Fréttabréf Öryrkjabandalags Íslands - 01.09.1996, Side 13

Ómar segir að ætla megi að það
taki 2-3 ár að hasla sér almennilega
völl á þessum vettvangi, láta vita af
sér í hinni hörðu samkeppni sem fer
vaxandi. Sem lögmannsfulltrúi í öllu
mögulegu var það þó svo að hann
byrjaði reksturinn með autt borð, þó
vissulega hefði fulltrúastarfið verið
ágætt veganesti.
Eins og Ómar hefur hingað til ekki
látið neina erfiðleika buga sig mun
hann ótrauður halda áfram og skapa
sér þann starfsvettvang sem til fram-
tíðar verður.
Hann kveðst að vonum afar fús að
sinna málum okkar skjólstæðinga sem
hann segir að oft eigi á brattann að
sækjaí svomörgu. Ómari er alls góðs
árnað í sem allra mestum önnum við
að rétta hlut fólks í flóknu réttarkerfi
okkar. Hann er eitt margra ágætra
dæma um það að erfið fötlun á ýmsa
lund þarf ekki þröskuldur að vera sem
óyfirstíganlegur er, ef viljakraftur,
dugur og vinnusemi haldast í hendur
við bjartsýni og þolgæði ásamt auð-
vitað þeim hæfileikum sem hollastir
reynast.
Ómari er þökkuð ánægjuleg stund
í Hafnarstræti 20. Megi hann eiga
annríki sem allra mest í lögfræði-
störfum sínum, því það er víst merg-
urinn málsins að mega eiga gnótt
góðra verkefna. Síminn hjá honum
Ómari er: 552-5590.
H.S.
Hlerað í hornum
Kvennagullið fékk að fylgja dans-
dömunni sinni heim. “Drottinn minn,
hvað þú kyssir vel. Þú hlýtur að hafa
æfinguna”, stundi stúlkan/'O, já,
nokkuð svo, ég er trompetleikari í
lúðrasveit.
Amman segir við dótturdóttur sína:
“Vertu ekki að toga í skottið á kett-
inum, vina mín”. “Eg held bara, það
er hann sem togar."
Nunna ein var á ferð á bíl í útlandinu.
Bfllinn varð benzínlaus, en nunnan dó
ekki ráðalaus, eina ílátið í bílnum var
aflóga en heilt næturgagn og með það
arkaði hún heim á næsta bæ og fékk
þar benzín. Sem hún var að hella úr
koppnum á bflinn fór prestur einn þar
fram hjá og þegar hann sá aðfarirnar
varðhonumaðorði: “Mikil er trú þín
kona.”
Útskrift í Hringsjá
Sunnudaginn 19. maí fór fram útskrift í Starfsþjálfun fatlaðra, sú
fyrsta í nýja húsinu Hringsjá. Auk nemenda og kennara var allmargt
gesta. Forstöðumaður, Guðrún Hannesdóttir, flutti skólaslitaræðu og kvað
hér um að ræða merka stund á mildu vori. Nú voru 9 nemendur að
útskiifast eftir 3 annir, en með þeim hafa 108 alls lokið öllum þrem
önnum. Hún fór svo yfir skólastarfið, flutningana yfir í Hringsjá,
afleiðingin m.a. einsetning sem afar mikilvæg væri. Minnti á nýja
tölvubúnaðinn sem gerði Starfsþjálfun mjög samkeppnisfæra í hvívetna
í tölvukennslu, gat um hinn góða hlut Dóru Páls í þessu sambandi. Lán
Starfsþjálfunar mikið að hafa svo gott og staðfast kennaralið. Minnti á
nokkra staksteina: jólatrésskemmtun, dag símenntunar, tyllidaga m.a.
með kúrekadansi, þátttöku í spurningakeppni hjá Hemrna Gunn. í
Sjónvarpinu. Keppandinn Erling Ragnarsson gefið vinningsandvirðið
til kaupa á mótaldi fyrir Starfsþjálfun. Gat einnig um Fréttaþjálfann og
kaffistofurekstur nemenda sem vel hefði tekizt. Guðrún sagði markmiðið
hæfingu, ekki aðeins nauðsyn að stækka nemendahópinn, heldur enn
frekar að sinna hverjum og einum betur. Ekki mætti staðna heldur vera
hreyfiafl til framtíðar. Huga skyldi ævinlega vel að innri gróðri. Aðsókn
linnir ekki að Starfsþjálfun og nú eru 50 manns á tölvunámskeiðum,
sagði Guðrún. Færði útskriftaraðli árnaðaróskir góðar og kvað árangurinn
persónulegan sigur fyrir hvem og einn á einhvern veg. Guðrún kvað
kennara vera stolta af þeim, áfram eigið þið okkur að, sagði Guðrún.
Hundraðasti útskriftarnemandinn, íris Jónsdóttir, fékk blómvönd af því
tilefni.
Formaður stjómar Starfsþjálfunar fatlaðra, Margrét Margeirsdóttir,
færði fram hamingjuóskir stjórnarmanna. Kvað það ánægjuefni hve
allir legðu sig fram sem allra bezt og nú væri dýrmætum lífsáfanga náð.
Margrét sagði mesta nauðsyn nú að ná meira fjármagni, eðlilegu
rekstrarfjármagni til Starfsþjálfunar, á það myndi stjórnin leggja
megináherzlu. Olöf Ríkarðsdóttir, stjórnarmaður aflienti svo útskrift-
arnemum fallega bók frá Starfsþjálfun í kveðjuskyni, fagurlega áritaða.
Ólafur Jakobsson færði fram hlýjar þakkir og óskir f.h. útskriftarnema
og kvað vistina hafa verið gagnlega vel og farsæla þeim öllum. Kennurum
voru síðan af nemenda hálfu veitt blóm svo og færði forstöðumaður
stjórnarmönnum blóm í þakklætisskyni. Erling Ragnarsson fulltrúi
annarrar annar flutti útskriftaraðli einlægar árnaðaróskir og þakkaði fyrir
sig og sína. Á eftir þessari ágætu athöfn þáði fólk veglegar veitingar.
H.S.
FRÉTTABRÉF ÖRYRKJAB ANDALAGSINS
13