Fréttabréf Öryrkjabandalags Íslands - 01.09.1999, Síða 49

Eftir athöfnina í íþróttahúsinu var
svo haldið út í Hamrahlíð 17, þar
sem ljúfar veitingar biðu allra og um
leið sýning og kynning af fjölbreyttu
tagi.
Til að sýna tjölbreytnina þá skal
upp talið hverjir kynntu sig eða voru
kynntir: Blindrabókasafn íslands,
Blindrafélagið, blindrahundasýning,
Blindravinnustofan, Daufblindrafélag
Islands, handverkssýning, Hljóðbóka-
gerð, Sjónstöð Islands að ógleymdri
skotfimi fyrir blinda sem fram fór í
íþróttahúsinu.
Við óskum þeim í Blindrafélaginu
til hamingju með nýju félagsaðstöð-
una og um leið vistlega og góða mötu-
neytisaðstöðu sem þéttsetin varþessa
veisludaga.
Að kvöldi laugardagsins var svo
hátíðarsamkoma í Drangey, húsi
Skagfirsku söngsveitarinnar. Þar var
húsfyllir, en samkomunni stjómuðu
Halldór S. Rafnar og séra Helga Soffía
Konráðsdóttir.
Þar var Ragnar R. Magnússon
sæmdur gulllampa Blindrafélagsins
og Agústa Eir Gunnarsdóttir fór yfir
hin mörgu og miklu störf Ragnars
fyrir félagið. Fulltrúar norrænu
systrasamtakanna fluttu heillaóskir og
góðar gjafir. Ávörp fluttu einnig:
Helga Ólafsdóttir frá Blindrabóka-
safninu, Kolbrún Karlsdóttir frá Berg-
máli - Vina- og líknarfélagi, Guð-
mundur Viggósson frá Sjónstöð
Islands og Ómar Stefánsson frá
Blindravinnustofunni og færðu þau
fram þakkir, framtíðaróskir og gjafir
góðar.
Ágæt skemmtiatriði voru og
dansað fram á rauða nótt. Undirrit-
aður flutti eins konar afmæliskveðju
í bundnu máli sem pistill þessi endar
á.
Ekki má svo gleyma því að
glæsilegt eintak Blindrasýnar
leit dagsins ljós, var dreift með Morg-
unblaðinu og náði því til ærið margra
landsmanna.
I lok leiðara Blindrasýnar segir
Halldór Sævar svo: “Félagsandi hefur
ætíð verið sterkur í Blindrafélaginu og
vonum við að svo verði um ókomna
tíð. Sterkur sameinaður hópur getur
haft mikil áhrif til betri lífskjara en
ekki síður veittfélagsmönnum sínum
styrk og þrek í lífsbaráttunni.”
Blindrasýn er hlaðin hinu athygl-
Ragnar R. Magnússon var
sæmdur gulllampa
Blindrafélagsins fyrir störf sín.
isverðasta efni fróðleiks og framsýnna
viðhorfa með fjölbreytni efnis í
fyrirrúmi, allt frá kynningu á starfsemi
yfir í sumarbúðir á Sólheimum og
sögu þríkrossins að ógleymdum við-
tölum.
Sem dæmi tek ég lokaorðin hans
Kjartans Ásmundssonar, tuttugu og
tveggja ára Grindvíkings sem nú býr
í sambýlinu í Stigahlíð 71. Hann er
þar spurður hvemig hann sjái fram-
tíðina fyrir sér og svarar: “Eg er í
góðri vinnu þar sem ég vinn með góðu
fólki og þannig vil ég hafa það. Hvað
síðar verður, kemur bara í ljós en í dag
er ég ánægður með hlutskipti mitt”.
Kjartan vinnur hálfan daginn á
Blindravinnustofunni.
Og Friðgeir Jóhannesson, 52ja ára
sem varð alblindur eftir vinnuslys í
desember 1998 svarar varðandi það
hvort hann sé sáttur við líf sitt í dag:
“Sáttur. Nei ég get ekki sagt að ég sé
sáttur við það. Þó er ég sáttari við
það en í upphafi”. En svo segir
Friðgeir um framtíðina: “Eg lít á hana
sæmilega bjartsýnum augum. Mér
hafa fundist allir boðnir og búnir til
aðstoðar og ég hef fengið mikla
hjálp”.
Það er líka gaman að lesa viðtalið
við hana Sólveigu Bessadóttur fyrir
okkur sem eitthvað höfum komið
nálægt Hringsjá- starfsþjálfun fatlaðra
en fyrirsögn Sólveigar er: “Hringsjá
var það rétta fyrir mig”. En Blindra-
sýn fór víða og er það vel. Ásgerður
Sveinsdóttir ritstýrði og hafði að baki
sér vaska sveit liðsmanna.
En með hamingjuóskum undirrit-
aðs er þessari samantekt svo lokið:
Þið standið trú á góðum tímamótum
þá tugum sex er fagnað vel í dag,
því gjöfult starfið traustum stendur fótum
og stöðugt unnið er að bættum hag.
Með félagsþroska farsæld góðri náð,
þá finnast munu öll hin bestu ráð.
Við hyllum þá er fremstir fóru áður
og fylktu sér um markið hátt og djarft.
Að virkja sjálfið, vera engum háður
það verkefni er öllum mönnum þarft.
í veganesti viljaþrekið eitt
en vökul hugsjón mörgu getur breytt.
Það ljósast er, þið eigið eld í hjarta,
þá auðnureisn er vísar sigurleið.
Að virkja hugann, víla ei né kvarta,
en vekja dug og hefja nýjan seið.
Á brattann sótt, því hvergi hvikað er
með hvatning þeirri er gæfuhnoðað ber.
í dag er fagnað auðnu áratuga,
sem ykkur hefur skilað fram á leið.
Þið nýtið ætíð gjörva hönd og huga
til heillastarfs svo brautin verði greið.
Til sóknar blásið enn á nýrri öld
og áfram megi giftan hafa völd.
Heill sextugri sóknargöngu margra mætra sigra.
H.S.
fréttabréf öryrkjabandalagsins
49