Fréttabréf Öryrkjabandalags Íslands - 01.09.1997, Page 45
þess og mun myndbandinu víða dreift.
Jón Júlíusson varaformaður LHS í 4
ár var sæmdur gullmerki LHS.
Starf Neistans er kynnt rækilega en
svo hefur einnig verið gert hér.
Að lokum er bent á að lýsið okkar
blessað sé gott fyrir hjartað og kemur
vonandi engum á óvart.
Megin Stoð - blað MS félagsins
kom út á sumardögum í rit-
stjórn Páls Pálssonar á ábyrgð Odd-
nýjar F. Lámsdóttur. Fögur er forsíðu-
myndin sem Kristján E. Einarsson
fyrrum stjórnarmaður í MS hefur
tekið.
Gyða J. Ólafsdóttir formaður
þakkar Kristjáni einmitt vel unnin
störf fyrir MS félagið og fagnar lið-
sinni Garðars Sverrissonar sem nú er
fulltrúi MS félagsins í stjórn Öryrkja-
bandalagsins. Gyða minnir á vel-
heppnaða ráðstefnu evrópsku MS
félaganna hér á landi.
Hlerað í hornum
Georg litli fékk trommu í jólagjöf og
æfði sig óspart á henni. Þegar faðir
hans kom heim frá vinnu einn daginn
sagðist móðirin vera orðin hrædd um
að nágranninn á efri hæðinni væri
heldur lítið hrifinn af trommuleiknum.
Hann hefði nefnilega gefið Georg litla
hníf og spurt um leið hvort hann vildi
ekki vita hvað væri innan trommunni.
Nemandinn hafði ekki mætt í
menntaskólann í viku, en lét vita á
hverjum degi að hann væri veikur.
Skólastjórinn frétti hins vegar af
nemandanum fullum dag eftir dag og
þegar hann mætti seint og um síðir í
skólann tók skólastjórinn hann á
beinið og las honum pistilinn þar sem
hann sagði nemandanum m.a. frá
þeim fregnum sem hann hafði af
honum haft. Hann endaði þrumuræðu
sína á því að spyrja nemandann hvort
hann héldi því enn ffam að hann hefði
verið veikur. Þá ansaði nemandinn
býsna borubrattur: “Víst var ég
veikur. Fyrst var ég veikur í vín og
svo varð ég veikur af víni”.
Það fór svo að hún Anna sleit trú-
lofuninni við hann Adda, en nokkru
seinna sagði hún þó: “O, ég sakna nú
bara hans Adda. Það var svo notalegt
að hafa hann um helgar”.
Hallgrímur Magnússon er í viðtali
blaðsins en hafði áður flutt erindi og
setið fyrir svörum á fundi félagsins.
Hann er einn helsti boðberi náttúru-
læknisfræðinnar - er m.a. á því að
mjólk sé óholl. Hann segir t.d. að í
99% tilfella sé lyflæknisfræðin enda-
leysa, lækni einkenni en ekki orsök.
Hann mælir með föstu, rétt matreiðsla
skipti miklu máli o.s.frv. Jákvætt
hugarfar skiptir einnig mjög miklu.
Svipmyndir eru frá Evrópuþinginu
16.-18. maí sl.
Margrét Sigurðardóttir félagsráð-
gjafi hjá MS félaginu skrifar um MS
og fjölskylduna. Hún segir frá áhrif-
um MS á samband hjóna en nokkuð
algengt sé að fólk með MS lendi í
hjónaskilnaði og þá þarf að ýmsu að
hyggja til að styrkja og bæta hjóna-
bandið m.a. horfast í augu við stað-
reyndir, slíta ekki maka út með enda-
lausu sífri og kvörtunum, sinna
áhugamálum þrátt fyrir sjúkdóminn
og viðhalda kynlífsþættinum.
Ofverndun er mjög slæm, virkni hins
MS sjúka nauðsyn. Muna þarf eftir
börnunum, hjálpaþeim til að aðlagast
breyttum aðstæðum, ekki íþyngja
þeim með ábyrgð of mikilli t.d. með
því að vera hjálparhellur.
Gyða skrifar svo um norrænan
MS fund í Helsinki þar sem m.a.
var fróðleikur fluttur um lyfið Inter-
feron beta.
Ég þarf alltaf að vera að gera eitt-
hvað - nefnist ljómandi viðtal við Sig-
rúnu Þórarinsdóttur. Hún er kennari
að mennt og hefur verið með MS frá
1985 a.m.k. og trúlega miklu fyrr.
Sigrún er fjögurra barna móðir, tvö
þeirra ennþá á hennar framfæri. Hún
lýsir á glöggan og ljósan hátt innri
baráttu sinni, er greinilega ekkert á því
að gefast upp samt.
Hún er á sínum lágu bótum og lága
lífeyri en lætur samt enda ná saman
með því að vera alltaf að spara. Sig-
rún segist hafa verið í sjálfshjálpar-
hópi á vegum MS félagsins sem hún
segir hafa styrkt sig mjög mikið.
Sigurbjörg Armannsdóttir á grein um
síðasta aðalfund MS félagsins, þar
sem hún segir að fram hafi farið ítar-
legar umræður og málefnaleg skoð-
anaskipti. Vitnar Sigurbjörg til stefnu-
skrárvinnunnar hjá ÖBI þar sem hún
tók virkan og vakandi þátt og vill fá
hliðstæðu þeirrar vinnu í gang með
haustinu hjá MS félaginu. Blaði MS
félagsins lýkur svo með ljóðinu
Græðarinn eftir Gyrði Elíasson.
Framhald í næsta blaði
Frá Greiningar- og
ráðgjafarstöð ríkisins
Avordögum síðla kom hingað tvíblöðungur, mjög snotur frá
Greiningar- og ráðgjafarstöð ríkisins, sem fjallar um breytingar á
skipuriti og starfsháttum stöðvarinnar, en þær gengu að fullu í gildi 1. júní
sl.
Breytingarnar endurspegla m.a. að þjónustuúrræði hafa eflst utan
stofnunarinnar sem og þá stefnu stjórnvalda að þjónusta við fatlaða verði
felld að félagsþjónustu sveitarfélaga. Þess er vænst að nýir starfshættir
skapi meiri sveigjanleika í þjónustu, öflugra samstarf við aðra og skjótari
viðbrögð við tilvísunum fyrst og síðast. Starfsemi Greiningarstöðvar mun
skiptast í fjögur fötlunarsvið, auk inntöku- og sameiningarsviðs, en þangað
berast allar tilvísanir og þaðan svo vísað til viðkomandi sviðs.
Þau eru: Fötlunarsvið I: Almennar þroskaraskanir, yngri börn. Fötl-
unarsviðll: Almennar þroskaraskanir. Fötlunarsvið III: Hreyfihamlanir.
Fötlunarsvið IV: Tengslahamlanir og málhamlanir. Nánar er svo rakið í
tvíblöðungnum í hverju hvert fötlunarsvið er fólgið og skal ekki frekar út
í það farið.
Eins og menn eflaust vita heyrir Greiningar- og ráðgjafarstöð ríkisins
undir félagsmálaráðuneytið. Forstöðumaður er Stefán Hreiðarsson og
Ásgeir Sigurgestsson er framkvæmdastjóri. Um leið og þessari litlu
kynningu er hér á framfæri komið er Greiningarstöðinni árnað árangurs
góðs af þessari skipulagsbreytingu svo og velfarnaðar í mikilvægu starfi.
H.S.
FRÉTTABRÉF ÖRYRKJABANDALAGSINS
45