Fréttabréf Öryrkjabandalags Íslands - 01.09.1996, Qupperneq 27

Frá sumarferð félagsins.
FÉLAG NÝRNASJÚKRA
ÍOÁRA
É y élag nýrnasjúkra var stofnað 30. október 1986.
æ' Stofnfélagar voru 103 en félagar eru í dag 192.
Strax við stofnun gekk félagið inn í norrænt samstarf,
Nyresyges Nordiske Samarbejdsudvalg, NNS, sem er
samstarfsnefnd norrænna félaga nýrnasjúkra. Löndin
skiptast á um að halda samstarfsfundi á haustin. Félagið
hefur notið góðs af reynslu þeirra en sum hver eru orðin
hartnæraldarfjórðungsgömul. Árið 1991 gerðist félagið
aðili að Öryrkjabandalagi Islands.
Félagið hefur reynt að halda góðurn tengslum við
blóðskilunardeild Landspítalans sem er eina skilun-
ardeildin á landinu. Það hefur meðal annars styrkt
deildina með því að gefa blóðskilunarvélar, sérhannaða
stóla og ýmsan annan búnað til að létta sjúklingum
dvölina þar. Markmið félagsins samkvæmt 3. gr. laga
þess er að styðja alla sjúklinga með þráláta nýrnasjúk-
dóma, einkum og sér í lagi að gæta hagsmuna skilun-
arsjúklinga og nýrnaþega. Skilunarsjúklingar eru þeir
sjúklingar sem þurfa að vera bundnir blóðskilun eða
kviðskilun. Blóðskilun er tenging við gervinýra og er
allajafna þrisvar sinnum í viku, 3-4 tíma í senn á skilun-
ardeild sjúkrahússins. Kviðskilun er þegar lífhimnan
er notuð til hreinsunar úrgangsefna. Þá er vökvi sem
dregur í sig úrgangsefnin látinn renna inn í kviðarholið
og skiptum hann á 6 klukkustundafresti. Sjúklingurinn
er ekki bundinn sjúkrahússveru við kviðskilun. Sem
betur fer er stærsti hópur félaga fólk með ígrædd nýru,
þar af meirihluti með nýra úr lifandi gjafa.
Nýrnaígræðslur fara fram erlendis og í dag fara
flestir á Sahlgrenska-sjúkrahúsið í Gautaborg.
Félagið veitir félagsmönnum sínum styrki í tengslum
við ígræðsluferðir.
Fyrsta nýrnaígræðslan á íslendingi var gerð 1970
og heilsast líffæraþeganum vel enn í dag. í dag hafa
um 80 ígræðslur verið framkvæmdar. Bæklingur með
almennum upplýsingum fyrir nýrnaþega er tilbúinn til
prentunar og kemur út innan skamms.
Almennt félagsstarf er komið í fastar skorður. Reynt
er að halda í það minnsta tvo fræðslufundi yfir veturinn
með fræðsluefni fyrir sjúklingana. í desember er hald-
inn jólafundur þar sem ávallt er reynt að hafa vandaða
dagskrá, prestur heldur hugvekju og leggja gestir til
lítinn jólapakka sem jólasveinninn útbýtir síðan til gest-
anna og borðin svigna gjarnan undan voldugum veislu-
krásurn sem félagsmenn leggja til. Einnig hefur verið
efnt til leikhúsferða og flest sumur er farin dagsferð
um svæði í nágrenni borgarinnar. Einu föstu tekjur
félagsins eru félagsgjöld. Auk þess hafa verið gefin út
og seld jólakort og efnt hefur verið til kökubasars oftar
en einu sinni. Minningarsjóður félagsins var stofnaður
1987 og úr honum eru veittir ferðastyrkir til ígræðslu-
sjúklinga.
Minningarkortin eru seld í apótekum og blóma-
búðum. Umsjón með sjóðnum hefur Salóme Guð-
mundsdóttir, fyrsti ígræðsluþeginn.
Fyrstu árin veitti Gísli heitinn Sigurbjörnsson,
forstjóri Elliheimilisins Grundar, félaginu aðstöðu sem
var ómetanlegt. Frá árinu 1993 hefur formaðurinn lagt
til aðstöðu á heimili sínu en vegna breyttra aðstæðna
leitar félagið nú að nýrri skrifstofuaðstöðu.
Formaður félagsins hefur frá upphafi verið Dagfríður
Halldórsdóttir. Aðrir í stjórn eru: Regína Aðalsteins-
dóttir, Jón Sveinsson, Sandra Róbertsdóttir og Hildur
Pétursdóttir.
Frá stjórn félagsins.
FRÉTTABRÉF ÖRYRKJABANDALAGSINS
27