfinu.
Frumvarpið skal skoðað með Félagi
heyrnarlausra og Foreldra- og
styrktarfélagi heyrnardaufra og voru
Jóna Sveinsdóttir, Vilhjálmur
Vilhjálmsson og Helgi Seljan sett til
þess verks.
Þá voru málefni Glits h.f. rædd
nokkuð, en fyrir Framkvæmdasjóði
fatlaðra liggur nú bréf frá ráðherra um
framlag til þessa verkefnis, en þar er
gert ráð fyrir blönduðum vinnustað.
Hafliði Hjartarson kynnti það að
stjórnarmaður í Glit h.f. fyrst um sinn
yrði Aðalsteinn Steinþórsson form.
Sambands verndaðra vinnustaða og
var það staðfest af fundinum. Þá var
gengið frá því að fulltrúar okkar í
N.F.F.R. — norrænu endurhæfingar-
samtökunum yrðu þeir Magnús
Ólason læknir og Amþór Helgason
og til vara þau Haukur Þórðarson og
Ólöf Ríkarðsdóttir.
Ásgerður greindi svo í lokin frá
væntanlegri ljóðabók Jakobínu
Þormóðsdóttur, sem Jóhann Þórir
Jónsson gefur út og ætlar að verja
ágóða til sjóðsstofnunar, sem styrki
rannsóknir á sjúkdómi þeim, sem
Jóhanna er með.
H.S.
FRÉTTABRÉF ÖRYRKJABANDALAGSINS
27